Joel 2:24 - Ohiatonhseratokénti

²⁴ Ne tsi iehthethákwa kwáh thentʼkanhatsiaráhke, ne watnekarákwas enwatawenhrát꞉tseke nonenhará꞉keri ó꞉ni ne tsi wateienaráhkwa ne kénhie.

Joel 2:24 ပူးပေါင်းရင်းမြစ်များ

Ezekiel 36:8

Ók ne tsi ionhnontarónnions ne Israel ne karonhtasónhas shé꞉kon enskanarahtonthónhnion tánon ensehwaiónten ne sarihwáhke, nakonhkwetashón꞉as Israerʼró꞉nons. Kwáh iostó꞉re enséhsewe.

Joel 3:13

Iasewaténiet ne iontkwirhiákstha, asè꞉ken ó꞉nenh iohnhó꞉rari. Wá꞉sehwe, tesewaskwahserón꞉kwat, asè꞉ken nonenhará꞉keri tsi ienekonhniá꞉tha kanánon. Ne tsi watnekarákwas watawenhratʼtons, asè꞉ken ne raotirihwaneraháktsheras tehiotenonhianì꞉tons.

Joel 3:18

Ne thóh enwenhniserá꞉teke ne tsi ionontahrónhnions kwáh enwatsánon ne teionekatsikhè꞉tare onenhará꞉keri, ne tsi ionhniarónhnions kwáh enwatawenhrát꞉tseke nonón꞉ta, tánon akwé꞉kon tsi niwatnekí꞉nes ne Judah nón꞉we kwáh kí enwatawenhrát꞉tseke nohné꞉kanos; né ioné꞉kote kwáh thóh nón꞉we nénhtewe Raononsatokenhtikowáhne ne Roiá꞉ner tánon ne enhionekanónhte ne Shittim ahonráhkwakon.

Leviticus 25:19

Nonhóntsa entkáhaʼwe ne kaientʼthó꞉tsheras, tánon kwáh tsík nahoténsons enshaiénthake násehke tánon skénhnenk tsi enshiterónhthake.

Leviticus 26:10

Nenhsewaientwáko thonióre tsi enhiawetowanénhke tsiósera iénhenwe tsi iatenhsewaiérihse, tánon kíʼ iekaníhare kwáh íh꞉se iensewáti tsi nahó꞉ten iothaténrons nakáion kaientwákwen né nakanaktónhni náse kaientʼwákwens.

Amos 9:13

Ne kawistáhets orihwiiohón꞉we tsi táwe, rá꞉ton ne Roiá꞉ner, nó꞉nen tsi niká꞉ien renhtarakaráttos thenhoiataskénhni tsi niká꞉ien ne raienkwáhkwas, tánon ne ronhsitáke tsi tehonhiaríhtha nonenhára ne tsi niká꞉ien raiénthos ne kánenh; ne tsi ionhnontáhere entkastárenhne ne tehionekatsikhétare onenharákeri, tánon akwé꞉kon ne tsi ionhniarónhnions ne enkarionhatátse.

Malachi 3:10

Tasewáhahf niakahwistaié꞉rike kanónhskon nononhsatokenhtiʼkowáhne, ne ká꞉ti nakakhwaièn꞉take nakenónhskon, tánon kwáh kiʼ takatenniéhten, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs; satkáhtho tókaʼ kenh iáh thakenenhstonkwahnhotonkwenhá꞉ton ne karonhiá꞉ke ní꞉se sewarihwá꞉ke tánon naontakoniawerón꞉hahse aontawenhrátsheke ne kaiaʼtateríhtshera.