Joel 2:2 - Ohiatonhseratokénti

² ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Joel 2:2 ပူးပေါင်းရင်းမြစ်များ

Psalms 10:6

Í꞉rehre, “Iáh seh nonwénhton tahoriwaʼnó꞉ron; kwáh tiókonte tsi nihanekwensatátse iáh sèh nonwénhton tsiatahonhnikónrare.”

Psalms 97:2

Otsátas tánon ne kwáh tetiokaraskówa kwáh ne tehotsatátons; karihwakwarihshón꞉tsheras tánon kaiáneren né kenskwará꞉kwen ne raonitskwáhra.

Exodus 10:14

Tenhontiʼhonwaʼrowáhʼnenhke tsi enhonʼné꞉we tánon kanakerahʼseraʼkwékon tsi enhontaʼtiténron. Né꞉ne kwáh thotihonwaroʼwáhnen ne tsistàraʼre ne nonhwénhton ahonwatikènʼke iáh ó꞉ni nonhwénhton shé꞉kon etʼtèhiot tsi ahonsaʼhonwaʼtíken.

Exodus 10:6

Tenhthatiʼráhthe ne tsi sanónsoʼte ó꞉ni tsi rotinonsóhtons ne sanahʼtsherasónhas ó꞉ni ratikwékon ne shonkwetaʼshónʼas. Kwáh tenhiotenonhiaʼnitónhake né꞉ne iáh nonwénhton tehonatʼkháton ne sesotʼthonkonkénʼen.’” Ethóne ne Mahís thonsahatkaraténi tánon èhren shàrethe.

Exodus 20:21

Ók kíʼ nonhkweshón꞉ʼa sénhak kíʼ ahínon nióre thonʼnéton, ók Mahís khók kíʼ ákta niaháre ne tsi thetioʼtshatàkeras tsi nónhwe níresʼkwe ne Rawenni꞉io.

Isaiah 5:30

Kwáh enhontonráien ne thóh enwenhniseráteke, kwáh tsi ní꞉ioht tsi iorákare ne kaniatarakhekowàne. Tánon ne tseiáta iahiontkátho tsi tionhontsá꞉te— kwáh nènhneʼe nek khók tsi wakaronhióroke. Tánon ne teioswát꞉the né꞉ne tahiokarásthen tsi niʼiotsatarónhnions.

Isaiah 8:22

khés ohontsáke thensontʼkáneren, ók nék khók kí enhiontʼkátho ne teionikónrharah tánon tetsiókaras, ne tetsiokaráston ne kanikonraronhiakénsera; tánon thóh ienhonwahtiʼiatón꞉ti tsi tetsokaraskówa.

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 13:6

Onahkènhke ne Roiá꞉ner sahakró꞉ri Euphrates niéske tánon sekʼkhóha nètho niwahniatarétsa.

Lamentations 1:12

“Aiáwens thósa níse thóh nahisaiátawen,” iatehiohenréta nónka iakothohestonhátie. “Taskatkáto! Àrok nonwénton nónkat thóh naiakokararenséken tsi ní꞉ioht Í꞉i, kanonhwakténtshera tahákon ne Roiá꞉ner tsi nikaríwas ronakwenhén꞉ne.

Ezekiel 32:7

Nónenh enkonhiáthonte, kwáh enkeróhroke ne tsi karonhiáte tánon enkerónh꞉ko notsistokwahsónhas. Ne karáhkwah onàhken ne tsi iotʼtsatarónhnion enhiotaséhthonke, tánon nasonhtʼtenhnékha karáhkwah iáh thaʼtahonsahkaswátʼtethe.

Ezekiel 34:12

kwáh tsi ní꞉ioht tsi shakotinikónhrahre ne rahotitʼtshénenh teiotinahkaronhtónha ne tehionahrénion tánon shé꞉kon sahkonhwatihiataróh꞉roke. Kwáh tentekhehiaténhawe ne tsiknonhwésons niatehionahréhnion nètho tetsiókaras, kahkaronhniatsherowáhnen tewenhnisehrónhte.

Ezekiel 38:9

Rahónʼa tánon ne rahonkwetaʼshón꞉ʼa ronhterí꞉ios tánon ne wéso kanahkeráhseras ne rathikwekonhátie thóh ní꞉ioht tsi ieshakotsathónti tsi ní꞉ioht ne kawerowáhnen tánon entkaróhroʼke tsi ionwenhtsáte tsi ní꞉ioht notsátha.”

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Daniel 9:12

Wahsatatewennaiérite tsi ní꞉sen ne tsi nenhskwaié꞉raʼse tánon ó꞉ni ne ionkhikoráhshon. Wahsréwahte ne Jerusalem sénha waoteʼserowanáhten tsi ní꞉ioht ne aktéshon nón꞉we nikanataién꞉tons nonhwentsià꞉ke.

Joel 1:6

Asè꞉ken rononhontsakeró꞉nons wahatinénhrenhte nakonhontsá꞉ke, ratiʼshátste tánon ronatiohkowá꞉nen; thóh natehatinawiróthens tsi ní꞉ioht ne kénreks, tánon rotinawirhiotí꞉ies tsi ní꞉ioht ne kénreks.

Joel 2:25

Kwáh enskonkarhiákʼse né tsi nihioserákes né꞉tho rotihonwarenháwis tsistá꞉rare ronatetʼkwí꞉son, ne tehonhnitionkwáhkwa, ne sakonatónhtha, tánon ne ratinatsí꞉iaks; né꞉ne teionenhranonhiáni akitsiókwah ronhterí꞉ios í꞉ken, ne tsi nitekheiateniéhton ne shonhà꞉ke.

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Joel 2:5

Kwáh né꞉ne tehiontonhá꞉rere notiónhkwas, ionitionkwahténion nonhotoharakésons, kwáh né꞉ne watsiratónhkwas nó꞉tsire iotsahatonhátie kawá꞉he, thóh ní꞉ioht kwáh né꞉ne ratiʼshátste ronterí꞉ios rotinenhraserón꞉ni nahonterí꞉io.

Joel 3:4

Onhní꞉se nenskatiérase ní꞉i, O Tyre tánon Sidon, tánon tsi niwatonhóntsa ne Philistia? Tó꞉ka ní꞉se ahonshasetkariakséken thensetkaraté꞉ni ne senihiothénhseras seninontsí꞉ne ensétren enhiostó꞉rehke tánon thenhiokátonhke.

Amos 4:13

Asè꞉ken sewtkáhtho, tsi niká꞉ien ne ráhsaʼahs ne tsi ionontahrónnions, rawerón꞉nis kí nénhné꞉e, shakorihotahshièn꞉nis nonkwehó꞉kons; tethaʼkahraráhstha nohrhonʼké꞉ne nikahá꞉wi, tánon é꞉neken nihatohétstha ne tsi ionhontsá꞉te— né꞉ne Roiá꞉ner, ne Rawenni꞉io rotokénhti í꞉ken, ne ne raosèn꞉na!

Zephaniah 1:7

Sak thasatatón꞉ni raohénton ne Roiá꞉ner Rawenni꞉io! Asè꞉ken ne rawenhní꞉sera ne Roiá꞉ner ákta í꞉wes; ne Roiá꞉ner roweienhnenhtàhon rokʼkhwáhere, sakohiatatokenhtíston ne sakohonkará꞉wi.

Zechariah 14:6

Nó꞉nenh ienkáhewe, iáh ó꞉nenh tahonshontó꞉rahte keks nahonsahkenhserá꞉ien;

Matthew 24:21

Aseken ionikonraksentseratsanit tsinenhiaȣenne nethone, neki enskat nareko nonȣenton eh tetiaȣenhon tsinahe tiotonȣentsiatasaȣe tsiniiore nonȣa, iah oni noiah eh tiiaonsaiaȣenne.

St. Mark 13:19

Aseken tsini kententetseroȣanen ȣenniserontakȣen nehnonȣe nenkaȣi, areko nonȣenton eh tetiaȣenhon tsinahe tiotonȣentsiatasaȣe, iah oni nonȣenton nonakenke etho tataonsontenonhianite.

Deuteronomy 32:7

“Hionhsasewanonhthón꞉nionf, ne wahón꞉nise tkénhne; ientsihienhokón꞉a ietsiriwanónhtons naieʼtshiró꞉ri tsi nihiawénhen, ietshiriwanónhtons ne rotikstenhokón꞉as naieʼtshiró꞉ri ne tiotohétston.

Hebrews 12:18

Iáh tethisénon, tsi né nontahón꞉ne ne Israerʼró꞉non, onh ní꞉ioht tsi ahsatʼtóke, thóh tsi niionnontatétʼka ne Sinai, ne tetiókaras ó꞉ni tetiosatakáras, tehioweratáse,

Jude 1:13

Né teshontiéren tsi ní꞉ioht ne ionontakwarontáties ne kaniatarakekówa, ne thitʼkahé꞉re natehén꞉sera tsi nihathiweiennótens thóh ní꞉ioht tsi iokethótha tsi ní꞉ioht nhoʼwahsʼtha. Thóh nihatiiatoten tsi ní꞉ioht ne otsísto thiioháwis, tsi nisakonatʼtaráh꞉kwenni ne Rawenni꞉io tsi non né kwáh tehtiokaraskówa.

Revelation 9:2

wahanonhtón꞉ko ne iosonwaká꞉ronte ne iáh tekanonkwáhre, tánon thóh tsi iosonwakáronhte takaienkwahrinekénhne thóh nikaienkwahró꞉ten tsi ní꞉iot ne karistowá꞉nen, tánon ne karáhkwa ó꞉ni ne tsi ió꞉werare tahiokárawe né꞉ne tsi iosonwahká꞉ronhte tiohʼhawihtonh.