Joel 2:18 - Ohiatonhseratokénti

¹⁸ Ethò꞉ne ne Roiá꞉ner wahatekéfase tsi nokwáh ne rahonʼóntsa; tánon wateshakoró꞉ton ne rahonkweʼtashón꞉ʼa.

Joel 2:18 ပူးပေါင်းရင်းမြစ်များ

2 Kings 19:31

Kwáh kíʼ nonkweʼshón꞉as ne Jerusalem tánon ne tsi Ionónte ne Zion ótiaʼkes kwáh kíʼ iatenʼonathatére, tsioríhwa ne Roiá꞉ner tsi iatehorihwaiéntaʼse tsi né enrónhniaʼte kí꞉ken né naiáwenhne.

Psalms 103:13

Tsi kiʼ ní꞉ioht ne kanísera tsi natesakoró꞉tons ne sakoiohokónhas, káti ne Roiá꞉ner thóh kíʼ natesakoró꞉tons tsi nihiákon ne ronwaʼrihwakweniénstha.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Isaiah 37:32

asèken Jerusalem nón꞉we nenhtón꞉ne ne iaʼteonathaténhron tsi enhatiʼiákenhne, tánon tsi Ionón꞉te ne Zion nenhtón꞉ne raoʼtitiókwah ne iatehonathaténron. Né꞉ne raonhetoraráktshera né Sakoiá꞉ner ne ratiʼronhiakeró꞉nons thóh kí nenhkáiere.

Isaiah 42:13

Né Roiá꞉ner iahaténti tsi ní꞉ioht ne raterí꞉ios, tsi ní꞉ioht ne raterí꞉ios tahonakwénhsere; iathohénrete, iorakaréni tsi wathohénrete, teiotenonʼianíton tsi wahathaténesʼte rahotihénton ne ronwáshons.

Isaiah 60:10

Né꞉ne teononhontsátes entsehsaʼthenhenrónhnien nosthénra, tánon né raotiʼnontiʼiótsheras né enhiesaʼterihwashonteráse; asèken thóh akenakwahtsherákon tsi konhiahiʼiákse, ók né tsi keriaʼshí꞉io skonténhron.

Isaiah 63:15

Eʼtàke tasatʼkátho né tsi nón꞉we teshí꞉teron ne karonhiáke tánon satʼkátho, thóh nón꞉we nahontáʼwe tsi niʼiotokénti tánon né kaiatanerakwáhtshera í꞉ken né tsi teshí꞉teron. Kaʼní꞉wes ne sanoronhkwáhtshera tánon ne sashatsʼténhsera? Né naoskanéktshera ne seríhaʼne tánon ne sáwenk senhtenhrátshera? Iáh akonháke thetewé꞉tha.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Lamentations 3:22

Ne Roiá꞉ner tsi iáh tseiotók:te ne rahononronkwátsera óni ne rahotaniténron sékon watátie,

Zechariah 1:14

tánon ne raronhiakeró꞉nonh wahakró꞉ri nakerihowahnáhte tsi nahó꞉ten ne Roiá꞉ner Roshatstenhserowá꞉nen ráhwenh: “shaiéntak ne tehionhó꞉tens kanoronkwátshera tánon teshehiateriéntaren ne Jerusalem, nakenathatokénti,

Zechariah 8:2

“Wahón꞉nise shatewahkathonwenhtión꞉ni nahsniénon ne Jerusalem tiorì꞉wa tsi natehionhótes khenhorónkwa nahonkweʼtashón꞉ʼa, né꞉ne kanhoronkwátshera wahkonhnién꞉ni nahkhenákwase ne tehontatʼtsions.

Luke 15:20

Tonsahatane, sahatenti ronineha niionsare. Sekon ok ihnon satontare; ok naha tahoken ne Roniha, ȣathoniatasiharane tsi nahotenre; iathoterate nok iahoniasa oni ȣathonoronkȣanionton.

Deuteronomy 32:16

Ne rahotihiatonhniʼshón꞉as wakarihón꞉ni ne Roiá꞉ner tsi wahathekéfa; ne kariwahétkens tsi nihonatieránion wahonakonhniáthe.

Deuteronomy 32:36

Ne Roiá꞉ner kwáh ki tensakohiatorete ne rahonkweʼtashón꞉as, kwáh ki enshakoténhre tsi nihiá꞉kon ne ronhwahiò꞉tenhse, nó꞉nen enhatkátho ne rahotishatsténhsera tsi iehiotsaháton, nó꞉nen enhatkátho tsi iáh othé꞉nen tehatístha.

Deuteronomy 32:43

“Tsónhkwes, ó꞉nenk tsi thenieʼtsinonhwerá꞉ton ne Rawenni꞉io rahonkweʼtashón꞉a— shakorewátha ratikwé꞉kon nónhka enhonwatinonhwarià꞉kon. Shakháriks tsi nokwáh ne ronhwáshons tánon shesakorikonhrénhse ne raotirihwanerahà꞉tsheras ne rahonkweʼtashón꞉a.”

Ne꞉ne Sák Rohiaton 5:11

Hiakinahthónkwa roʼnhatsenʼnón꞉ni ne tsi naʼthehathiwisʼsátste. Sewariwarónken tsi naʼthehawisʼsátsʼtekwe ne Job, tánon sewatheriéntare tsi ní꞉ioht tsi wahthoriwasniésʼse ne Roiá꞉ner tsi iothoktakwén꞉ke. Asèken ne Roiá꞉ner kwá rahiatanáʼnon nataniténron ó꞉ni reriasí꞉io.

Judges 10:16

Sók kíʼ é꞉ren shahatihawithánion ne rahotihiatonhnisónhas tánon wahonwasénhnaien ne Roiá꞉ner; tánon waʼtathatenikonhráhren tsi nòkwah ne nʼIsraerʼró꞉nons rahotironhiakénsera.