Joel 2:16 - Ohiatonhseratokénti

¹⁶ Ietsihiaʼtaró꞉rok nonkweshón꞉ha, ietsihiónnien naotihiatatokenhtí꞉ke; skátne ietsihiónhni ne thotí꞉ions; ietsihiaʼtaró꞉rok ne ratitʼsahokón꞉as, iekaníhare ne ronwatistarónt꞉tha. Tsi sewarí꞉hon ne roniákon thahiáken ne tsi ranonwétstha, tánon ne ioniákon ne tsi wanonwétstha.

Joel 2:16 ပူးပေါင်းရင်းမြစ်များ

2 Chronicles 20:13

Ratikwé꞉kon ne ronhnón꞉kwe ne Judah, skát꞉ke ne ronhtatronahasónhas ó꞉ni ne sakotiʼiohokónhas, thóh ronhnéthaʼkwe ohénton Nononsatokentiʼkówaʼne.

2 Chronicles 29:5

tánon thóh nón꞉we nashakothárahse, Wahénron, “Í꞉se ne Leviró꞉nons tsi entsisewaʼtiathatokéntisʼte tánon sashewatokéntist né Raononsatokentiʼkówa ne Roiá꞉ner, né Sakoní꞉io í꞉ken ne sewasotʼtsheraokonhkénʼen. Akwé꞉kon éhren sewahá꞉wit tsi nahoténsons ne tekentiónstha Nononsatokentiʼkówa.

2 Chronicles 30:17

Tioríhwa tsi iaʼkotiokowáʼnenh iáh arèko tetiakotonhnakanonní꞉on, iáh kí taʼhónhton né ronónha akonhwaʼnawénhtho ne teiotinakarontón꞉ʼa owiraʼsónhas ne é꞉neken iotohesthákwen aorihwáke, sók kí Leviró꞉nons waʼkonwanawénktho tánon waʼkonwahtihiathatériste ne teiotinakarontónhas owirasónhas raohénton ne Roiá꞉ner.

2 Chronicles 30:19

O Saiá꞉ner, né Sheʼní꞉iokwe nonhkwahsoktseraʼokonhkénʼen, né tsi nitisarihwaʼiéri sasheʼnikónhrens tsi nihiákon ne ieshasénhnaiens né roneriahsakwékon ronská꞉neks nahontaiesanikonhraiérihte, iawerohatiénhak tsi iáh arèko teshoʼnatiathokewenh.”

2 Chronicles 35:6

Ónenk tsi enietsihiawénhtho ne teiotinakarón꞉ton꞉a owirahsónha tánon ne kaiatákeras né꞉ne É꞉neken watohetsthákwah aorihwáke. Ó꞉nenh kíʼ kwáh tsi nihiorenhnáʼon tsi sashewatonhnakanónhni tánon sewaweienénhtanh naisewateskónhten né nahón꞉ton né sewathatekenhokónha Nisraeʼró꞉non nahón꞉ton ahatísehre tsi nishakorihwisenhénhni ne Roiá꞉ner tsi nithotʼkáwen rahonháke ne Mahís.”

Job Tánon ne Raoronhiakensera 1:5

Tánon nó꞉nen ne kakhwárakwe ioteweienhnenhtà꞉on, nétho Job ienhaterihwaniéte tánon enshasakorihwatokentísten. Tánon noronhkè꞉ne nenhatkétsko tánon ne ienhatháte tsi ní꞉kon roteskónte niataʼkaié꞉ri tsi niháti; asè꞉ken ne Job wahèn꞉ron, “Tó꞉ka nakenekenhterontseraʼshón꞉as wahatirihwánerake tánon ahonwhasentenhnike né Rawenni꞉io raonerhiá꞉ne.” Ká꞉ti ne Job kwáh tió꞉konte ki thóh nihaiérakwe.

Psalms 19:5

thóh ní꞉ioht tsi tkarahkwínekens tsi ní꞉ioht ne roniá꞉kon tahiá꞉kens tsi ranonwétstha, tánon tsi ní꞉ioht ne rón꞉kwe ronhnhashástste tsi teharé꞉rons,

Exodus 19:10

tánon ne Roiá꞉ner wahawénhase, “Wáhs onhkwéʼne niaháse tánon sehró꞉ri né ronhnenhniserónhniat nónhwa wenhniseráte nahonsahontonhʼnakanónhni tsi enhonterénhnaien. Ónenk tsi enhatinó꞉hare ne rahonatʼtsherónhnias

Exodus 19:15

káti wasakoró꞉ri ne Mahís, “Sewathaʼteweiennenhtahʼónhak né nó꞉ia ientsiórenhne tánon tó꞉sa kahiaʼtákta ne iónhkwe niaʼísewe.”

Exodus 19:22

Iekaníhaʼre ne rothikhàres ne tsiatákʼtha nentʼthónʼne ónenk tsi enshonʼthonʼnahkanónhni, khés enkheréwahthe.”

Joel 1:14

Sewaʼrihó꞉wanat naʼwenhtónhtiete, ietsihiaʼtaró꞉rok nonkweshón꞉as ne naiotokentí꞉ke raohénton ne Ní꞉io. Ietsihiaʼtaró꞉rok ne thotí꞉ions tánon ratikwé꞉kon ne tsi ionhontsá꞉ien ratiná꞉kere thóh athenhenrá꞉kon ne raononsatokentikó꞉wane ne Sewaní꞉io, tánon iaʼtesewasénhtho rahonhà꞉ke ne Roiá꞉ner.

Matthew 21:16

Ȣahonȣenhase; ȣahonniron: sathonte ken; tsi nahoten iontonnions? nok ne Iesos tontahenron: enh; iah kati kenh nonȣenton teseȣaȣennanote ne kenh nikaȣennoten: eksaokonha neh oni ne sekon ienonkerha iatenhiakotiete tsi nenhiesanenton?

Matthew 9:15

Iesos tontasakoȣennaȣeron; tsinihati ronȣatihonkaraȣi tsi ȣatenniote, enȣaton kenh nahotinikonraksen seke tsinikariȣes ratikȣekonhaties ne rohniakon? ionȣatenniseriheȣe ki tanon ne ienhonȣaiatenhaȣe ne rohniakon, ethone onen enhonentontietahnion.

1 Corinthians 7:5

Tóhsa tetiatatenonhiánits tsi nahtetiátere, nek khók tóhkaʼ kén né entʼkahénthe entiateriwahserónni kénk nikariwésʼsha ahshaʼtatenakthóhtaʼse nahsaterénnaien, nók ethò꞉ne ientsitiatasónteren tsi nihiorennáʼon tsi seniniákon. Né kí꞉ken enshanónstathe ne tóhsa tahianikonrahkénni ne Ranesonrónon tioríhwa tsi iáh tsatekaiéri tsi niʼtishatateniarótaron.

Joshua 7:13

Téstann! Shasehionnhaserón꞉ni nonhkweshón꞉ʼas tánon sehieweienhnéntan naʼkhénton nahontahónhne. Sheró꞉ri nahonathateweienhnentàhon nenhiorénhne, tiorì꞉wa tsi Í꞉i ne Watiá꞉ner Khení꞉io ne Israerá꞉ke, ken nahó꞉ten wá꞉tsien nakíron: ‘Israerʼró꞉nons sewatienawáston tsi nahoʼténhsons kwahró꞉ri ne ahisewarihwà꞉tonhte! Iáh thahisewakwé꞉ni nahisewaterí꞉io ne tesewataʼtsions tsítkwah akwé꞉kon étren entsisewaháwithe thinahorihoʼténhsons!’

Joshua 8:35

Kwáh orihwakwé꞉kon ne rahotsawenhrátsheras ne Mahís tsi washakowenhnanóthase ne Joshua ne kanenhrakwé꞉kon ne iakonhitiokwaró꞉ronhne, thóh konhtihiáthare ne konhnónhkwe ó꞉ni ne ratitsaokónhas, ó꞉ni ne tihononhontsá꞉tes ne skátke ratinákeres.

1 Samuel 16:5

Ne raónha wahén꞉ron, “Skénnonk í꞉ken; Ne aorí꞉wa tsi kénʼen tá꞉ke ne nahiʼiateskóntʼtase ne Roiá꞉ner; sasewatonnakanónhni niaʼtesewahía꞉tis tánon káts í꞉tewe tsi tewatéskonʼte.” Tánon sahotonhnakanónhni ne Jesse ó꞉ni ne sakoioʼokónʼahs tánon washakohónkaron iahón꞉ne tsi tewatéskonte.