Joel 2:14 - Ohiatonhseratokénti

¹⁴ Ónka iakoteriéntare Tó꞉ka ken tentʼre, tánon roʼien ne kahiatateríhtshera ne raoná꞉ken, noná꞉tsa tsi nitieiéstha tánon ne ienekirá꞉tha tsi nitseiéstha né꞉ne Roiá꞉ner, sah Ní꞉io raorihwà꞉ke?

Joel 2:14 ပူးပေါင်းရင်းမြစ်များ

2 Samuel 12:22

Wahén꞉ron, “Tsi ná꞉he rónnhekwe ne raksáha, onkentón꞉tiete tánon watkaséntho; asèken wakiron, ‘Ónhka iakoteriéntare? Ne Roiá꞉ner nontsérek entorihwaiérike nakonhá꞉ke, tánon ne raksáha nontsérek enrónhnheke.’

2 Samuel 16:12

Nontiérenk sèh ne Roiá꞉ner enhatkátho nakeriwahetkénsera, kwáh neh tensakeriwaserá꞉kwase ne ioiá꞉nere tsi niʼionkeriwaieshaténhni nón꞉wa wenhniserá꞉te.”

2 Kings 19:4

Ne Assyriaró꞉non rakó꞉ra iehoteniétonhne nohénton iérate ne raʼonkwéta rasenhnowánen nahonikonrátʼsate ne ronnheónwe Ní꞉io. Aiáwens ne Roiá꞉ner Sewaní꞉io ahothónhteʼne kí꞉ken kasentáʼtseras tánon asakoréwaʼte tsi niʼiákon né꞉ne iakotáʼthiʼon. Ká꞉ti iasewaterénhnaien rahonháke ne Ní꞉io né꞉ne raoʼtirihwáke nontsonkweʼtashón꞉ʼas ne iateʼohnathaténron.”

Exodus 32:30

Nó꞉ia sahió꞉renhne Ne Mahís washaʼkawénhase nonhkweshón꞉ʼa, “Iorihowánen sewariwanerahákthon. Ók kíʼ nónhwa shé꞉kon kíʼ ieskenonhtárahne tsi ítres ne Roiá꞉ner; tó꞉ka nónhwa enwáton natiéna nahonsakanikonhrénʼen ne sewariwanerahák꞉tsera.”

Isaiah 65:8

Né kí꞉ken aoríhwa rá꞉ton ne Roiá꞉ner: Tsi ní꞉ioht né onenhará꞉keri tsi katʼtshénrion né tsi ionerhiokwenhtónhnion, tánon rónhton, “Tó꞉sa sewátont, asèken kahiaʼtaterihtsherénhaʼwe nètho,” ká꞉ti èhʼthoh nénhtiere né꞉ne nakenhatserashónhas raotirihwáke, tánon iáh akwékon thaʼkàtonhte.

Jeremiah 18:8

ók ethonʼne nonhkweshón꞉ʼa tonshahiontkaratéhni tsi nihiakonhkwetahétken, kwáh iáh ethohʼthatiéren tsi niwáhken.

Jeremiah 26:13

Ónenhk tsi tentsisehwahtáton tsi ní꞉ioht tsi tionnhétie tánon tsi nahorihoténsons tsi niʼsehwatiéras, tánon ónenhk tsi entsisehwahwénhnarahʼkwe ne Roiá꞉ner sehwahʼNí꞉io. Tó꞉ka éhtho nenhsewáhiere, tenhshoteriwahthénien ne kaʼkahronniátshera raienséhrehne ne tionháke.

Jeremiah 26:3

Tó꞉ka nónhwah nonhkweshón꞉a enhionthahónsahthaʼte ó꞉ni enhóntkaʼwe tsi nihatiʼweiennáksens. Tó꞉ka éhtho nenhatí꞉iere, ethóhʼne kíʼ tensewahʼkateriwahténien tsi niʼwahkatenikonhrónni nátienh ne kariwahiesáhtshera ne ronónhake ne ahiorihóntaʼke tsi nihatiʼhiotensehráksens.”

Joel 1:13

Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.

Joel 1:16

Iáh ken káhkhwa tewatón꞉ton nonkwahénton tsi thetewakanérakwe, atohnharátshera tánon nahtsenhnonhniá꞉tsheras tsi nokwáh nónhkwa Ní꞉io raononhshatokenhtikó꞉wane?

Joel 1:9

Nonátsa tsi nitseiéstha tánon ne ienekirá꞉tha tsi nitseiéstha karihwatón꞉ton ne thóh raononhsatokentikówane ne Roiá꞉ner. Ne ratitsihénstatsis ne teonwarihwásniese ne Roiá꞉ner ronatsiónhnion.

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Jonah 1:6

Ne rahonwakweʼní꞉io iahoiaʼtatshén꞉ri wahoriʼwanóntonhse, “Oh nihsatiérha kwáh séntaʼs? Satkétsko tánon saterén꞉naien raonhá꞉ke ne ní꞉io ehtsheʼné꞉ken ne kaienawaʼséhtshera. Tóka nón꞉wa enhshonkwén꞉tenre tánon enhanónhstate tsi tsiónhnhe.”

Jonah 3:9

Tóka seʼ nón꞉wa ne Rawenni꞉io tenshoterihwaté꞉nien; tóka seʼnón꞉wa enhátkaʼwe tsi nihonahkhwén꞉en, tánon iáh thaʼetewén꞉heie!”

Zephaniah 2:3

Tsi sewahiatí꞉sak ne Roiá꞉ner í꞉se seweriasí꞉ios ne tsi nionhontsá꞉te, ronónha ratísehre ne raorihwataʼtsheras; sewésak ne karihwakwahrihsónhtsheras; sewésak ne skén꞉non nonhtié꞉rek kwáh enietsihiataséhte nenhtewenhniseráteke ne Roiá꞉ner.

Haggai 2:19

Thé꞉nenh ken ne kanenhá꞉sonha iotathenrá꞉hon ne tsi iakehnekeraientháhkwah? Tsi nió꞉re nón꞉wa nonénhare, ne tionhnionwaronhtonhakó꞉wa karón꞉ta, ne wé꞉so iotenénha sewaihó꞉wane, tánon ne iakenhiewátha karón꞉ta shé꞉kon iáh othé꞉non tewahianihióntʼtha. Kwáh kén꞉en wenhniserá꞉te ienwatáhsawen kwáh enkonhiataté꞉riste.

2 Timothy 2:25

tsi thoriwaiéri tsi nensetakwaríshion ne iesáswens, tóhkaʼ nónwa ne Rawenni꞉io sakotehsennáwis nahonsahontatʼréwathe ó꞉ni nahathiʼientéraʼne ne oriwiʼhioʼónwe.

Joshua 14:12

Ó꞉nenh káti, ne táskon ne tsi iononhtharónhnion kanakerahserá꞉ien né꞉tho Roiá꞉ner rakarahratstén꞉ni ne tewenhniserá꞉teʼkwe nakonhkweʼtashón꞉as tánon ní꞉i saiakwatró꞉ri. Waʼkwahró꞉ri né꞉tho ronhnónkwes ronhwatinaʼthónkwa Anakim thóh ratiʼterónhthakwe ne kowá꞉nens watenhénrotes tekawanáktons ne tsi kanatowá꞉nens. Tó꞉ka nón꞉wa ne Roiá꞉ner enhiakeʼnikwekónhake nakhehiaʼtí꞉nekenhwe, kwáh ki tsi niháwen ne Roiá꞉ner.”

1 Samuel 6:5

Káti ó꞉nenk tsi ensewatsiaʼtonhniseronniáhnion niwásas tahonsakaierontárake tsi wesewatkarotakwarontáseron sewatsiatonhniseronniá꞉nion otsinionká꞉ron nètho waʼhatihétʼkente nohón꞉tsa, tánon taʼtsítson kaiatanerakwátshera ne sakoʼNí꞉io NʼIsraerʼró꞉nons; tokaʼnón꞉wa iáh thaʼtahonsahotsanátsʼteke ne tsonhá꞉ke ó꞉ni ne sewaní꞉ios tánon ne tsonhontsáke.