Joel 2:13 - Ohiatonhseratokénti

¹³ sewathaterhiasharaʼtiónko tánon iáh ne sewatserónhnia. Thóh nionshá꞉sawe rahonhá꞉ke né Roiá꞉ner, sewah Ní꞉io, asè꞉ken thorihwaié꞉ri tánon rotanithenráts꞉kon, rohiatakenhé꞉ion nahonà꞉kwen, tánon titʼkahé꞉re ne iorihwató꞉ken kanoronkwáhtshera, tánon satateriwástani tsi thatsisewaténieten ne kaʼnikonraronhiakénhsera.

Joel 2:13 ပူးပေါင်းရင်းမြစ်များ

Genesis 37:29

Nó꞉nen ne Reuben tsi tiohontsaká꞉ronte nionsá꞉re tánon wahatkáhtho ne Só꞉se tsi iáh tho teshaiá꞉ti nohshón꞉wakon, waharatsón꞉ko ne raotsherónnia tsi nahonikonhráksen.

Genesis 37:34

Eʼthó꞉ne kíʼ né Jacob waharatsón꞉ko ne raotsherónnia, tánon ká꞉iare wahatsherónniaʼte, tánon wahatshón꞉nion ne roién꞉ʼa raorihwá꞉ke ne ne wé꞉so wenhniserá꞉ke.

2 Samuel 1:11

Eʼthóhʼne ne Táwit wahoseronhniá꞉shion tánon waharatiónko; tánon ratikwé꞉kon ne ronnón꞉kwe ne ratikwekónhne thóh nahatíiere.

1 Kings 21:27

Nó꞉nen ne Elijah sahá꞉sa tsi nihotháraʼkwe, Né Ahab waharatiónhko ne rahotserónhniat, wahatseronhniáshion, tánon káiare sahatʼtserónhniaʼthe. Iáh tehatʼthóntats tahatskáhon, tshiehotserónhni ne káiare tsi ienhó꞉taʼwe, tánon ronhnátk꞉sen ó꞉ni thonikonhrénhen.

2 Kings 22:11

Nó꞉nen ne ronontí꞉io sahotʼthónteʼne ne kaiatónhsera onʼtewenhnaʼnó꞉ten, waʼharatiónko ne raʼotsherón꞉niat tsi nontahanikónrenhne,

2 Kings 22:19

tánon tsi tsisahtatrewáʼton tánon ehtàke waʼsathatón꞉ni nakén꞉ton, sahratiónhkwen ne satierón꞉niat ó꞉ni tesahsént꞉thóʼon, ne nó꞉nen sahserihwáʼronhke tsi nikterón꞉kwahkwe tsi nenhkré꞉waʼte ne Jerusalem ó꞉ni naʼonkwetaʼshón꞉as. Kwáh né enkónhniaʼte ne iotʼteronhónwe tsi aiontkátho, né꞉ne watená꞉thaien nahosénhna nonkweʼshón꞉ʼas énionste naʼiontewenʼnák꞉sate. Ók kíʼ wakatʼthontéʼon ne saterénhnaient,

2 Kings 5:7

Nó꞉nen ne ronnontí꞉io Nisraerʼró꞉nonke wahawenhnanóthen ne kahiatónhsera, waharatsiónhko ne rahotserónhniat tsi nonthahathónhneke tánon wahénron, “Onh ní꞉ioht tsi ró꞉rahre ne Syriaró꞉non ronnontí꞉io nakʼkwéni ahí꞉tiente kí꞉ken rónhkwe? Í꞉rehre ken Ní꞉io ní꞉i í꞉ken, naonkeshastsʼtenseraiénhthake tsi nòkwah natónnhets ó꞉ni ne kenhé꞉ion? Tehiostwát꞉the tsi í꞉rehre tahiakenirihwakéna!”

2 Kings 6:30

Tsi nahothónteʼne kí꞉ken, ne ronnontí꞉io waharatiónko ne rahotserónnia tsi nióre tsi tahaʼtón꞉neke, tánon nonʼkwesónʼas ne asonták꞉ta í꞉ienskwe watsesén tsi waʼontkátho tsi káʼiare ná꞉kon thótsʼton tsi rotierón꞉ni.

2 Chronicles 6:27

O Saiá꞉ner, sehiatahónsatat ne karonhiáke nón꞉we tánon sashenikónrenhs tsi nihotirihwáneren ne sanhatsherasónhas, nonhkweʼshón꞉ʼas Nisraeʼró꞉nonke, tánon sehrihónhnien thóh nihatí꞉iere tsi nahó꞉ten ne tkarihwaiéri í꞉ken. Ethòne kíʼ, O Saiá꞉ner, tasaténiet nokenhnorésera né kénʼen ionhontsáte í꞉se sonhóntsa í꞉ken, né tsi nitesehiáwi ne shonkweʼtaʼshón꞉as né꞉ne tsi enhonawenhkónhweke tsi nénhwe.

Nehemiah 9:17

Iáh tehonathontháton nahonthahonsáthate, khéhs nahonehiá꞉rakes ne iorihwanerakwahténions tsi nahoʼténhsons tsi nisehiatié꞉rahse ne ronónha; ók wahontenontsistahní꞉rate tánon iathotirihwaién꞉tahse thóh niahonsahón꞉ne ratináskwa ahonsahónton thóh tsi ronatenontistahní꞉raton; ók í꞉se ne Ní꞉io ne sheseʼnikonrénhse, thisarihwaié꞉ri tánon sanitenhrátskon tánon iáh tesenhakwástore tánon titkáhere kanoronhkwátshera; tánon ní꞉se iáh teseiatewenhtétha.

Job Tánon ne Raoronhiakensera 1:20

Tánon ne Job wathá꞉tane tánon waharatión꞉ko ne rahotserónhniah tsi nahoʼnikonrák꞉sen, ranontsistakwé꞉kon wahathatenonhkáronh, tánon ohontsá꞉ke wahahiataiénhtaʼne tánon wahaterénhnaien.

Psalms 103:8

Né Roiá꞉ner rotanithenráts꞉kon tánon torihwaʼiéri, iáh tehanakwahstóre tánon né raiáti ne iorihwaʼtóken kanoronkwáhtshera.

Psalms 106:45

Asèken rohnónha raotirihwá꞉ke tsi rehiá꞉re ne raoterihwaʼseronniátshera, tánon sahatatiéna ne tahioianénhaʼwe ne iawetatʼtsáni ne iorihwatóken raonoronkwáhtshera.

Psalms 34:18

Né Roiá꞉ner ratihiaták꞉ta í꞉res ne teʼhonerhiasaríhon, tánon sehsakonónstats ne tehiakonikonhrahríhon.

Psalms 51:17

Nakeriwiʼiosehokónhas né꞉ne í꞉ken né tsi tewakenikonhraríhon; ne tehioríhon ó꞉ni ne teiawerhiasaríhon, Ó Sewenní꞉io, iáh taskénron.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Isaiah 58:5

Etʼken ní꞉ioht tsi wakerákwen tsi aiakawenhtón꞉tieʼte né wenhniserontákwen ne etʼtàke ahionthatónhni? Né kén ne tahiontsakéte kwáh né꞉ne ohshonwennitakówah, tánon thóh ahiontsiaʼtiónhnite kaiaráke tánon ne okenhrá꞉ke ne wakenronhtákwen? Kwáh kén né kí꞉ken ensenátonʼkwe ne wenhtonhtiéton, né wenhniserontákwen nahawerientí꞉io ne Roiá꞉ner?

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Jeremiah 36:7

Tó꞉ka kíʼ nónhwa shé꞉kon tensontkarahténi tsi nihatiʼweiennáksens tánon ahonʼwahriwahnónhtonse ne Roiá꞉ner ahonshaʼsakonikónhrenhse nohénton sóhtsi ahiokaraháthaʼne. Asèken ne Roiá꞉ner ne tehiotenonhianíthon rahonhakwáhtshera tsi ohénton tonwahnaronkahténni.”

Jeremiah 41:5

sahtekonhniháti wahónnhewe Shechem nonhthahónne, tánon ne Shiloh, ó꞉ni ne Samaria. Akwékonh ronatatʼkhonsthonrhiákon, rohthirahtiónkwen ne rahonatʼtsherónhniat, tánon ronatatʼrenáhnion. Onátsa tánon wehnekeráhkon wahatihawíʼne ne iakónhion Nononhsatokentiʼkówa.

Jeremiah 42:10

‘Tó꞉ka ehnishaʼnikonhróh꞉ten nahsehnáhkerehke kíʼ kénʼen ionhwénhtsaien, ethóhʼne kíʼ enskonhkétsko tánon iáh thaʼtahonthakonhiátenʼte; enskónhteron tánon iáh thaʼtahonshaʼkonhiátahkwe. Ne kahkahronhniátshera ne tkonhawiténhni kwáh íken tsi kowáhnen onhkenikonhráksahte.

Ezekiel 9:4

“Wáhs akwékon nonhtáset ne kanatowahnénhne ne Jerusalem tánon rahtikenkwaráhke teshehiáton tsi nihiákon tiakonikonhrénʼen tánon ne tehiakonikónhrareh tioríhwa tsi nihioriwáke ne ioteriwahtéhas tsi kahieráhnion ne kanatowakénke.”

Hosea 14:1

Tonhtásehwe, O Israel, rahonhà꞉ke ne Roiá꞉ner Sewaní꞉io, asè꞉ken tesewarakwénhtaras ne karihón꞉nis sehwarihwaneraháktshera.

Jonah 3:9

Tóka seʼ nón꞉wa ne Rawenni꞉io tenshoterihwaté꞉nien; tóka seʼnón꞉wa enhátkaʼwe tsi nihonahkhwén꞉en, tánon iáh thaʼetewén꞉heie!”

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Nahum 1:3

Ne Roiá꞉ner roiaʼtakenhé꞉ion nahonáhkwen ók roshatstenhserowá꞉nen, tánon ne Roiá꞉ner kwáh iáh ne thakarihón꞉ni nasakoiatothároh iakoní꞉kon. Tsi nihaweienó꞉ten thóh nón꞉we niká꞉ien tsi niwatsiskaionhniá꞉tha tánon tsi natekawé꞉ratases, tánon tsi nihiotsatarónhnions ne ne tsi niioienkwárote ne rashí꞉take.

Numbers 14:18

‘Í꞉i, ne Watiá꞉ner, iáh tewatiésenh nahonkenákwen, tánon kenéstha kowánen kanoronhkwátshera ó꞉ni tokenhskeʼónwe tánon nahonshakeʼnikónhrenhse ne karihwáneren tánon ne taienenhrá꞉rihte. Ók kíʼ ó꞉ni iáh thaʼhonkerihwanóron naʼkeréwathe ne ratiksahokónhas ó꞉ni ne sakonaterehokónhas tsi nióre nasénhaton ó꞉ni kaieríhaton niaʼtehioteresehráne né rahotiʼrihwanereháktsheras ne ronhwatiʼiohʼokónhas rahotirihwaneraháktsheras ahonthakarihónhni.’

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

Ephesians 2:4

Nók kíʼ ne Rawenni꞉io rahoténrat tsi nikowánen, tánon tsi naʼtehiotenonhianíton sonkwanorónkwa,

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.