Joel 1:2 - Ohiatonhseratokénti

² Sewatʼthóntet kí꞉ken, ne titionhkweʼtáhions, sewatahónshatat, sekwakwé꞉kon ne thóh sewaná꞉kere ne tsi watonhontsá꞉ien! Ne nikarihó꞉ten nonhwén꞉ton ken thóh nitsawénhon ne tsi nihsewatenhniseraténions, kesʼne ne tsi nihonathenhniseraténionskwe ne ietsisotʼthonkonhkén꞉en?

Joel 1:2 ပူးပေါင်းရင်းမြစ်များ

Job Tánon ne Raoronhiakensera 12:12

Nateʼnikonratokhá꞉tshera ne khók ken iehá꞉we ne tsiakahonkweʼtáhion, tánon í꞉sere ken tsik ensatsténhane thóh ne khók ahisaʼnikonhraién꞉taʼne?

Job Tánon ne Raoronhiakensera 15:10

Ne rothinráthen tánon ne thóh tí꞉ions í꞉ih nokwáh rónhnete, ronónha sénha rotitsthénhas tsi ní꞉ioht ne iaʼní꞉ha.

Job Tánon ne Raoronhiakensera 21:7

Onhnontié꞉ren ne ronhnonkweʼtahétkens tsi ronhnónnhetie, enhotitsténhane, tánon enhotishatstenhserowá꞉nen?

Job Tánon ne Raoronhiakensera 8:8

“Asè꞉ken sasherihwí꞉sak ó꞉nen tsi nistsotón꞉ne ne wahón꞉nise tkénhne, tánon tetsató꞉ret nahó꞉ten iatehioné꞉non ne kasótsheras tsi niotiweientetá꞉hon;

Psalms 49:1

Sewatthóntek kí꞉ken, tionkwetaʼkwékon; sewaʼtahónsatat, sehwaʼkwékon ne tsi ionwenhtsáte sewaʼnákere,

Isaiah 34:1

Ákta í꞉sewek, Ó tionhontsakeró꞉nons, naisewathóntene; Ó tsiónkwes, sewatenhnikonhrá꞉ren! Áhnion nohóntsa ióthonhthen, tánon akwékon ne thóh kananóntʼtons; ne tsi ionhontsáte, tánon akwékon tsi nahó꞉ten né thóh nón꞉we nitewètha.

Isaiah 7:17

Né Roiá꞉ner entʼthiahawítaʼse tánon ne shonkwetaʼshón꞉ʼahs ó꞉ni sheʼshotʼthonkonhkénʼen tsi rotinonshó꞉tons ne enwenhniserontákwen ne takanikonrá꞉ren ne ne iáh nonwénhton tehiakokʼkáton tsi ná꞉he ne Ephraim sakotsatonhtakwénhni ne Judah né enthohiaténhawe ne ronhnontí꞉io ne Assyria.”

Jeremiah 30:7

Tehiahonniserahnónhiani tháwe; iáh nóhia nawenhnísehra tahónton ne taiéron— iakáhewe ne tahonnikonráhren nakonkwetahshón꞉a, ók kíʼ enhathiniákenʼne.”

Jeremiah 5:21

Sehwatennikonhráhren, í꞉se ne tesehwatenonhwaroríhtonʼte ó꞉ni thisehwathónnokʼte tiónkwe, ne sehwáhken, ók iáh tesehwahkwénies nahisehwatʼkátho tánon tesehwahonthakáronte, ók iáh tesehwahkwénies nahisehwatʼthónteʼne.

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Hosea 5:1

Sewathóntet kí꞉ken, O sewatsihénstatsis! Sewathenʼnikónhraren, O tiónkwes Israerró꞉nonhke! Sewatahónsatat, O rahonkweʼtashón꞉as ne Ronnontí꞉io! Asè꞉ken ne karihwenhtátsheras í꞉se sewarihwá꞉kes; asè꞉ken í꞉se teietsinikará꞉rahkwe ne Mizpah nón꞉we, tánon ahá꞉re watkonwatakwaríten ne Tabor,

Joel 1:14

Sewaʼrihó꞉wanat naʼwenhtónhtiete, ietsihiaʼtaró꞉rok nonkweshón꞉as ne naiotokentí꞉ke raohénton ne Ní꞉io. Ietsihiaʼtaró꞉rok ne thotí꞉ions tánon ratikwé꞉kon ne tsi ionhontsá꞉ien ratiná꞉kere thóh athenhenrá꞉kon ne raononsatokentikó꞉wane ne Sewaní꞉io, tánon iaʼtesewasénhtho rahonhà꞉ke ne Roiá꞉ner.

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Amos 3:1

Sewatahónhsatat kí꞉ken owennáʼshón꞉ʼahs ne ne tsi nihotatí꞉ʼon ne Roiá꞉ner tsi nokwáh ní꞉se, O tsón꞉kwe NʼIsraelronón꞉ke, kwáh iehwatsirakwé꞉kon tsi tetkwaiaʼtinekénhen tsi tiohontsá꞉ien ne Egypt:

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Amos 5:1

Ne Amos wahèn꞉ron sewatahónsahtat kí꞉ken karén꞉na tsi nathenkwahrihwáhkwahse O tiónkwe Nisraerónons:

Micah 1:2

Sewatóntet, í꞉se ne tiónkwes, sewakwé꞉kon; satenhnikòn꞉raren, O onwénhtsa, tánon akwé꞉kon né nón꞉we niká꞉ien; tánon tsi sewarí꞉hon ne Roiá꞉ner Ní꞉io rahrihwaní꞉rat tsi entsisewatkónten. Natiá꞉ner thóh nitré꞉tha ne raononsatokentikowáhne.

Micah 3:1

Tánon waʼkí꞉ron: Sewatahónsatat, í꞉se nonón꞉tsi í꞉ken tsi nokwáh ne Jacob tánon sewaʼkó꞉ras ne tsi ronón꞉shote ne Israel! Iáh ken tehiówenk naisewaterienhtárake ne kaiá꞉neren?—

Micah 3:9

Sewatónhtet kí꞉ken, í꞉se ne sewaʼkóras tsi ronónshote ne Jacob tánon ne sewaterihón꞉tons ne raotinóns꞉kons ne Israerʼró꞉nons, tsi ratí꞉sons ne kaiáneren tehatiwátases nahò꞉ten ne ioterihwakwaríhshion í꞉ken,

Matthew 13:9

Onka tehaontakarontakȣen naharonkate, raronk.

Matthew 24:21

Aseken ionikonraksentseratsanit tsinenhiaȣenne nethone, neki enskat nareko nonȣenton eh tetiaȣenhon tsinahe tiotonȣentsiatasaȣe tsiniiore nonȣa, iah oni noiah eh tiiaonsaiaȣenne.

Revelation 2:7

Ánion nónhkak ne tehionhontakáronhte iontahón꞉satat tsi nahó꞉ten ne Roʼnikonrí꞉ioston ratón꞉nions rononhà꞉ke ne tsi ionterennaientákwas. Ne ne tsi niiá꞉kon nenhiontesénhniete, Í꞉i kwáh enkerí꞉on ne tahiontskà꞉on tsi iorón꞉tote ne atón꞉nhets ne ne thóh nón꞉we tsi rothé꞉taien ne Ní꞉io.