Joel 1:13 - Ohiatonhseratokénti

¹³ Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.

Joel 1:13 ပူးပေါင်းရင်းမြစ်များ

2 Samuel 12:16

Ne Táwit wahoniténtʼtase ne Roiá꞉ner ne raksáʼa raoriwá꞉ke; Ne Táwit wahawenhtón꞉tiete, iahatáwehiate tánon asontakwé꞉kon ohontsáke rahiatiónhni.

1 Kings 21:27

Nó꞉nen ne Elijah sahá꞉sa tsi nihotháraʼkwe, Né Ahab waharatiónhko ne rahotserónhniat, wahatseronhniáshion, tánon káiare sahatʼtserónhniaʼthe. Iáh tehatʼthóntats tahatskáhon, tshiehotserónhni ne káiare tsi ienhó꞉taʼwe, tánon ronhnátk꞉sen ó꞉ni thonikonhrénhen.

Isaiah 22:12

Né thóh entewenniseráteke ne Sakoiá꞉ner ne ronterí꞉ios ratironhiakeró꞉nons iasakonónkkon ne teionhséntʼthos tánon ne ronaktiónhnions, ahiʼsewathatenónkare tánon káiare ahisewatʼtserónhniaʼte;

Isaiah 61:6

ók ní꞉se né enietsinatónhkwahke í꞉se raoʼtsihénstatsis í꞉ken ne Roiá꞉ner, ní꞉se né enietsinatónhkwahke í꞉se ne raoʼnhatserashónhas í꞉ken nónhkwah Ní꞉io; ní꞉se kwáh né ensahtsienhnonhniátaʼkwe ne raoʼnatshokowáhtsheras ne ronhnonhontsakerónons, tánon thóh né raoʼtikwahsehtsherákon ní꞉se kwáh kí ensahiaʼtahnerahkwáhtonhke.

Jeremiah 4:8

Tánon káti káiareh shatʼtsherónniat, ó꞉ni tesahsénttho tánon tesahénret tioríwah ne teiotenonhianíthon ne iótʼteron rahonahkwáhtshera Roiá꞉ner tsi iáh tetsiótʼthon tsi nòkwah ne Judah.

Jeremiah 9:10

Wakíron, “Tenkaséntʼthoseh ne tsi iononhtharónʼnions ó꞉ni tenkasénthoseh ne tsi konwathiʼteronthákwahs nahtenhenráhkonhs ne katshénenhs, tsioríhwah tsi akwékon iostatʼténhen, tánon iáh ónhka éhtho nónhhwe tetionthohénstha. Tsi nahionatʼtsiarokwáhtonke ne katshéʼnenh iáh ónenh ónhka tetsiakóthonʼte; otsitenokónhas ó꞉ni ne konhthitshénenhs kák tiehionénonh.”

Ezekiel 21:12

Sahtewenhnhóten ne kanikonhraksénhtshera, rónhkwe iaiénha; kí꞉ken asahrekówah né raotiriwáhke nakonhkwetashón꞉ʼa tánon ratikwékonh ne sakotihéntenhse Nisraeró꞉nonh. Kwáh enhonwahtinonhwahrhiakónnion tsewahkónhkon ne ronáhtsakes nakonhkwetaʼshón꞉ʼa. Shatatetskwenahiahákkon tsi nenhshanikonhrókten!

Ezekiel 27:31

Kwáh wahathikéte ne rahthinonhtsínes tsi wahonthaterónhkare Tánon káiare wahontserónhniate. Kwáh í꞉ken tsi róhʼnherhiasanónhwaks tsi naʼtehonsénhthos.

Ezekiel 7:18

Káhiare enhontierónhniate tánon kwáh enhothihiatishónkwaʼke. Ne rathinonhtsínes kwáh akwékon enhonwathinónhkare, tánon kwáh rathikwékon tsi enhonwanatéhate.

Hosea 9:5

Onhnenhsátiere nenhtewenhniserá꞉te ne wenhniserará꞉kwen nakakʼkhwárake, tánon nenhtewenhniserá꞉te nenhkakʼkhwárake ne Roiá꞉ner raorihwá꞉ke?

Joel 2:12

Iehió꞉he shé꞉kon nón꞉wa, ráton ne Roiá꞉ner, kwáh sewerhiasakwé꞉kon akonhá꞉ke natontásewe, sewenhthón꞉tiet, tánon tesewasénhtho, tánon shewatsiónhnion;

Joel 2:14

Ónka iakoteriéntare Tó꞉ka ken tentʼre, tánon roʼien ne kahiatateríhtshera ne raoná꞉ken, noná꞉tsa tsi nitieiéstha tánon ne ienekirá꞉tha tsi nitseiéstha né꞉ne Roiá꞉ner, sah Ní꞉io raorihwà꞉ke?

Joel 2:17

Tsi naʼtetiátere ne tsi iehiontawehiaʼtáhkwa tánon ne ietsienharáhkwa áhnion ne ratitsihénstatsis, ne ronwaterihwatsterístase ne Roiá꞉ner, tehonsénhto. Áhnion ronhní꞉ron, “Shenónstat ne shonkweʼtashón꞉a, O Saiá꞉ner, tánon tó꞉sa tashé꞉hion ne shonkweʼtashon꞉ahs atehenserá꞉kon ne ronhnonwenhtsakeró꞉nons ne nahonwanatkóraste, Ne káti nahonhní꞉ron ne tsi ratinákere nonkweshón꞉as, ‘Kaní꞉res né Sewaní꞉io?’”

Numbers 28:14

Né tkarihwaiéri ne onenharatasehontserákeri né꞉ne 4 nikatshétakes nonenharatasehontserákeri ne saiáta teró, áhsen nikatshétakes ne teiotinakaronhtónʼa rátsinn, tánon tekatshétakes né satihiatátshons ne teiotinakaronhtónʼa owíra. Thóh kí꞉ken nikaianerenhseró꞉tens ne hionteskonhtákwah niahióntkawe nenhtewatenhniseratiérenhte ne enhsewenhnitáshon thóh nenhiotónhake né꞉ne kwáh tsi niióserehs.

Numbers 28:4

Saiáta iatshisewát꞉kaf noronkéne tánon ne saiáta né nènhne nokarasnéha nikaháwi,

Numbers 28:7

Né onenharatasehontserákeri né enhkenikweʼkonhátie nenhthatiérenhte teiotinakaronhtónʼa owíra, ietsienharakwáʼke tasehwáweron tekhatshétake ne onenharatasehontserákeri.

Numbers 29:6

Né kíʼ iasehwát꞉kaf ne iohiowènhtek ne tiókonhte ionhteskónhtha aorihwáke nenhtewenhniseratiérenhte nenhsewenhnítarane skát꞉ke nonátsia aorihwáke tánon ne onenharatasehontserákeri aorihwáke. Kí꞉ken ká꞉khwas nahónhsera né rawerienhtiʼiostáhkwa ne Roiá꞉ner.

1 Corinthians 4:1

Sewahteriwaiénni ne thóh ní꞉ioht tsi haskwahnontónnionse tsi Kerístos raonhatsheraókons, tsi níh꞉ionkhiríhonthe nahiakwatʼróri noriwí꞉ios ne Rawenni꞉io raoriwahsehtátsheras.

1 Corinthians 9:13

Oriwiʼiohónwe sewahteriéntare né rónkwe nononsatokentíke rohióthe thóh nitáhas ne rahókwah tánon nónka tiontkáwas ne kahienawahséhtshera ne tsi ientsienharáhkwah iehiénas ne kahriwiʼiosehokónhas.

2 Corinthians 11:23

Kerístos kenʼ ronwaió꞉tenhse? Tho ní꞉ioht tsi wákthare tsi ní꞉ioht ne thotónhnhoʼkte. Nok sénha í꞉ʼi kehnahtsherí꞉io tsi ní꞉ioht ne ronnónha! Sénha í꞉ʼi é꞉so watióʼtenʼen, sénha í꞉ʼi é꞉so wakatehnhó꞉ton tsi ní꞉ioht ne ronnónha, sénha í꞉ʼi é꞉so ionkenónhware, é꞉so iorì꞉wake seré꞉ka aonkihé꞉ion.

2 Corinthians 3:6

Shonkwáhnhas ne tsi teionkwaténhtshon ne kahnáhtshera ahshontión꞉ni ne orì꞉wase raoterihwahseronniáhtshera né꞉ʼe ne Oʼnikonhratokénhti nón꞉we nitiawé꞉non tánon iáh nen né꞉ʼe tho nón꞉we tetiawé꞉non tsi ní꞉ioht tsi kahiatónnion ne kaianerénhsera. Ne aorihwà꞉ke, ne kaianerénhsera ne khók tkáhas ne kenhé꞉ion, nok ne Roʼnikonhratokénhti ne né꞉ʼe tkáhas ne atónhnhets.

2 Corinthians 6:4

Akwé꞉kon kiʼ wé꞉ne iakenón꞉nis tsi Rawenni꞉io shakeniioʼténhse. Tiótkon thiionkenihrhá꞉re aséʼken niaʼté꞉kon tewé꞉tha ne iáh tetkaié꞉ri, ne ó꞉ni ne aieronhiá꞉ken tánon sewatié꞉rens ionkeniientehrhá꞉ʼon naionkenitén꞉taʼne.

Revelation 11:3

Tánon enkhé꞉ion ne teniiá꞉se ne ionkeriwanirá꞉tis kakweʼniá꞉tshera nianirí꞉waken né꞉ne énskat tewenhniaweheʼtsheráhsen tékeni tewenhniáwe iá꞉iak niwáhsen niwenhniserá꞉ke nenkariwésonke, ne enhonatseronhniáton ká꞉iare.”