Joel 1:12 - Ohiatonhseratokénti

¹² Ne wahtenenharíseres iostathénen, ne tionhnionhwahronhtonhakó꞉wa onhtakenhé꞉ie. Ó꞉ni ne iotenenhaká꞉te sewahió꞉wane, ne ioneratésons, tánon ne sewahió꞉wanes— akwé꞉kon ne karonhtaʼshón꞉as ne kahentá꞉kes iostatʼthénen; orihwiiohón꞉we, natʼtsenhnonhniátshera tsi ieiohiakén꞉en tsi nón꞉we nihatinákeres nonkweshón꞉has.

Joel 1:12 ပူးပေါင်းရင်းမြစ်များ

Psalms 4:7

Sáthen natsenhnonniátshera nakwerhiáne sénha né wé꞉so sahtèkena tsi ní꞉ioht nahiokwatstónhake ne raotinátsia tánon ne otsítsa ienekiráhtha nakanakérehke.

Psalms 92:12

Né tionkwetaiéris rotiʼianerasthénhnis tsi ní꞉ioht ne ioneratésons ioronhtótons, tánon ronhtehiárons tsi ní꞉ioht ne onenhtakwenhtétshera ne Lebanon tioteronhtonhniánions.

Song of Songs 2:3

Tsi nikèrihte ne sewaiówahne ne kará꞉kon, káti thohʼ ní꞉ioht ne rinorón꞉kwah tsi nón꞉we níres ne kennithotiʼiónhas. Ne ne kowáhnen atsennonniátshera thóh wahká꞉tien ne tsi rotasátare, tánon nakatkonhontserát꞉kense ne wahiákon raóhik.

Song of Songs 4:13

Ne tesarenhárons ne ne kaʼkwiraiéntons ne wéso iotenénhas káʼhiks akwéʼkon ne ne kwáh wahí꞉ios, ne ne kwáh waʼkénres iontsatakonhonstákwas.

Isaiah 16:10

Natonhnará꞉tshera tánon natsenhnonhniátshera eʼren kahawíton tsi niʼiawetowánen tkáhaskwe ne kahentàke; tánon thóh tsi iotenenhárahre iáh thatesatirihwá꞉kwas ne karenhnasónhas, iáh kàneka taʼtetionhtewenhnakétskwas; Iáh ónhka thateʼtionhiaríhtha naʼhatirathatséson nahʼienekínekenhwe nonénhhare ne tsi ratiʼnekonhniátha; tsi tehiakohenréhtha sakʼthíken.

Isaiah 24:11

Tsi niʼiakonakwénhen thóh tsi tekanatokénserons asèken tiotnekokte notsítsa; akwékon natsenhnonniátsheras iáh teskáien; nahotsenhnonniátshera ne tsi ionwenhtsàte iotón꞉hon.

Isaiah 24:7

Notsítsia ienekirátha ienwasteske, Né watenenharíhseres onhtakénheie; ratiʼkwékon ne ronhtenikonró꞉ris tahonhnonhníserenhne.

Isaiah 9:3

Washetsiokówanate ne iakahontsakeró꞉nons, ní꞉se wasehieiarónhase ne raonatʼtsennonhniátshera; sahénton ronatonnáhere kwáh tsi ní꞉ioht tsi ronaʼtsenhnónhni nó꞉nen rotiʼienʼtkwákwen, kwáh tsi ní꞉ioht nonkweshón꞉has tsi ronatʼtsenhnónhni nó꞉nen tehontatsakhonhniónhnis tsi nahoténshons ronahtsiaʼtakweniʼióston ne iehotiháseron.

Jeremiah 48:3

Nonhkweshón꞉a ne Horonaim nónhwe wahthoʼtihénrehte, ‘Kanikonhrakʼséntshera! Tánon kowáhnenh ne kariwahiesáhtshera!’

Jeremiah 48:33

Natonnhará꞉tshera ó꞉ni naʼtsennonhniátshera éhren kahawíton ne kwáh tsahontsarénhsen ne Moab. Wahtkátaʼne tsi nitsioʼnékoʼthe ne tsi tehionhiaritákwah notsítsa; iáh ónhka tetsahonkwéhtaien nahonsahienhekónhni notsítsa tánon ne tahiakohénrehthe tsi nihiakotʼtsennónhni.

Joel 1:10

Ne kahentà꞉kes iorihwaieshá꞉hons; nonhóntsa iáh othé꞉nen thatetkánios; asè꞉ken nonátsias karihwatón꞉ton, nonenhará꞉keri iehiostéhon, ne kénhie wathontkári.

Joel 1:16

Iáh ken káhkhwa tewatón꞉ton nonkwahénton tsi thetewakanérakwe, atohnharátshera tánon nahtsenhnonhniá꞉tsheras tsi nokwáh nónhkwa Ní꞉io raononhshatokenhtikó꞉wane?

Jonah 4:7

Nok ne Rawenni꞉io kwáh ó꞉ni karontakáhrha eʼtho wahén꞉teron! Ne ó꞉ia saiórhénʼne shontakarahkwí꞉nekenʼne ne karontakáhrha kwáh iatiótkaʼwe noʼténhnhake tsi waʼkakwí꞉rake, tánon kwáh iohstó꞉re tsi waʼkakwirakénheie tánon onhstáthen.

Haggai 2:19

Thé꞉nenh ken ne kanenhá꞉sonha iotathenrá꞉hon ne tsi iakehnekeraientháhkwah? Tsi nió꞉re nón꞉wa nonénhare, ne tionhnionwaronhtonhakó꞉wa karón꞉ta, ne wé꞉so iotenénha sewaihó꞉wane, tánon ne iakenhiewátha karón꞉ta shé꞉kon iáh othé꞉non tewahianihióntʼtha. Kwáh kén꞉en wenhniserá꞉te ienwatáhsawen kwáh enkonhiataté꞉riste.

Malachi 3:11

Kwáh kiʼ enkhéhnheʼse ne tsistá꞉rare ní꞉se sewarihwá꞉ke, ne katí tóhsa ahatihethéntho tsi nitkáhahs ne kaienthóhshera ne tionhontsà꞉ke; tánon ne sewanenharaienthóhseronʼs ne kahentà꞉keʼs iáh kiʼ ohentóhskon thakénhake, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 13:23

Iahónhnewe nahonrakwáhkon ne Eshcol, tánon thóh nónhwe nahatináʼtshiake ne wèso iohnenharénhton tsi nihiótste tenihiáse waʼtewathonhóntsowe né tahiatenakarotárohke tsi natehiátere tsi waʼnhíhawe. Tánon ó꞉ni thontahonʼiénhawe ne tehiohiaʼtsikhétare sewahiówane tánon ne wisonkówa. (