Jeremiah 9:7 - Ohiatonhseratokénti

⁷ Né ki aoríhwa ne Roiá꞉ner Roshastsʼtenserowá꞉nen ráton, “Ensehkhekwahtháko nakonhkwetashón꞉ʼa tsi ní꞉ioht ne karísthatsi tánon enkhehiatheniénten. Nahkonhkwetashón꞉a kariwáksen tsi nihonahtiéren— onnaʼoten noia niiot tsi naonsakeiatierase?

Jeremiah 9:7 ပူးပေါင်းရင်းမြစ်များ

2 Samuel 13:26

Ehʼthó꞉hʼne ne Absalom wahénron, “Tòkaʼ iáh, tieríhon kíʼne iatiatatekénʼa Amnon nahiá꞉kwe.” Ne ronnontí꞉io wahawénhase, “Onhnontiéren tsi ó꞉nek tsi kwáh raónha ahí꞉sewe?”

2 Chronicles 36:15

Né Roiá꞉ner, né sako Ní꞉ioʼkwe ne sakotisotʼthonkonhkénʼen, iehokonhthá꞉kwenʼne ieshakoteniéthakwe ne rotiʼtokenhséhakwe nashakonaronhkáten né raʼonhkweʼshón꞉a, tsioríh꞉wa tsi tehotonhontsóniʼne nashakonónsthate ó꞉ni Nononsatokentiʼkówa.

Psalms 120:4

Né énraste ne ronhterí꞉ios raotiʼiénhkwires ne iohiotí꞉ies tsi entsisewahrónhtate tánon ne ensehwatsiaʼtáttsahate ne kwáh ioswenhtatharíhens!

Psalms 55:22

Tsi natesahnikónhrare Roiá꞉ner hiatsiénhas; tánon rahónha kwáh entʼthiáne; kwáh iáh nonwénhton tahatʼtónhtate ne tionkwetaiéri iahionthatesénhni.

Psalms 62:5

Asèken Rawenni꞉io khók rihniahé꞉sen; asèken nakararát꞉tseras rahonháke nón꞉we nitewé꞉tha.

Isaiah 1:25

Kwáh kíʼ tentkatiaʼnónhneke tsi konhiatʼkónten; Kwáh enskonhionhnakanónhni tsi ní꞉ioht ne karístatsi tsi áse tsakónhnis, tánon akwékon éʼren entʼkháwite ne karístatsis ne teiotsestáhon shonháke.

Isaiah 48:10

Sewatʼkátho, I꞉i wá꞉hi skwahiathaʼkwahtákwen, ók iáh thóh tewahtieren ní꞉ioht ne kawistará꞉ke aiakóhetste tsi iotékha; wakwahteniénten thóh tsi iotékha ne waterihwentore.

Isaiah 59:3

Asèken né satshanáke kwáh tesanekwenhshó꞉hare, tánon teshasʼnonshátions né꞉ne sarihwaneraháktshera iorihónhni; né tiá꞉kes iotatíhon nonówenhs, né senhnasáke tehiotiénhon ne karihwahetʼkénhsera.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Jeremiah 5:1

Jerusalemró꞉nons tsi tekanathokánions ne sehwanáhthakons niasehwatátke! Tesehwatʼkahthónnionf! Sehwatátʼken! Sehwésak ne tsi iontkeronthákwahs! Ahisehwahkwéni ken ne tionkwétha aiétʼtsi hiatatsénhri né tkarihwahiéri tsi nahiontiérahke tánon ahiontheniénthake nahiakorihwathokénhake tsi nòkwa ne Ní꞉io? To꞉ka ensehwahkwéni, ne Roiá꞉ner kwáh ensehshakonikónhrense ne Jerusalem.

Jeremiah 6:27

Jeremiah, sehiathenienten nahkonhkwetahshón꞉ʼa, tsi ní꞉ioht nenh satʼkense ne karisthatsi, tánon nahishá꞉thokense onhʼnihiothikwenion.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Malachi 3:3

kwáh ʼeh enhátien tsi ní꞉ioht ne raristanawènhtha tánon tesastarát꞉theta kahwistarà꞉ken, tánon ensehshakaonhnahkanón꞉ni ne tsi ratihwatsiratátie ne Levi tánon ensehshakaonhnhahserón꞉ni tsi ní꞉ioht ne kahwistarà꞉ken tánon nohwistanó꞉ron, tsi niió꞉re ienhonwá꞉tatshe nenthón꞉ion raonhá꞉ke ne Roiá꞉ner tho raorihwakwarihshionhtsherá꞉kon.

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

1 Tiér 4:12

Tekanórons tewatenrosónhas, tóhsa kiʼsewaneráko tsi nihiononwakthetseratʼtsáni tensewathóhetste tsi nisewaronhiáken, kwáh thóh nahiothónhake tsi síken ní꞉ioht ne kwáh knahótenk ó꞉ia ní꞉ioht tsi nisewahiátawens.