Jeremiah 9:23 - Ohiatonhseratokénti

²³ Ne Roiá꞉ner ráton, “Kíʼ attokháhtshera iáh tehiówenhk ne tahathirénsahron ne rahothinikonrowahnátshera, tóh꞉ka ó꞉ni tsi nikashástsʼte ne raothishastsʼténsera, tóh꞉ka ó꞉ni tsi ne iókwats ne raonatʼtsokohwátshera.

Jeremiah 9:23 ပူးပေါင်းရင်းမြစ်များ

Job Tánon ne Raoronhiakensera 32:13

Kí tó꞉sa sewénhron, ‘wahakwaʼtshén꞉ri nathokhátshera; Rawenni꞉io khók enwá꞉ton ahosén꞉ni, iáh nón꞉kwe.’

Job Tánon ne Raoronhiakensera 41:15

Né tsi rotstaronhnion nene ratenaies í꞉ken, kwáh ákta tsi tekará꞉nekhanion tsi ní꞉ioht ne kwáh kanoton í꞉ken.

Psalms 33:5

Né ranón꞉wes ne karihwakwarihshión꞉tshera tánon ne kaiáneren; akwékon ne tsi iohontsáte kaiénas ne iorihwatóken Roiá꞉ner raonoronhkwáhtshera.

Psalms 34:3

Takatsiátaras tsi ahitiatáti tatsitinirénhsaron ne Roiá꞉ner, tánon á꞉nion skát꞉ne tsi etʼtsitinisenhnakarátat.

Psalms 44:9

Eʼthohʼsáne waskwatswaténien tánon waskwahtéhate, tánon iáh ó꞉nen teseskwahtsiatará꞉nis nonhkwentiókwah ronhterí꞉ios.

Psalms 62:10

Tó꞉sa thóh nón꞉we nontasewethakwénhak ne ratirihwaiesáhtha ne kaiáneren, tó꞉sa sehwaʼrá꞉rek nahisewaianerásthen kén naisehwaʼtsénawasthe ne thènen kanénhskwen; iekaníhare ne sehwaʼkwahséhtshera ne sénha ahontehiáron, tó꞉sa kíʼ ne sewaʼniahesénhak.

Proverbs 11:4

Kakwahtshéhsera iáh oʼthé꞉nen thaiehsaiaʼtakéhnha nó꞉nen entewenhniserá꞉teke tensáhkwaʼte kenhé꞉ion, tókaʼ sarihwakwaríhshion ensaʼniá꞉kenhte tsi sónhnhe.

Proverbs 21:30

Nón꞉kwe nakottokháhtshera, tekaʼnikonhrathé꞉tha, tánon kakaʼenionhtsherí꞉io—iáh oʼthé꞉nen thaiesaiaʼtakéhnha tókaʼ ne Roiá꞉ner iáh tethiáhnhes.

Proverbs 3:5

Tsheniáhes Roiá꞉ner akwáh seriahsakwé꞉kon. Tóhsa nonwén꞉ton í꞉se satateniáhes tsi nahò꞉ten íhsehre saterién꞉tare.

Ecclesiastes 2:19

tánon tó꞉ka nónhwa ratenikonhratʼthó꞉kha, tó꞉ka ó꞉ni thohʼthonnókʼthe—ónhka iakotheriéntahre? Ethohʼsáne akwékon rahónʼa enhahiathakweʼní꞉ioke tsi niwatsioténʼen, oriwahkwékon nakatʼthokhátshera tsi natewahkatenhtsienhénhni né kénʼen ionwenhtsáte. Kwáh oriwahkwékon tsi iáh othénenh tehioríhonte.

Ecclesiastes 9:11

Shé꞉kon óia nahorihóten sakátʼtoʼke, né kénʼen ionhwenhtsáte né kwáh tehotíkas iáh kíʼ tiókonhte tehonatkwénion nónen tenhonréron, tánon ne rotinikonhratʼtsáni iáh tiókonhte tehontkwénies ne tsi waterí꞉ios. Ne rontenikonhratʼthó꞉khas iáh tiókonhte tatehonténhtsahas tsi nihatítkhwa, ne iontenikonhratʼthókha iáh tiókonhte tehiakokwáhses, tánon ne rahtiriwahientéris iáh tiókonhte tetsiotenáktate tsi nónhwe nahonterihónten. Akwékon niehiakoteraskwátsenhs.

Isaiah 10:8

Asèken rá꞉ton: “Nakonkwetashón꞉has ne ratikorá꞉shons iáh kén ratikwékon rotinontí꞉ios tèken?

Isaiah 20:5

Tánon kwáh kí enhonhnikonrótʼten tánon enhontéhen né꞉ne Cush entkarihónhni né꞉ne raoʼnararát꞉tshera tánon ne Egypt ne tehonthaʼterenhsaronhkwátha.

Isaiah 47:10

Kwáh í꞉ken tsi sahiataníron tsi nisonkwetaʼhét꞉ken; washí꞉ron, “Iáh ónhka thaʼtehiontʼkánere.” Tsi nisatenikonratʼthókha tánon ne satʼthokhátshera né wesatʼthaharákwahte, tánon washíron ne serhiá꞉ne, “Í꞉i wá꞉hi, tánon iáh ónhka nakó꞉ren tekáien tsi nokwáhti í꞉i.”

Isaiah 5:21

Rothithentáhsere, tsi nihá꞉ti ne rónhnereh rontenikonraʼtókhas ne kwáh ronón꞉ha ratiká꞉rakes, tánon thóh nethá꞉kwen tsi nihontkáthos!

Jeremiah 31:34

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Jeremiah 48:14

Ne sehwaskenrahkéte ne Moab nónhwe, nonhtiéren tsi sehwáhton sehwahnikonhratʼtsáni, ne rotiʼnikonhratʼtsáni ronterí꞉ios tsi wahterí꞉io nónhwe natehontohétstha?

Jeremiah 48:7

“Moab, ne sehniahésenhne ne shaʼshastsʼténshera ó꞉ni ne shaʼkwahséhtshera, ók kíʼ nónhwa ienhieshaʼhiaténhaʼwe nahieshaʼnhóton; Ne shaʼní꞉io Chemosh, skátke ne rahonkwetaʼshón꞉a ne rotikháres ó꞉ni tsi niháti ne ronwahiótenʼse, kwáh enhonwahnaʼnakeráhkwahte tsi nónhwe nahínonh nióre tsohontsiaʼiénhton.

Jeremiah 49:4

Onhnonhtiéren kí꞉ken tiónkwe ne iáh othènen tesehwáhien ne tewehthá꞉kwen tsi tesehwathaterénhsharon? Ne sewahshastsʼténsera tahioseronhnonhthonhátsie. Onhʼnihiotiéren tsi ne sewahniahésenh ne sewahshastsʼténsera tánon sewáhton kwáh iáh ónhka thá꞉ienhre ne iahieshaʼtiatónti?

Ezekiel 29:9

Ne Egypt kwáh iahothènenh tsiatahonsahiothaténronhke enhionhontsaiéssa. Ethòne ensateriéntarahne tsi Í꞉i ne Watiá꞉ner. “Tsioríhwa tsi ísen ne Nile í꞉se sáhwenhk tánon í꞉se sáhsonh,

Ezekiel 7:19

Tsi Ní꞉ioht ne iotkénston tsi tekanatokʼkhánions ienhonáti ne raonáwenk nowistanórons ó꞉ni ne kawistarákens, asèken iáh ne kawistaráke khés nowistanóron takakwéni nahiakohiatanónhsthate nónenh ne Roiá꞉ner entʼtáweron tsi nihotenakwahwenʼráhti. Iáh tahónton nahonshá꞉honste nahonerientí꞉io ne raonaskanéktsheras tó꞉ka ó꞉ni nahontenekwéntikʼte. Owistanóron tánon kawistaráken kariwanerahaktsheráke niahakohiaténhawe.

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Zephaniah 1:18

Sénha í꞉si nón꞉we ne raotiwístas kawistará꞉kens khés ne owistanó꞉rons iáh tkakakwé꞉ni nahiakonónsthate né꞉tho tewenhniséronhte ne Roiá꞉ner raonakwáhtshera; ók onhontsakwé꞉kon ótsire enwatsáhate ne tsi nihotekéfen, asè꞉ken ne enronhniáte ne tsi iehiotókte tenhiotenonhianí꞉tonhke kwáh ratikwé꞉kon tsi nihiákon ienákere ne tsi ionhontsá꞉te.

St. Mark 10:24

Ȣahotinekheren ne raotiokȣa tsini kaȣennoten tahatati; Sekon tontahaȣenninekenne ne Iesos, ȣahenron: Kȣaienhokonha oriȣiio tsi ȣentore natsokoȣatsera konȣaniahesen naiontaȣeiate tsi thonakeraseraien ne Niio!

Romans 1:22

Ronthon rontʼthókas, nók kíʼ thoʼnathónʼnhokʼte;

1 Corinthians 1:31

Káti, tsi niwáhton norihwahtokénti, “Ónhka áienre tahiontaterénsaron ónenk tsi né teierénsaron tsi nihohiotén꞉en ne Roiá꞉ner.”

Deuteronomy 8:17

Ethóh káti, kwáh tó꞉sa nonhwénton né꞉ne ahisewanonhtón꞉nionʼwe ne í꞉se kók sewashatsténhsera ó꞉ni tsi wesewahiò꞉ten tsi wesehwakwaʼtshéne.

Philippians 3:10

Kwá nek khók tesewakatonwentióʼni nahonkateriéntaraʼne ne Kerístos tánon ne kasatsthénsera ne shokétskwen tsi shahonʼnhéton. Íʼkere ehthoʼníʼ ní꞉iott tsi akeronhiáken ó꞉ni akíheie tsi nihoiéren,

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

1 Timothy 6:10

Ne iewistanorónkwa ne kaiatakweʼní꞉io ne iatehioriwáhke ne kariwáksen. Ótiakes thóh nióre tsi tehotisteríhens nahatiʼiéna kwáh ahéren ronéhthon ne tewetákwen tánon iawehthowánen ne kanikonrakséntseras né tehonerhiasharíhton.

1 Samuel 17:42

Nó꞉nen ne Philistiaró꞉non watatkatónhnionkwe tánon wahó꞉ken Táwit, tsi nahokénron, asèken kénk nithoʼiónha í꞉ken, tehotenokwéntaronʼte tánon tsi nihatkatotserí꞉io tsi nihsahiatóten.