Jeremiah 9:22 - Ohiatonhseratokénti

²² Kwáh tsík nonwéhson tsi tewenheiontohʼtháron, tsi ní꞉ioht ne ótha iothonhióton ne kahentáhke, tsi ní꞉ioht ne onátsa kaiá꞉kon tánon ék wahonáhti ne ratinahtsí꞉iaks, nonátsa ne iahónka tehiakohrónkwas. Ne kí꞉ken tsi nahó꞉ten rakró꞉ri ne Roiá꞉ner akíron.”

Jeremiah 9:22 ပူးပေါင်းရင်းမြစ်များ

2 Kings 20:13

Ne Hezekiah tsi nahatʼtsenhnónhni tsi washaʼkóken ne ratirihwakariénies tánon waʼshakonathonhniónhase tsi nihotsokówa—né rahowístas ne kawistarákens ó꞉ni nowistanórons, ne rathekhwakonhonsthákwahs tánon ne ratsiatakonhonsthákwahs, tánon akwékon ne tsi nihaterihiosthákwahs. Kwáh iáh thahótens ne tsi rateweienthónkwah khés naktéson nonwéson ne rahonontiʼiotserákon ne iáh thaʼsakonatónhni.

2 Kings 20:15

“Nahoténson wahontkathóseron ne kanontiʼiotserákon?” “Kwáh akwékon niahontʼkátho. Kwáh iáh thaʼhótens ne tsi tsenhthákwah ne iáh thakhenatónhni.”

2 Kings 9:37

Né iatehiothaténron nahoierónhta tsi ní꞉ioht nó꞉ta tsi tenwareniátonhke, né ká꞉ti ne tóh꞉sa ónka aiekwéni nakonwaiénterene.’”

Job Tánon ne Raoronhiakensera 5:13

Tesakoʼnikará꞉ras ne ronteʼnikonrathò꞉kas ne kwáh ronónha raotinikonrathaʼtsherá꞉kon, tánon tsi nisakotinikonrá꞉wis ne ratiʼnikonrá꞉tha kwáh iostó꞉re tsi enhonatotʼtase.

Psalms 49:7

Orihwiʼiohónwe kwáh iáh ónhka taiekwéni nakahonhatsíwa khók ahonsahionthatiatáko, kwáh iáh othènen tekakarhiaktseráien nónhka aiekwéni nahonwaʼkárhiakse ne Rawenni꞉io tsi iakónnhe.

Psalms 83:10

né꞉ne En-dor nón꞉we nihonwaʼnathón꞉ton, tánon ne raotiʼierontashónhas thóh ohontsáke waʼhót꞉ken tsi nón꞉we nihotiʼiatsenénhon.

Proverbs 18:11

Sók ne rotikwáhtshe rón꞉nehreʼk raotikwahtshéhsera enhotinónhstate tsi shí꞉ken ní꞉ioht ne kwáh iorihwahní꞉ron è꞉neken tiótte tewahsónhtote teiohkwatasé꞉ton tsi kaná꞉taien.

Proverbs 23:4

Kwáh iatekaièn꞉tak tsi tesaʼnikonhrátheʼk ne tóhsa tahsatatwishenhé꞉iaʼte tsi sateʼniéntha naesakwáhtsheʼne.

Isaiah 5:25

Né káti wahón꞉ni ne raonhakwáhtshera ne Roiá꞉ner tahióteke wahakokʼkónten ne rahonkwetaʼshónhas, tánon iathatsáneste washakokʼkónten tánon washakokónrehke; ne tsi iononhtarón꞉nions wahowá꞉ke, tánon ne raoʼnenhehiontashónhas thóh nahawénhne tsi ní꞉ioht ne watsakwaríshion ne tsi kanatáthatse. Asèken akwékon kíʼken ne raonhakwáhtsera iáh kí éhrenh tetsawéton, tánon ne ratsanáke shé꞉kon kí iotʼtakaráwenh nasakohréhwaʼte.

Jeremiah 16:4

Tehionranónhiani enhotírhiote, tánon iáh ónhka tahonwahnatʼtsiónnionse iáh ó꞉ni tahonwahtihiatháta. Ne rahothihieróntas enkakerónthake nonhwenhtsáke tsi ní꞉ioht ne óhtha iothonhióton nonhwenhtsáke. Kwáh ateriʼiosehráhke enhonwatiʼnonhwahrhiákon tó꞉ka ó꞉ni athonkarhiákon enhotírhiote, tánon ne rahothihieróntas né kákkhwa enhonatónnien ne otsitenokónhas ó꞉ni ne konhtírhios.

Jeremiah 25:33

Né tewenhniserónte nohierontaʼshón꞉a tsi nikáien ne Roiá꞉ner shaʼkowénhthon kwáh tenkahiathoʼtháronke ne tsi iehiothonhontsiotʼthaníhon. Kwáh iáh ónhka thaʼhonwenhnenhktsiónnionʼse, tánon iáh tiahonwahtiʼhiaténhaʼwe ne ahonwahtihiaʼtátha. Kwáh ohontsiáke enhatiʼhiathakerónthaʼke tsi ní꞉ioht ne ótha.

Jeremiah 6:21

Tánon káti kwáh enkhehiónnien kí꞉ken onhkweshón꞉ʼa nahothahonahsíhtsiake tánon nahathihiatiénenhʼne. Ne iatatró꞉nah ó꞉ni ne sahkothiʼienhokónhas kwáh enhonníheie, tánon ó꞉ni ne ateró꞉sehras ó꞉ni ne tehonʼnonhsahnekʼkhánions.”

Jeremiah 7:33

Nawenhʼheiónthas né raotíkhwa enkénhake notsitenʼokónhas tánon ne konhtírhios, tánon kwáh iáh ónhka thakonwahthiterónkwen ne ahéren akonhnéthe.

Jeremiah 8:2

Tsi ní꞉ioht nakaró꞉ronhke tánon akahiathátenhke, ne raotiʼstienhokónhas thóh nenhʼhiothónhake tsi ní꞉ioht ne óhtha iakonhonsahresensthákwah onhwenhtsiáke kahkéhron. Tánon tsi tenhwahrehniáthonke thóh tsi iohráhkhothe, tánon ne asontʼténhnekhe karáhkwah, tánon ne tsi iotsistokwahrónʼnions, né kí꞉ken nonhkwehshón꞉a ienonhrónhkwahkwe tánon ne tahieriwásniehʼne, tánon ne konhwaterihwaiénhnisʼkwe ó꞉ni konhwathisénhnaiensʼkwe.

Habakkuk 1:11

Ethò꞉ne wahontohétsthakwe tsi ní꞉ioht nowé꞉rah; wahatiriwané꞉rake tánon wahotínike; ne ne kwáh ronón꞉ha raotishatsténhsera neh raotiní꞉io í꞉ken!

Zephaniah 1:17

Tánon kwáh entekháwe ne kaʼnikonhraronhiákenhse nonhkwè꞉ne tánon thóh ní꞉ioht tsi enhonhnésehke tsi ní꞉ioht ne tehieronhwékon ne tiorì꞉wa tsi rotirihwanéren tsi nokwáh ne Roiá꞉ner. Tánon ne raotinekwénhsa entewawerónhtake tsi ní꞉ioht nokénhra tánon ne raotikaróstha thóh nenhióton tsi ní꞉ioht nóta.

Deuteronomy 8:17

Ethóh káti, kwáh tó꞉sa nonhwénton né꞉ne ahisewanonhtón꞉nionʼwe ne í꞉se kók sewashatsténhsera ó꞉ni tsi wesewahiò꞉ten tsi wesehwakwaʼtshéne.