Jeremiah 9:17 - Ohiatonhseratokénti

¹⁷ Ne Roiá꞉ner Roshastsʼtenserowánen wahénron, “Sahnonthonniónko tsi nihiawénsehrons! Iaséhnonk ne rontiónnions nahontahónʼne, ne ne konhnónkwe ne tekonthiriwáhkwah ne iontatsathatahástha karenhnasón꞉a.”

Jeremiah 9:17 ပူးပေါင်းရင်းမြစ်များ

2 Chronicles 35:25

Né rotokenséhakwe Jeremiah waʼharenhnárasʼte né ionhtionhniónhkwah né Ronnontí꞉io Josiah raorihwá꞉ke. Tánon né iahontʼkón꞉takwe ne Israerʼró꞉nonke tsi tiókonte né tenhatiríhwakhwake, né꞉ne ronhnón꞉kwe tánon ne konhnón꞉kwe kwáh tetsarón꞉kwen tsi thóh ní꞉ioht tsi tehatirihwákwah, né kí꞉ken tenhatirihwákwahke nó꞉nen enhonwatsónhnionhse. Né karénh꞉na thóh nón꞉we nenhkatsénhronhke tsi nitkaró꞉ron ne tsi nihiontsiónhnions.

Job Tánon ne Raoronhiakensera 3:8

Serí꞉hon ne tehontkónstha nahonnonniseratsáte ne netewenniserátekwe shontahión꞉ni nakenhnakerá꞉te— né꞉ne tsi nihá꞉ti ne rotirenhnàhon nahonwathontóriate ne katsinoniowá꞉nen ne kaniarakekowá꞉nen í꞉wes!

Ecclesiastes 12:5

Kwáh kíʼ enshetsanísehke kanónhwe ne é꞉neken tiótʼtes, tánon enhiotʼteronhthónhake ne thakésons niáse. Tsi sanonhkwísehrothe karáhken nenhiá꞉wenhne; kwáh tensnhióten sheronhkenéhak tsi nisaktsinhokátha, tánon akwékon naskanéktshera kenkʼtshiénwe. Thóh nón꞉we niahonkwenonhátie nonahkénka iéken naetewatoríhsen, tánon ehthò꞉ne kwáh enwatsiónhnionke ne kanatakónsons.

Jeremiah 7:29

“Sehwatʼtsiónnion, tiónkwe ne Jerusalem; sehwahthatenonhkar tánon íseh iasehwáhti. Tesehwahríwak ne hionthatiathatahástha karénna ne onhotoharahkésons, tsioríwa Í꞉i, ne Watiá꞉ner, wakenahkwénʼen tánon wakhekénron nakonhkwetahshón꞉a.

Lamentations 2:5

Tsi ní꞉ioht ne tehiakwatátʼtions, ne Roiá꞉ner wahariwéntʼtho ne Israel; Wahariwenthóseron ne watenhenrótaʼkwe ó꞉ni tsi kanonthiʼhiotseráherhe. Iáh tsehiótokʼte ne kanikonrakʼséntsera tasakáwen nonkwesónha ne Judah.

Ezekiel 27:2

“Ónhkwe iaiénha, tesehriwáhkwahs ne ionhthatsthatahástha ne Tyre,

Ezekiel 32:16

Kí꞉ken ioriwahníron hiontatʼthokaténhni kwáh né iatenwatʼthéni ne iontatsathatahástha karénhna. Ne konhnónhkwe ne tsi kanakerahserahkéronhs tenhkonhtiriwáhkwe nakonhwatʼtsiónhnionse ne Egypt ó꞉ni ratikwékon nahonkwetashón꞉ʼa. Í꞉ih, ne Wakenonhtí꞉io Watiá꞉ner, wakatáti.”

Amos 5:1

Ne Amos wahèn꞉ron sewatahónsahtat kí꞉ken karén꞉na tsi nathenkwahrihwáhkwahse O tiónkwe Nisraerónons:

Micah 2:4

Ne thóh entewenhniserá꞉teke kwáh thenhiesarihwákwahse ne naiesatkónten, tánon tenhiakohén꞉rehte ne ioʼnikonraktsenhtserowá꞉nen, tánon eniaié꞉ron, “Kwáh kanánon tsi ionkwatkaronhní꞉hon; ne Roiá꞉ner shashontionhontsákwa tánon ionkiié꞉nen! Tánon ne waʼteshakonaríhthen nonhtionhóntsas tsi ratinákeres ne iáh tetehotirihwató꞉ken.”

Matthew 9:23

Nonen siiaharaȣe ne Iesos tsi thononsote ne rasennoȣanen, ȣasakoken kentiokoȣanen ronterennotha, otiake oni ronaterakareraston.

St. Mark 5:38

Iahonneȣe tsi thononsote ne Sakotatis, eh ȣahontkatho koȣanen ronaterakareraston, otiake teionsenthos, nok otiake teiakohenretha.