Jeremiah 8:20 - Ohiatonhseratokénti

²⁰ Nonhkweshón꞉ʼa tiathotihénrete, “Nakennáhke iothohétston, ne kaienthótsheras ioteweiennenhtáhon, ók iáh kíʼ tetionkwahniaʼkénʼen.”

Jeremiah 8:20 ပူးပေါင်းရင်းမြစ်များ

Proverbs 10:5

Ónhka ieʼnikonhraweiénhon iakoteʼnikonhríson enieró꞉roke kaienthóhsera nó꞉nen iotateweiennentá꞉on; iotéha aiakotá꞉sheke tsi nikahá꞉wi ieienthókwas.

Jeremiah 8:19

Sahtahonshá꞉tat! Ohontsiakwékon Wakatʼthónte nakonhkwetahshón꞉ʼa tiatenhonséntʼtho, “Ne Roiá꞉ner iáh kén ónenh Zion tèsres? Ne Zion ahonnonhtí꞉io iáh kén ónenh thóh tèsres?” Ne Roiá꞉ner, ronwanonhtí꞉io, wathariwahsehráko, “Onh nonhtiéren tsi waskenakónhni ne tsi wasehsénnaien ne sahiatonnishón꞉a tánon ne tsi watesehʼhiatentʼtsóthaʼse ne iáh othènenh tehatiriwásthas niʼiohʼokónhas?”

Jeremiah 8:21

Tewakherhiasahkwentéhon tioríwah nakonhkwetashón꞉a tsi tehonwanaskwasehronkwáton; wakatʼtiónnion; kwáh íken tsi tewahkáthonʼne.

Luke 13:25

Nok nonen enshataȣeiate ne Ronȣaniha, enshannhoton oni, ok astste ienseȣenterontake, ethone entiseȣatasaȣen enȣeȣannhohaiake, enseȣatonheke, Seȣenniio! takȣannhotonkȣas, nok ne raonha enthenron iah othenon teȣakaterientare kah nitiseȣenon.

Luke 19:44

Nok enhiesanatarisi, ensakohnaȣentho seienhokonha niseke ienakere; Nok iah oni tahonenre nenskat oni takanenhiaserake, ne tsi iah tesenniseraientereon tsi iataȣeiatennine ne Niio.