Jeremiah 7:26 - Ohiatonhseratokénti

²⁶ Ethohʼsáne iáh ónhka tehiakotahonsaʼtháton tó꞉ka ó꞉ni kariwahahonónhnike. Khé꞉kenk, onenhsénha weshanonhtsistaníronhʼne wahshaterihiosehrahnónhweʼne tsi ní꞉ioht ne séh sotʼthonkonkénʼen.

Jeremiah 7:26 ပူးပေါင်းရင်းမြစ်များ

1 Kings 14:22

Nonhkweshón꞉as ne Judah nónhwe wahatirihwánerake tsi nòkwah ne Roiá꞉ner tánon sénha ísiʼnonhtsi nahonwénhraʼte ne rahonakwáhtsera né ronónhake nahontahonwatíkwekʼthe ne sakotisotʼthonkonhkénʼen tsi nahonátiereʼke.

1 Kings 14:9

Í꞉se sénha iashohétsthe tehiotenonhianítons tsi ní꞉ioht tsi waserihwánerake tsi ní꞉ioht né thóh natserénton ronatkoráston. Wasekʼkénron tánon wasawénhrate nakenakwáhtsera né tsi washatsathonhniseronhniánions tánon karístatsis nahó꞉ten washehiatonhniánions nakonhwatisenhnaienthákwahke.

2 Kings 17:14

Ók iáh kíʼ tehonatewenhnaráhkwen; rotinontsistaníkon kwáh kíʼ tsi niʼiohtónʼne ne sakotisokʼthonkonhkénʼen, né ronónha tsi iáh tethonwethákwenhne ne Roiá꞉ner Raotiní꞉io.

2 Kings 17:15

Iáh tehonatʼthontháton nahonatewenhnaráhkwen ne rahorihonhnienhnítseras, iáh tehonatsenawáston ne kaianerénhsera tsi nihó꞉son skát꞉ke ne sakotisokʼthonkonhkénʼen, iáh karíhwa tehonnónhni tsi nishakoronhkaténhniskwe. Né wakonwasénhnaien ne iáh othènen tekariwásthas kaiatonhnisónhas tánon ronón꞉ha ó꞉ni iáh othènen teshatirihwásthakwe, tánon ne rahtísere tsi nihotiʼianerenserótens né aktóntses ratinakerénion, iáh tehonwawenhnarahkwenhátse ne Roiá꞉ner tsi nisakoróri ne tó꞉sa tahontahonwatinákeren.

2 Chronicles 30:8

Tó꞉sa sewatenontsistatʼsat tsi né niʼiohtónhne ne roʼnónha, ók tsisewahwénhnarak ne Roiá꞉ner. Tá꞉sehwe Nononsatokentkokowane ne Jerusalem nón꞉we, tsi nikáien ne Roiá꞉ner Sewahní꞉io né꞉ne tsi nénhwe iotokénti rahonniáton, tánon tsi sewahsénhnaien né ká꞉ti ne tó꞉sa shé꞉kon ahonshatsisewanákwahse.

2 Chronicles 33:10

Ethohʼsáne ne Roiá꞉ner roronhkaténhni ne Manasseh tánon ne rahonkweʼtaʼshón꞉as, iáh tehonatahonsatháton.

2 Chronicles 33:23

Ók iáh é꞉tho tèhiote tsi ní꞉ioht ne ronikénʼen, iáh ehtàke teshothatónhni tánon iáh Roiá꞉ner nòkwah tieshawénon; sén꞉ha rahónha waharihwánerahke tsi né niʼiohtónhne ne ronikénʼen.

Nehemiah 9:29

Tánon ní꞉se washerehtsá꞉ron ne káti nahónton thóh niahonsahon꞉ne saianerenhserá꞉kon. Ók ronthathónhnikwe tánon iáh teonathahonsatháton ne sarihwataʼtsheras, ók wahatirihwané꞉rake tsi nokwáh ne shatiawenráhsera, tó꞉ka ne rónkwe thóh nenhá꞉iere kwáh kíʼ thóh nón꞉we nenhatonhnhathénti. Wahonswaté꞉ni tánon wahontenontsistaní꞉rahte tánon kwáh iáh teonatahonsatáhton.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Isaiah 48:4

Né aoríhwa waʼkateriéntaraʼkwe tsi niʼsewahtenikonrakʼsáton, tánon ne sewahniá꞉rake karisthá꞉tsi sewahtsinonʼiátare tánon ne sewahkenkwaráke otsínekwar niʼkaristó꞉ten í꞉ken,

Isaiah 5:4

Nahóten shé꞉kon sénha tsi nahontserénhke tsi nòkwah ne wakenenharaiéntʼton ne iáh thóh nahontsiérenke? Nó꞉nen siwakeráhre ne wé꞉so ahonkenenharaienhtáʼhon, onhnonhtiéren tsi karakónha iahónhton?

Jeremiah 11:8

Ók iáh kíʼ tehonatahonsahtáton iáh ó꞉ni tehonatewenhnaráhkwen. Khékenk, ratikwékon iahathikónhtahkwe tsi wahontenontsistahnírahte tánon sénha wahonnonhkwetaʼhétkenʼne. Kheró꞉ri nahontiénaʼwasthe ne ateriwasehronniátshera, ók iáh tehonathontáton. Sók kíʼ tahkhéhion akwékon ne karewathátshera tsi nikahiatónnion.”

Jeremiah 16:12

Ók káti sénha i꞉se wahétken tsi nisehwatiéren tsi ní꞉ioht ne ietʼtsisotʼthonkonkénʼen. Kwáh sehwakwékon tsi sewaʼnontsisthaníron tionkwetahétken, tánon iáh teskwahwenhnaráhkwah.

Jeremiah 17:23

Ne shaʼkothisotʼthonkonhkénʼen iáh tehionkathahonshatáton iáh ó꞉ni thènen karíhwa tehonnónhni. Khèkok, wahontenontsisthanírahʼthe; iáh tehionkathahonshatáton iáh ó꞉ni thènen tehothiweienthetáhon nakonháke.

Jeremiah 19:15

nètho ne Roiá꞉ner Roshaststenserowáhnenh, ne ne Israerʼró꞉non sahkohʼNí꞉io, ráhwenh, “Entétkhaweh ne kén nónhwe kíʼ tsi kanahtowáhnenh tánon ó꞉ni ne aktatsesónhas kanahtaʼiénton akwékon ne karewahtátshera tsi ehʼnénhtiereh tsi niwáhken, tioríhwa tsi nisehwaʼnonhtsistaníron ó꞉ni kwáh iáh tesehwahthahónsahtats tsi nikáton.”

Jeremiah 22:21

Ne Roiá꞉ner wahiathárahse ne shiʼshahianerasténni, ók iáh tesatʼthontáhton nahishaʼthahonsahtátonʼke. Kwáh éhtho nishiérahkwe tsi náhe shiʼshónʼne; kwáh iáh nonhwénton tahʼtsiatahónshaʼthaʼte ne Roiá꞉ner.

Jeremiah 25:3

“Ne ne tewáhsen-áhsen nihiosehráke, tkènne ne ne áhsenʼiawénhre shiʼiosehratátie nètho Josiah ne ne roʼníha Amon shiʼhononhtí꞉ioʼkwe ne Judah nónhwe ne ne tsi nióre ne kwáh nónhwa wenhnisehráte, ne Roiá꞉ner ratʼtharáni, tánon iáh nonhwénhton tewahkerihwanóronhse nakwahró꞉rike tsi nahó꞉ten ráwenh. Ók iáh othènen karíhhwah tetiónni.

Jeremiah 25:7

Ók kwáh rahónʼa ne Roiá꞉ner ráton tsi iáh tesehwathontháton naʼtsisehwathaonsahʼtáthonke. Khèkok, sewaʼhiathonnisónhas né wahtsisehwahnakónhniaʼthe tánon wesehwatattiáhaʼse taháhaʼwe ne raonhakwáhtshera ne tionháke.

Jeremiah 26:5

tánon né tsi wesehwaʼtennikonhráhren ne raotiʼwenhnasónhas nakenhátsheras, ne rotiʼtokénse, tsi nikáien ne tiotkonhónwe iekhehiateniéthaʼkwe ne tionháke. Iáh nonhwénhton tesehwatewenhnaráhkwen tsi nihónenh.

Jeremiah 29:19

Ne kíʼ thóh nenhothihiáthawenh tioríwah tsi iáh tehonahʼtewenhnharáhkwen naʼteriwahnhothátshera tsi nihiorihwahtó꞉ken ieʼkhehiathenieténnisʼkwe rononháke ne akonhkwethasónhas ne rothitókense. Iáh tehonatʼthontháton nahonahthaʼhonsahtáthonʼke.

Jeremiah 3:13

Nek khók sehrihwahnírat tsi sahníhkon tánon iáh thetiewenhnahráhkwen ne Roiá꞉ner sahNí꞉io. Sehrihwahnírat kwáh tsi niatekahrónthake ne áse nikahrontó꞉ten thisakʼkáhwenh ne sahnoronkwáhtshera tsi nòkwah ne káhnionk ní꞉ios ó꞉ni iáh tesahthewenhnahráhkwen nahkwatsiawenhrátsheras. Í꞉ih, ne Watiá꞉ner, wahkatháti.

Jeremiah 32:23

Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Jeremiah 34:14

tiókonhte ne tsáta nihiosehráhke sonwahnátkaf ónhka ne Hebrew akénhake ne ne iáhiak nihiosehráhke ashakohiótenʼse. Ók kíʼ ne sehwahsótʼtshera iáh thènenh karíhwah tehionkónhni iáh ó꞉ni tehonathahonsahtháton tsi niwáhken.

Jeremiah 35:15

Iewakʼkhonthákwenh ieʼkhehiathó꞉res tionháke nahkhenhátsheras ne rothitó꞉kenʼse, tánon ietʼtsiró꞉ri naʼisehwahtiakwahríshi tsi niʼsehwahweienʼnáksens tánon ne sehwahióhten ne tkariwahiéri. Ietʼtsiretiarónhon ne tó꞉sa aietʼtsisénhnaien ne thiʼkaniʼioserahténions, ne ne iaʼisehwahkónthaʼkwe thóh nónhwe naʼisehwenhterónthaʼke tsi ionhwénhtsaien ne tkwáhwi ó꞉ni ne ietʼtsisotʼthonkonkénʼen. Ók kíʼ iáh teʼskwahthahonsahtáton iáh ó꞉ni karíhwah tetionníhon.

Jeremiah 35:17

Káti nónhwa, Í꞉i, ne Watiá꞉ner Keshastsʼtenserowáhnen, ne kheʼNí꞉io ne Israerʼró꞉non, enkwaiénhaʼse ne tiónkwe ne Judah ó꞉ni ne Jerusalem oriwahkwékon ne kahkaronniátshera ne wahkarahrátston. Kwáh kíʼ thóh nénhtiere tsioríwa tsi iáh tesehwathahonsahtáton nónenh sahkwahthárahse, tánon iáh thaʼtesehwariwahseráhkwen nónenh siakwahnáhton.”

Jeremiah 44:16

“Kwáh iáh thaʼhiakwahtahónsathaʼte tsi nahó꞉ten thakwahró꞉ri ne rahosénhnahkon ne Roiá꞉ner.

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Jeremiah 6:10

Wakʼkeriwahsehráko, “Ónhka enhionkathahónsahthate tó꞉ka enkhethárase tánon nahkheronkáhten? Rothinonhtsisthaʼnírons tánon iáh thahonthóntahte nahonthahónsahthate ne sateriwahnothátshera; enhatisteristhe tsi nahó꞉ten tatró꞉ri nahkíron.

Jeremiah 6:17

Ethóhʼne ne Roiá꞉ner wahshakohiataráhko ne ronterí꞉ios nahonthahónsahthate nahonthakawenhnóthaʼne ne iehonráwatsthe. Ók wahonníron, “Iáh tahiakwahtahónshathaʼte.”

Jeremiah 7:24

Ók iáh ki tehonahʼtewenhnaráhkwen iáh ó꞉ni thènenh karíhwa tehonnónhni. Khé꞉kenk, né thóh nahathí꞉iere tsi nahakoró꞉ri ne werhiasáksenh ó꞉ni werhiasahníron rotí꞉ien, tánon sénha wahonnonhkwethahétkenʼne tsi ní꞉ioht nahothihiánerehke.

Jeremiah 9:13

Ne Roiá꞉ner wathariwasehráko, “Kíʼ tsi thóh naháwenhne tioríhwa nakonhkwetaʼshón꞉a ronahtewenhtéhton ne karihonnienʼnítshera ne tetkhehiáwi. Iáh tehionkewenhnaráhkwen tánon iáh ehtehotihiéren tsi nikheʼró꞉ri.

Ezekiel 12:2

“Rónhkwe iaiénha,” wahénron, “Ní꞉se skátke sewahrákere ne tehatiriwahríhtha nonhkweshón꞉ʼa. Tehathikára, ók iáh kí thènenh tehontkátʼtos; tehonʼhontakáronte, ók iáh kíʼ thènenh tehonrónhkhas, tsoríwa tsi ronhteriʼioseranónhwe.

Ezekiel 12:3

“Ónenh kíʼ, rónhkwe iaiénha, senokwakweʼnónhni kwáh tsi nihaiéra ne ronahtenháwis tánon teshatháhak nohénton nahontahiokárahwe. Kwáh onhkwetaʼkwékon ahiesáhken tsi washaténti tánon thóh niahisehnonhátie nóhia tkanáhthaien. Tó꞉ka nónhwa thí꞉ken tehatinenhrahrítha enhieshaiénterehne.

Ezekiel 20:30

Ónen ietʼtsiró꞉ri ne Israerʼró꞉nons tsi nahó꞉ten katónhnions: Nonhtiéren tsi né kwáh ethohʼní꞉ioht tsi ahisehwariwáhnerahke tsi nihotiʼiéren ne ietʼtsisotʼthonkonhkénʼen tánon ne wahitsísehre ne raothihiatónhnis?

Daniel 9:6

Iáh teiakhiiatahonhsatá꞉ton ne sanhaʼtsheraʼó꞉kons ne rotitokenhséhahkwe, sahsén꞉nakon tsi tehatihthárhahkwe ne ionkhinontí꞉ioskwe, ó꞉ni ne ratikó꞉ras iakhishotonkonkénhens, tánon akwé꞉kon ne ón꞉kwe nʼetho nón꞉we niʼienákere.

Hosea 11:7

Nakonkweʼtashón꞉as tehonatsiatonháties tsi nihonatekwenháties nakonhà꞉ke. Né꞉ne kwáh è꞉neken tókte iehonwanatónhnions, ók kwáh ki iáh tesakowisarakwénhnis.

Zechariah 7:11

“Ók nakonkweʼtahshón꞉ʼa kwáh wahontenonhtsistatʼshá꞉te iáh tehonatʼthontháton nahonthahonshá꞉thate. Wahonteʼnikonrahnhó꞉ton

Malachi 3:7

Tsi nithonatenhniseraténionhskwe ne ietshihsothoʼkonʼkénhen sewatahróntionʼs tsi nonkwá natianerènhseraʼs tánon iáh tesewatienawáhston. Akonhá꞉ke naʼtontáhsewe, tánon tsonhá꞉ke nienhénhske, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, Ók ní꞉se sewá꞉ton, “Oh ní꞉ioht tsi tho niaonsaiá꞉kwe?”

Matthew 21:38

Nok tanon ne ratinenharaienthos, ȣahonniron siiahonȣaken tare: kenh tare ne raoȣenk ȣatonsere; hetsiteȣario tanisa nok onkȣaȣenk enȣaton tsini hoien.

Matthew 23:32

Nok ise seȣanahnonhatie tsinikon thonatoktani ne ietsinihokon kenha.

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

Romans 2:5

Nók iáh tatesahontakáronte tánon seriasáksen. Nekarihónʼnis, í꞉se satatonniénʼnis neh karewatátsera sénha tehiotenonhianíton tsi ní꞉ioht ne tewenʼniserónte nónen neh Rawenni꞉io rahonakwátsera tánon ne tkariwaiéri kaiatoretátsera enhiotásion.

Deuteronomy 8:20

Tó꞉ka iáh thatsisewawén꞉naraʼkwe ne Roiá꞉ner, ethò꞉ne ki kwáh thóh ní꞉ioht tsi ensewahiatá꞉ton tsi ki ní꞉ioht ne ronatià꞉kes tsi enshakothónte tsi nienhénsewe.