Jeremiah 7:24 - Ohiatonhseratokénti

²⁴ Ók iáh ki tehonahʼtewenhnaráhkwen iáh ó꞉ni thènenh karíhwa tehonnónhni. Khé꞉kenk, né thóh nahathí꞉iere tsi nahakoró꞉ri ne werhiasáksenh ó꞉ni werhiasahníron rotí꞉ien, tánon sénha wahonnonhkwethahétkenʼne tsi ní꞉ioht nahothihiánerehke.

Jeremiah 7:24 ပူးပေါင်းရင်းမြစ်များ

Nehemiah 9:29

Tánon ní꞉se washerehtsá꞉ron ne káti nahónton thóh niahonsahon꞉ne saianerenhserá꞉kon. Ók ronthathónhnikwe tánon iáh teonathahonsatháton ne sarihwataʼtsheras, ók wahatirihwané꞉rake tsi nokwáh ne shatiawenráhsera, tó꞉ka ne rónkwe thóh nenhá꞉iere kwáh kíʼ thóh nón꞉we nenhatonhnhathénti. Wahonswaté꞉ni tánon wahontenontsistaní꞉rahte tánon kwáh iáh teonatahonsatáhton.

Psalms 81:13

Ó tsi nikaská꞉neks nakonkwetaʼshón꞉has nahionkatahónsathaʼte, nètho nʼIsraerʼró꞉nons nahionkewénhnaraʼkwe!

Jeremiah 13:10

Ki ronnonhkwetaʼhétkens iáh tehonatʼthontáton nahionkathahonsahtátonke. Shé꞉kon éhthoh nihotinonhtsistahníron ó꞉ni ronhnonkwetaʼhétken tsi nitiothónʼne, tánon konhwathisénnaien ó꞉ni tekonhwathiriwásnieʼse ne óiah niʼiohokón꞉a. Kwáh káti, éhthoh nenhothiʼiátawen tsi ní꞉ioht kí꞉ken niwaniatarésah ne ne kwáh iáh othènen tehtioiánere.

Jeremiah 13:11

Kwáh tsi ní꞉ioht ne kén niʼwaniataréhsah tsi nihioienawáhkon ne rashionhontáhke, káti ne wakéron nonhkwetahkwékon ne Israel ó꞉ni ne Judah ahionníronhke tsi ahionkhatienawáston. Thóh kíʼ niwahtiéren ne káti ne í꞉i akonhkwetaʼshón꞉a akénhake tánon tenhionkenonhwerahtónsehke ó꞉ni tenhkonhwahrénsaron naksénna; ók iáh tehionkewenhnaráhkwen,”

Jeremiah 15:6

Íseh ne tiónkwe tahkwahkenronníhon; waskwahtswahthénien. Káti hiatkanénhstste tánon watkwahskwáhsehron tioríwa tsi wattetkwisénheʼie tsi niwahkathatienahwákon tsi niwahkenahkwénhʼen.

Jeremiah 16:12

Ók káti sénha i꞉se wahétken tsi nisehwatiéren tsi ní꞉ioht ne ietʼtsisotʼthonkonkénʼen. Kwáh sehwakwékon tsi sewaʼnontsisthaníron tionkwetahétken, tánon iáh teskwahwenhnaráhkwah.

Jeremiah 17:23

Ne shaʼkothisotʼthonkonhkénʼen iáh tehionkathahonshatáton iáh ó꞉ni thènen karíhwa tehonnónhni. Khèkok, wahontenontsisthanírahʼthe; iáh tehionkathahonshatáton iáh ó꞉ni thènen tehothiweienthetáhon nakonháke.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

Jeremiah 18:10

ók ethónʼne nètho ónkwe iáh tehionkewenhnaráhkwen tánon kariwáksen tsi nahontiéreh, iáh kíʼ eh thatiéreh tsi niwáhken.

Jeremiah 18:12

Tsi tenhatiʼriwahsehráko, ‘Iáh, nonhtiéren tsi éhthoh nahiakwáhiereh? Kwáh iakwahkwékon thóh nienhióton tsi enhionkwahnonhtsistaníronʼke ó꞉ni enhiatsionkwetakʼsénhake tsi nentsiakwanónhwehne.’”

Jeremiah 2:27

Kwáh sewahkwékonh tsi enietʼtsihiatéhate—tsi nítion ne sehwáhton nètho karónta né tsi sehwahníha í꞉ken tánon nètho onénhia né ietsinisténha í꞉ken. Thóh kíʼ nenhiáwenhʼne tioríwa tsi tahkwahtʼtwasteniénhni tsi ní꞉ioht ne íh nòkwah nahontésehwe. Ók nónenh thènenh tesehwahnikónhrahre, enskwahriwahnónhtonse nahónthake nakwasniénonh.

Jeremiah 22:21

Ne Roiá꞉ner wahiathárahse ne shiʼshahianerasténni, ók iáh tesatʼthontáhton nahishaʼthahonsahtátonʼke. Kwáh éhtho nishiérahkwe tsi náhe shiʼshónʼne; kwáh iáh nonhwénton tahʼtsiatahónshaʼthaʼte ne Roiá꞉ner.

Jeremiah 23:17

Tsi nòkwah ne onhkweshón꞉a ne iáh tehonatʼthontháton ahonaʼthahonsahtátonʼke tsi nahó꞉ten wáhken, kwáh nék khók rónton kwáh akwékon tsienhioianeréhaʼke ne rahotiʼrihwáhke. Tánon onhkwetaʼkwékon tieshaʼkotiró꞉ris né iakononhtsistahníron nètho kariwahiesáhtshera tsi iáh nonhwénhton kén tsiahiakóhiereh.”

Jeremiah 3:13

Nek khók sehrihwahnírat tsi sahníhkon tánon iáh thetiewenhnahráhkwen ne Roiá꞉ner sahNí꞉io. Sehrihwahnírat kwáh tsi niatekahrónthake ne áse nikahrontó꞉ten thisakʼkáhwenh ne sahnoronkwáhtshera tsi nòkwah ne káhnionk ní꞉ios ó꞉ni iáh tesahthewenhnahráhkwen nahkwatsiawenhrátsheras. Í꞉ih, ne Watiá꞉ner, wahkatháti.

Jeremiah 3:17

Nónenh nètho ienkáhewe, Jerusalem ne enkonhwahnahthónkwahke ‘Né ne Roiá꞉ner raonitskwáhra,’ tánon onhkwetahkwékon thóhʼnónhwe nenhonteró꞉rohke nahiontsénnaien. Thaʼnonhʼiahónenh éhtho tahonshahatiʼiéren ne tsi nihonerhiasahnírons ó꞉ni ronnerhiasátʼsens tsi nihiakoró꞉ris ne ronnerhiáne.

Jeremiah 32:23

Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Jeremiah 32:33

Wahonkatswahthénien; ethosáne iewatkonhtáhkwen kherihonniénni, iáh kíʼ tahontahónsahthaʼte ó꞉ni nahatiʼweienthéthaʼne.

Jeremiah 35:15

Iewakʼkhonthákwenh ieʼkhehiathó꞉res tionháke nahkhenhátsheras ne rothitó꞉kenʼse, tánon ietʼtsiró꞉ri naʼisehwahtiakwahríshi tsi niʼsehwahweienʼnáksens tánon ne sehwahióhten ne tkariwahiéri. Ietʼtsiretiarónhon ne tó꞉sa aietʼtsisénhnaien ne thiʼkaniʼioserahténions, ne ne iaʼisehwahkónthaʼkwe thóh nónhwe naʼisehwenhterónthaʼke tsi ionhwénhtsaien ne tkwáhwi ó꞉ni ne ietʼtsisotʼthonkonkénʼen. Ók kíʼ iáh teʼskwahthahonsahtáton iáh ó꞉ni karíhwah tetionníhon.

Jeremiah 6:16

Ne Roiá꞉ner washakawénhase ne rahonkwetaʼshón꞉a: “Tsi thetsiathahásehre iatesehwáhtanh tánon tesehwatʼkathónnionf. Sehwahrihwanónhton ne ohahakáhion tánon kanónhwe ne kwáh tsiohahí꞉io. Thóh nónhwe nashaténti, tánon skénnen tsi enshón꞉nheke.” Ok wahonhní꞉ron, “Iáh, kwáh iáh thahiakwatónhtate!”

Jeremiah 7:26

Ethohʼsáne iáh ónhka tehiakotahonsaʼtháton tó꞉ka ó꞉ni kariwahahonónhnike. Khé꞉kenk, onenhsénha weshanonhtsistaníronhʼne wahshaterihiosehrahnónhweʼne tsi ní꞉ioht ne séh sotʼthonkonkénʼen.

Jeremiah 8:5

Nonhtséren káti, akonhkwetahshón꞉a, tsi tahkwatʼkarahthénion tánon kwáh iáh thathiʼtisehwákthons? Ietʼtsihiatienawásthon ne sehwahiatónʼnis tánon iáh tesehwatʼthóntats ne Í꞉i nòkwah nathahontésehwe.

Jeremiah 9:14

Khékok, ronahtenontsistahniʼráton tánon konwahthiʼsénnaien ne kahiatonnishón꞉a ne Baal ne tsi nihonwatirihonniénni ne sahkothisotthokonkénʼen.

Ezekiel 20:13

Ók ki shé꞉kon ki ó꞉ni ne kahentakekowa wahontsenhnaksate. Wathá꞉tihiake natianerensehras tánon wahatikenron nakeriwahtátʼtsheras, né꞉ne tkáhas natónhnhets nónhka enhiontewénhnarahkwe. Kwáh í꞉ken tsi iáh tehotikweniénston nawenhtatokéntike. Kwáh wakathateweiennenhtáhonʼne nahóntʼtoʼke ne kashastsʼtenseranánon nakenahkwáhtshera thóh ne kahentakekówa tánon akhehiathónton.

Ezekiel 20:16

Wakaráhratsʼte tioríhwa tsi wahatikénronh nakeriwahtátʼtsheras, wathatíhiake natianerénhsehras, ó꞉ni wahathihétkente nawenhtatokénhtike—ne tahathiráhko né akonhwathisénhnhaien ne kahiatonhnisónhas.

Ezekiel 20:21

“Ók nètho ratinekwenhsathá꞉tse kwáh nònhne ionhtsenhnaksáton. Tehothihiákon natianerénsehra ó꞉ni nakeriwahtátʼtsheras, tsi nitkáhas natónnhets nónhka nenhkonhwathiwénhnarahkwe. Rothihetkénton nawenhthatokenhtíke. Wakatatewehienhnenhtáhonhne nahóntʼtoke ne kwáh kashastsʼtenseranáhnon nakenahkwáhtshera thóh nónhwe ne kahentakekówahʼne tánon ratikwékon akhenonhwahrhiákonʼke.

Ezekiel 20:8

Ók wahontsenhnáksaʼte tánon iáh tehonatʼthontáton nahionkatahonsathá꞉thonke. Iáh íhse tiehonáhtion ne ioteriwahtéhas rahotihiatonhnisónhas iáh ó꞉ni tekonhwanatiakwahríshon ne Egypt kahiatonhnisónhas. Waʼkatateweienhnenhtáhonhne nahontʼtó꞉ke ne kwáh kashastsʼtenserahnáhnon nakenhakwáhtshera thóh nónhwe ne Egypt.

Daniel 9:6

Iáh teiakhiiatahonhsatá꞉ton ne sanhaʼtsheraʼó꞉kons ne rotitokenhséhahkwe, sahsén꞉nakon tsi tehatihthárhahkwe ne ionkhinontí꞉ioskwe, ó꞉ni ne ratikó꞉ras iakhishotonkonkénhens, tánon akwé꞉kon ne ón꞉kwe nʼetho nón꞉we niʼienákere.

Hosea 10:6

Né꞉tho kwáh Assyria nón꞉we nienhatihá꞉we ne enhonwakarhiákthen ne ronnontí꞉io. Ne Ephraim kwáh enwatéhen, tánon Nisrael kwáh enwathéhen nahohiatón꞉ni entkarihón꞉ni.

Hosea 4:16

Kwáh tsi nihionontsistaní꞉ron ne tionhnónskwaron owí꞉ra, né Israel kwáh se ionontsistaní꞉ron; ahakwé꞉ni ken ne Roiá꞉ner ó꞉nen asakonónte tsi ní꞉ioht ne teiotinakarontón꞉as ne watenhenrowá꞉nenhne kontì꞉teron?

Micah 6:16

Asè꞉ken ne sateweiénton ne raoianerénhseras ne Omri tánon akwé꞉kon tsi nikahiothenseróhthens ne raonónskon káien ne Ahab, iaskóntakwe ne waʼtsere tsi nihatiweienó꞉tens. Né kíʼ aorì꞉wa kwáh kíʼ karihwaieshá꞉tshera enkonionniáte, tánon ne skátne sewanákeres ne enhieshón꞉niate taiesahtienhónhase; káti í꞉se ensatkéthate ne kakenronhniá꞉tshera nakonkweʼtashón꞉as raotirihwà꞉ke.

Zechariah 7:11

“Ók nakonkweʼtahshón꞉ʼa kwáh wahontenonhtsistatʼshá꞉te iáh tehonatʼthontháton nahonthahonshá꞉thate. Wahonteʼnikonrahnhó꞉ton

Deuteronomy 29:19

Kwáh iorihwihióhak iáh ónhka ne kén꞉en í꞉iete nón꞉wa wenhniserá꞉te ne iakoʼthón꞉te kí꞉ken karihwanirà꞉tsheras kariwatà꞉tsheras tánon ki shé꞉kon ahathateʼnikonhraní꞉rate tsi akwé꞉kon tienhiohiánereʼke ne rahonhà꞉ke, iawerohátien tsi tiehotenonhtsistaní꞉raton raónha tahathatenóntonhse. Né꞉tho kwáh sewakwé꞉kon ensewahiatáton, thóh nahioianeréhake tó꞉ka ó꞉ni ahonhetkénthake.