Jeremiah 7:19 - Ohiatonhseratokénti

¹⁹ Ók Í꞉i onhtèken ne kwáh ahiontʼkahrewahthe? Iáh, ronónhak khók rontatkarewáhtha ó꞉ni ronthatehátha.

Jeremiah 7:19 ပူးပေါင်းရင်းမြစ်များ

Ezra 9:7

Ne tsi thonatenhniserathénionskwe niakisoʼthonkonhkén꞉en tsi nió꞉re nón꞉wa, nonhkwahtiákes, ne shonkweʼtashón꞉as, kwáh í꞉ken tsi iorihowá꞉nen ionkwarihwanerahátskons. Ne tiorì꞉wa nonhwarihwaneraháktsheras nonhkwahtiákes, nonhkwahnonhtiiótsheras, tánon nonhkwahtsihénsthatsis thóh iahatihiathénhne ratisnónhke ne tihononhontsá꞉tes ronhtinonhtí꞉ios, tánon wahonkhihiawénhtho, wahonkhineskwenhá꞉ton, tánon iahonkhihiaʼthénhawe nahionhkhinhotónhnion. Kwáh thakarohrókʼthe tsi wahonhkhihiateháthe, tánon shé꞉kon ki thóh ní꞉ioht nón꞉wa wenhniserá꞉te.

Job Tánon ne Raoronhiakensera 35:6

Tó꞉ka sariwanerahátskon, nahó꞉ten ne ahostéthe ne rahonhà꞉ke? Tánon ne sateriwatewatónhtsera iawehtowá꞉nen, onhnenhné꞉eh kí nihiawenhs ne raónha?

Isaiah 1:20

Ók tó꞉ka ensaterahiátaʼkwe tánon enskatkónten, kwáh kí asarekówa ensanonwaríhakon; asèken ne Roiá꞉ner rotatíhon.

Isaiah 1:24

Né Ká꞉ti aoríhwa rá꞉ton ne roʼshatstenhserowánen ne Sakoiá꞉ner ne ratiʼronhiakeró꞉nons, ne rahonhaha tashatstekówa ne Israerʼronónke: Ók, kwáh kí entkáweron nakenakwáhtshera rononháke ne ióntsions, tánon kwáh Í꞉i enkheronʼhiákente ne iónkʼshons!

Isaiah 45:16

Ratikwé꞉kon tsi enhonwanatéhaʼte tánon tehonanitonniénhni, ne ratiʼiatonhniserón꞉nis teonanitonhniénhni tsehatiʼkwékon.

Jeremiah 15:9

Ne kanisténsera ne tsáta niháti wahakóthonse ne ronwatihiohokónha wahakonikonhráhthon, ionthonrhiótha. Nakawenhnísera né iatewakkarahténi ne tetiókaras; kwáh íken tsi iakotehénʼen tánon iakawehrhiashaʼnónhwaks. Enkheríhon ne tesehwatátʼtions naʼiettsinonhwahrhiákon tsi nítion né shé꞉kon tiónnhe. Í꞉i, ne Watiá꞉ner, wakatáti.”

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Jeremiah 22:22

Ne ietʼtsihéntenʼse tsi ioweráhre ienhiakohiaténhaʼwe, ne tisehwatenróh꞉honʼne ne ronteríʼioskwe ronwahtíʼienʼne tánon ronwahthinhóton, ne sehwanáthakons iothehénʼen tánon konwahtehénston tioríhwah ne tsi nihioriwáhke ne kariwahétken shaʼhioténʼen.

Jeremiah 25:7

Ók kwáh rahónʼa ne Roiá꞉ner ráton tsi iáh tesehwathontháton naʼtsisehwathaonsahʼtáthonke. Khèkok, sewaʼhiathonnisónhas né wahtsisehwahnakónhniaʼthe tánon wesehwatattiáhaʼse taháhaʼwe ne raonhakwáhtshera ne tionháke.

Jeremiah 3:25

Tehiothonwenhtióhon ahthehensehráhkonh ahiakwahtsiatiónnithe tánon nonhkwahtehénsehrah tsionkwahró꞉rot. Í꞉i tánon ne hiakisotʼthonkonhkénʼen kwáh tiotʼkonhónwe tsi iakwahrihwahnerahákskwe tsi nòkwah ne Roiá꞉ner onhkwahʼNí꞉io; kwáh iáh nonhwénhton tehionkwahtewenhnahráhkwen ne rahotsiawenhrahtiérahs.”

Jeremiah 44:3

tsioríhwah nahonkwetahshón꞉a kariwáksen tsi nihonahtiérenh tánon wahonkenhakónhni. Wakonhwahtíʼtatʼtse ne kaienhkwaráhkon ne ó꞉ia niʼiohokónha tánon wahkonhwatisénhnaien ne ne ronhnónha tánon níse tánon ne ietʼtsisotthonkonhkénʼen iáh nonhwénhton tehʼietʼtsisénhnahien.

Jeremiah 8:19

Sahtahonshá꞉tat! Ohontsiakwékon Wakatʼthónte nakonhkwetahshón꞉ʼa tiatenhonséntʼtho, “Ne Roiá꞉ner iáh kén ónenh Zion tèsres? Ne Zion ahonnonhtí꞉io iáh kén ónenh thóh tèsres?” Ne Roiá꞉ner, ronwanonhtí꞉io, wathariwahsehráko, “Onh nonhtiéren tsi waskenakónhni ne tsi wasehsénnaien ne sahiatonnishón꞉a tánon ne tsi watesehʼhiatentʼtsóthaʼse ne iáh othènenh tehatiriwásthas niʼiohʼokónhas?”

Jeremiah 9:19

Sehwathahónsahtat tsi natetionséntʼthos ne Zion: “Kwáh ionkwahriwaʼieríton! Kwáh thohkénʼen tsi ionkwahtehénʼen! Ónenk tsi éhren enthéweʼte nontionwenhtsáke; tsi tehwenterónthon kanonhsahrishiónkwen.”

Ezekiel 16:26

Wahsehríhon ne iáh tehonahtehenseráhien tesewanonhsanekʼkhánions, ne꞉ne Egyptians nahatihiató꞉tens, ne skátʼke ahisehwáhrahthe, tánon né wáshastsʼte tsi sariwahiathatónhon naskenahkónhnon.

1 Corinthians 10:22

Kahtònʼken ítewehre atsitewahtekéfʼfathe ne Roiá꞉ner? Ítewehre kén sénha í꞉i tewahshásthe tsi ní꞉ioht ne rahónʼa?

Deuteronomy 32:16

Ne rahotihiatonhniʼshón꞉as wakarihón꞉ni ne Roiá꞉ner tsi wahathekéfa; ne kariwahétkens tsi nihonatieránion wahonakonhniáthe.