Jeremiah 7:12 - Ohiatonhseratokénti

¹² Shiloh niaháse, né꞉ne tiotierenthákwen wahkeráhkwen tsi nónhwe nahiontsennaienthákwake, tánon satkátho tsi niwahtiéren ne tioríhwa tsi nihotiriwáhneren nahkonkwetahshón꞉a Israerʼró꞉nons

Jeremiah 7:12 ပူးပေါင်းရင်းမြစ်များ

1 Kings 9:7

ethòne kíʼ é꞉ren ensekhehiathenháwiʼte nonhkweshón꞉as Israerʼró꞉nons ne tsi ionhontsáien né tekhehiáwi. Kwáh ó꞉ni enkatewénhtheʼte kí꞉ken Ononsatokentiʼkówa né wakenonsatokentíston né꞉ne tsi nónhwe nahiontsenhnaienthákwahke. Kwáh tsikʼnónhwe nonhkweshón꞉as tsi thenhonwatiʼierónhseke Nisraerʼró꞉nonke tánon tsi nenhkonhwaiéraʼse iáh taʼhonsakonhwakweniénsthaʼke.

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Jeremiah 7:14

Onhkati, nahtiérahse ne Shiloh kwáh kíʼ éhtho nenhtiérahse nakenonhsatokénti, tsi ne nisehniahésen. Kén kíʼ nónhwe niwahtenáhthaien tetkhehiáwi ne shasótʼtshera tánon ní꞉se, kwáh ne sáka tsi ehʼnénhtiere tsi nitiérahse ne Shiloh.

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:5

Thóh tsi kanakerahserá꞉ien kanenrahkwé꞉kon ne sewentióhkwa ne Roiá꞉ner énska natenátha enharáhko tsi nón꞉we nonhkweshón꞉as nahontahón꞉ne tsi nón꞉we nenhenʼterón꞉take nahonwasénhnaien.

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Joshua 18:10

Ne Joshua wahawastotión꞉ko nahorihwaiénhase ne Roiá꞉ner ne rahothirihwà꞉ke, tánon nahonthasaká꞉wen ne ronathatén꞉rons ne kentióhkwas ne Israerʼró꞉nonhke ne kathokenstánions nonhóntsas.

Judges 18:31

Ne Micah rahohiatónhni thóh nónhwe nikaiénthakwe kwáh tsi nikaríhwes thóh nónhwe niwatohsehróthaʼkwe tsi nónhwe ne Rawenni꞉io nihonwasenhnaienthákwahkwe thóh nónwe nikaiéntakwe né꞉ne Shiloh nónhwe.

1 Samuel 1:3

Nón꞉wa kí꞉ken rón꞉kwe tshiaʼteiohserá꞉ke raoná꞉takon enthaténti ne nahosennaʼiénhna tánon katshénen enhoteskóntaʼse ne Sakoiá꞉ner ratironhiakeró꞉nons thóh nón꞉we Shiloh, tsi thóh nón꞉we ne teniiáhse Eli sakohioʼokónahs, ne ne Hophni tánon Phinehas, ne ne Roiá꞉ner raoʼtsihénstaʼtsis.

1 Samuel 4:22

Waʼkénron, “Ne kaiatanerakwáhtshera éh꞉ren iawé꞉ton Nisraeronónke, asèken ne raoneró꞉kwa ne Ní꞉io tsi konwaié꞉nen.”