Jeremiah 7:10 - Ohiatonhseratokénti

¹⁰ Né et nishé꞉rah tsi nahó꞉tens ne íksons, ó꞉ni táhse akʼkénton wahtésthaʼne, ne kwáh í꞉i akenonhsatokentíke, tánon sáton, ‘Ionkwaniakénʼen!’

Jeremiah 7:10 ပူးပေါင်းရင်းမြစ်များ

1 Kings 9:3

Né Roiá꞉ner wahawénhase, “Honkatʼthóntene ne saterénhnaient. Wakenonhsatokentíste kí꞉ken Ononsatokentikówa tsi nónhwe nenhionksenhnaienthákwahke né꞉ne tsi nénhwe enkénhake. Kwáh káti enkathenhnikonhráren tánon tiókonte tsi entké꞉ne.

2 Kings 21:4

Waʼronniáʼnion ne kaiatonnishón꞉as aonáwenʼk ietienharákwahs nononsatokentiʼkówaʼne kanónskon, né꞉ne éhtho nón꞉we ne Roiá꞉ner ráwen nahonwaʼsennaienthákwahke.

2 Chronicles 33:4

Waʼhatiatonhnisheronhniánion né꞉ne ahatisenhnaienhthákwahke né kanóns꞉kon Nononsatokentiʼkówaʼne, né tsi nón꞉we ne Roiá꞉ner ráʼwenh tsi thóh nón꞉we ahó꞉wenk nenhonwasenhnaiéntakwahke ne tsi nénhwe enkénhake.

2 Chronicles 33:7

Tánon kahiatónhni kahiátare waʼharahnénhtatʼte né kanónskon Nononsatokentiʼkówaʼne, né꞉ne tsi nón꞉we ne Roiá꞉ner rohró꞉ri ne Táwit roiénha Solomon: “Kénʼen kí꞉ken Jerusalem nón꞉we, kénʼen Nononsatokentiʼkówaʼne, nón꞉we niwakeráhkwen né tsi niwatenáskwah ne tekeniʼiawénhre nihotitárahke Nisraeʼró꞉nonke tsi nón꞉we nenhiontsenhnaiénhsehke.

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Isaiah 48:2

Asèken né rontatenatón꞉kwah tsi niʼiosenhnó꞉ten ne ionatatokénti, tánon ne ronwaniahésen ne sakoʼNí꞉io NʼIsraerʼronónke; né Sakoiá꞉ner ne ratiʼronhiakeró꞉nons né꞉ne raosénhna í꞉ken.

Jeremiah 32:34

Iehióhe iehotí꞉ien ne ioterihwahtéhas kahiatonnisónhas Nononhsatokentiʼkówahne né꞉ne kanonhsonniáton nahionksennaʼiénsehke, tánon wahtatítionsʼthe.

Jeremiah 34:15

Kwáh tó꞉karah nónhta tsi náhe thonsehʼsewaʼtheriwahthénien tánon thóh nesehwáhiereh nahó꞉ten nahonkerientí꞉io. Sehwahkwékon iaʼthisehwahriwahiénthaʼse kwáh ratikwékon ne Israerʼró꞉non tsi ahonsahietʼtsihiákhaʼwe, tánon akkénton tsi wesehwahtheriwahsehrónni, thóh Ononhsatokentiʼkowáhnen tsi nónhwe nihionkʼsennaientákwah.

Jeremiah 44:9

Tsi shaʼnikonhrénhenke kén akwékon ne kariwahétkens tsi nihiawénhsehron ne tsi kanahtaiéntons ne Judah tánon ó꞉ni ne tsi tekanatokénsehron ne Jerusalem ne ne sehsotʼthonkonhkénʼen eh nihotihiéren, tánon ne rontinonhtí꞉ios ne Judah tánon ne ronhtatʼrohnahashón꞉a, tánon níse ó꞉ni ne sehwahniákʼkhons?

Jeremiah 7:11

Ísehre onhtèken nakenonhsatokentíke thóh nónhwe nihonthasehtákwah ne ratinénhskwas? Wakatʼkátho tsi nisahtiérah.

Jeremiah 7:14

Onhkati, nahtiérahse ne Shiloh kwáh kíʼ éhtho nenhtiérahse nakenonhsatokénti, tsi ne nisehniahésen. Kén kíʼ nónhwe niwahtenáhthaien tetkhehiáwi ne shasótʼtshera tánon ní꞉se, kwáh ne sáka tsi ehʼnénhtiere tsi nitiérahse ne Shiloh.

Jeremiah 7:30

“Nonhkweshón꞉a ne Judah nónhwe kariwahétken tsi nihonahtiéren. Hiehothí꞉ien ne kahiatonnisónhas, né íksons, nakenonhsatokentíʼke tánon wahthathítionste.

Ezekiel 20:39

Ne Ronhnontí꞉io Roiá꞉ner ráton, “Tánon nónhwa, sehwahkwékon kíʼ Israerʼró꞉nons, Tó꞉ka thóh nisewaskanekseró꞉ten! Wáhs kíʼ ietʼtsihiótens ne sewahiatonhnishónhas! Ók kíʼ wahkwahronhkáten nónhwa kénʼen ienwatásahwenh tó꞉ka iáh taskwahwénhnarahkwe; ók kíʼ naksenhnatokénti iáh shé꞉kon nonhwénhton tahonsehsewahsenhnaiésate ne tsi iaietʼtsítaʼtshe ne sewahiatonhnisónhas.

Ezekiel 23:29

Tánon tsioríwa tsi ieshá꞉shons, akwékon ienhatíhawe tsi nahoténsonhs sahioténhʼen tánon enhiesahnokʼsthónhni, enhiesahiatotáshi tsi ní꞉ioht ne iohiathathónhon. Saskanékʼtshera tánon tsi sariwahiathathónhon

Ezekiel 23:37

Ionahtenahkwahiesáhton tánon iakonahséhton—kanahkwahiesáhtshera skátʼke ne kahiatónhnis tánon iakonahséhton ne ratiksahokónhas ne ionkenahkeratsʼténhni. Iakonahtiaʼtatsaháton ne kheienhokónha rahotihénton ne kahiatónhnis.

Ezekiel 23:39

Kwáh né sahennísehra iakotinonhwahrhiákon ne kheʼienhokónha tsi iakonahtsatatʼtsaháton rahotihénton ne kahiatónhnis, akenonsatokentikóhwahne nonhtáhke tánon wakʼkenitsiónhte!

Ezekiel 33:25

“Sehró꞉ri tsi nahó꞉ten ne Í꞉i, ne Wakenonhtí꞉io Watiá꞉ner katónhnions: Sehwahwáhrahs né shé꞉kon nihiotenekwénhsa. Kahiatonhnisónhas sehwahsénhnaiens. Iettsihiaséhtha. Onh ní꞉ioht tsi ísewere nohóntsa tsi í꞉se sehwáhwenhk?

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

Ezekiel 5:11

“Tsi nihioriwihiohónwe tsi kónnhe, ráton ne Ronhnontiio Roiá꞉ner, Kwáh tohʼkénʼen tsi enkonhiák꞉se. Iáh othènen thakonhienésten nataniténron tioríhwa tsi naʼtesenhtsiónston Nakenonsatokentiʼkówa tsi nishatieráhnion ne kariwahétkens, tánon ne iáh tehiotkwéniens.

Daniel 9:18

Takwatahónhsatat, O Sewenní꞉io; takwakenʼén꞉ion ó꞉ni satkáhtho tsi natekanikónrhare tsi non níiakwe tánon tsi niiotkenhrenserón꞉ni ne kanatowá꞉nen ne saná꞉ta. Iséʼke nón꞉we niionkwaterénnaien ne tsi sanitenráhtskon, iáh né té꞉ken tó꞉ka ken ne tsi ionkwatonkweʼtakwaríhshon.

Hosea 6:9

Tsi ní꞉ioht ne ratitnénskwas ratihiatakerón꞉ton rotiráhre nónhkak iatasakonanitiónhkwakwe, káti ne ratitsihénstatsis wahonhnitsiokón꞉ni; wasakonashetánion tsi niehiothahí꞉non ne Shechem, thahotirihóse tehiotenonhianí꞉ton tsi nonsahonterihwatewathánion.

Amos 4:5

táshaf tsi naʼtenhsatenonhwerá꞉ton ne iottenʼkwá꞉on kaná꞉taro, tánon sathró꞉ri tsi kwáh thóh nisaʼnikonhró꞉ten tsi táhshieste, tesataterènhsaron; asè꞉ken thóh ní꞉ioht tsi senón꞉wes, O tsón꞉kwe NʼIsraelronón꞉ke! rá꞉ton ne Roiá꞉ner Rawenni꞉io.

Zephaniah 1:5

tsi niiákon thenhiontsákete ne tsi karonhkwenáhere raotihénton ne ratironhiakerononókons; tánon tsi nihiákon thenhiontsákete tánon enhonwarihwanirát꞉tse ne Roiá꞉ner, ók ethosà꞉ne ronhwariwaniráti ne raotiní꞉io Milcom;

Malachi 3:15

Ó꞉nen nón꞉wa tho iethiʼianontónnionf ne rontatkowanáhtha tsi nihonateraʼswí꞉io; ne karihwahetkénhtshera tsi nihontiéhrha iáh nek khok tsi rotiianerahstén꞉nis, ók nó꞉nen Rawenni꞉io enhonwatenniéhthaʼse iáh oh thé꞉non teiotiiá꞉tawenhs.”

Matthew 23:13

Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.

John 13:18

Iah ki tanon tiiekȣakȣekta, aseken kheienteri ki nonka kheiatarakȣen; Nok ki tanon iatekakonte tsi enkahnane tsinikaiaton, tsi ȣaton; nehne teiakiatonsts ȣahakatkarhateni.

John 18:28

Satontahonȣaiatinekenȣe ne Iesos ne Caïphke, tsi teieiatoretakȣa niionsahonȣasarine (onen siiorhonkene nonkatikȣen), iah tanon tiiehonataȣeiaton tsi teieiatoretakȣa, ne neh tosa ahotinnhistakȣe, senha ok oni anatiȣarake ne Teiotinakarontonha Oȣira Shotonnhestston.