Jeremiah 6:29 - Ohiatonhseratokénti

²⁹ Ne karisthatsi kwáh íken tsi watharihatha, ók ne kahiase karisthatsis iáh tekawistahnahwenhtha iáh ó꞉ni tahtekanahwenhtha. Kwáh iáh othènen tekariwastha nahonsahkhekwatahko nakonkwetahshón꞉ʼa, tsioríhwa tsi nikáien ne ronnonhkwetahetkens iáh éhren tehonwathihiatenhawitha.

Jeremiah 6:29 ပူးပေါင်းရင်းမြစ်များ

Proverbs 17:3

Ohwistanó꞉ron tánon kahwistarà꞉ken tsi iotékha teionatohétston, nok nón꞉kwe akawé꞉ri Roiá꞉ner ne nen né꞉ʼe tenhaiaʼtó꞉rehte.

Isaiah 49:4

Ók wakí꞉ron, “Tsi watioténʼén wakathaʼteronhiakénton, Wakatieshá꞉ton naʼkeshatsʼténhsera né iáh othènon tekarihwástha tánon iáh thènen teioríhonte; eʼthohʼsàne orihwiʼiohónwe naʼkerihwashón꞉has tsi Roiá꞉ner nón꞉we nikáien, tánon tsi nahiontiéritʼtse Rawenní꞉ioke né nón꞉we nikáien.”

Jeremiah 15:19

Ne kíh kí꞉ken ne Roiá꞉ner wathariwahsehráko, “Tó꞉ka tentèseh, enskonhiéna, tánon shé꞉kon ensestiótenseh. Tó꞉ka tsi ní꞉ioht ne iáh othenènenh tekariwástha tsi ahishátharahke wahsatró꞉ri ne ioríhonthe ateriwahnhotátshera, íseh shé꞉kon ne akonhkwétah enkénhake ne rotó꞉kense. Nonhkweshón꞉a isèhke nienshón꞉ne, tánon iáh thaʼtehiothonhontsióhon níse rononháke niahonshá꞉se.

Jeremiah 9:7

Né ki aoríhwa ne Roiá꞉ner Roshastsʼtenserowá꞉nen ráton, “Ensehkhekwahtháko nakonhkwetashón꞉ʼa tsi ní꞉ioht ne karísthatsi tánon enkhehiatheniénten. Nahkonhkwetashón꞉a kariwáksen tsi nihonahtiéren— onnaʼoten noia niiot tsi naonsakeiatierase?

Ezekiel 24:12

ethosáne akwékon thí꞉ken ioskenrátsens kwáh iáh eh thahónton ne tsi iothònkhote.

Ezekiel 24:13

Jerusalem, tsi natehiótsion tsi niseweienʼnhótens ne teshahiathatsiónton. Ethosáne wahkatheniénten ne ahonsakonhionʼnahserónhni, iaskónhtakwe wateshathatsathátsionte. Iáh shé꞉kon tahonshasatsiató꞉hare tsi nióre iensátʼtoke ne kwáh kashastsʼtenserahnáhnon nakenahkwáhtshera.

Hosea 11:7

Nakonkweʼtashón꞉as tehonatsiatonháties tsi nihonatekwenháties nakonhà꞉ke. Né꞉ne kwáh è꞉neken tókte iehonwanatónhnions, ók kwáh ki iáh tesakowisarakwénhnis.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

1 Tiér 4:12

Tekanórons tewatenrosónhas, tóhsa kiʼsewaneráko tsi nihiononwakthetseratʼtsáni tensewathóhetste tsi nisewaronhiáken, kwáh thóh nahiothónhake tsi síken ní꞉ioht ne kwáh knahótenk ó꞉ia ní꞉ioht tsi nisewahiátawens.

Judges 17:4

Ethòne kíʼ ónenh thontashakáwen nowísta ne rohnisténha. Tékeni tewenhniáwe nikawístakes iahé꞉haʼwe tánon rawistónhni tahónhion, kahiatónhni waʼrónhniate, oienhtháke wahakaratháko tánon kawistaráken waharórokste. Tánon Micah rahonónskon iahá꞉ien.