Jeremiah 6:26 - Ohiatonhseratokénti

²⁶ Ne Roiá꞉ner washá; kawenhase ne rahonkwetashón꞉ʼa, “Kahiare sehwatʼtseronniat tánon okenrahke sehwatʼkarhateniat. Sehwatʼtionnion kwáh kahkasehró꞉wahnenh tesehwasentʼtho thóh nahiothon tsi shiken ní꞉ioht ne enskat khók iakowiraienthakwe, tsioríhwa nonhka tahre nahiathonte tentsiawenhtsi ienhiatiathonti.

Jeremiah 6:26 ပူးပေါင်းရင်းမြစ်များ

Genesis 21:16

Eʼthó꞉ne í꞉siʼ niió꞉re niaháhe tánon thóh iahóntien, tóka꞉ʼa tsi nikaʼshén꞉nehs naʼén꞉na niió꞉re; asèkenh waʼkén꞉ron, “Tóhsa takeríhon nahí꞉ken né raksá꞉a ahrénheie.” Tánon tsi thóh kèntskote iowèn꞉te tsi ní꞉ioht tsi waʼtewahsénthoh.

Job Tánon ne Raoronhiakensera 15:21

Kateronhkwáhtseras rothónte ne rahontakónshons; nó꞉nen ne kwáh roianerastén꞉ni ne sakotón꞉tha enhohiató꞉renhne.

Job Tánon ne Raoronhiakensera 2:8

Ne Job wát꞉rakwe ne tehiotsetaríhon otá꞉ra ne nahakétakwe rahiá꞉take, tánon thóh tahanitskwáhre ne wakenrontákwen.

Isaiah 22:12

Né thóh entewenniseráteke ne Sakoiá꞉ner ne ronterí꞉ios ratironhiakeró꞉nons iasakonónkkon ne teionhséntʼthos tánon ne ronaktiónhnions, ahiʼsewathatenónkare tánon káiare ahisewatʼtserónhniaʼte;

Isaiah 22:4

Èthoh káti wakíron: takatharónhtsens, takeríhon nahontkaserowáhnah; tó꞉sa sateniénten naskenikonrahníraʼte ne rahonatkaronhniátshera ne khenoronhkwahkó꞉wa akonkwetaʼshónha.

Isaiah 3:24

Tsi ní꞉ioht ne ionhtshaʼtakonhonstákwah akónste, kwáh kíʼ enkonhtí꞉iatakerashé꞉ke; tánon tsi ní꞉ioht ne káneks, aserí꞉ie; tanon tsi ní꞉ioht ne kwáh ahiotikotsiʼiósehke, onahónsta íken; tanon tsi ní꞉ioht ne kwáh kanóron wakóses, tekakʼkhánion tsi kanítkhon káiare; tsi ní꞉ioht ne ioràse akénhake, atehénhsera í꞉ken.

Isaiah 30:13

Né káti aoríhwa kí꞉ken kaní꞉kon kwáh ne enkárhaʼne ne shonhàke kwáh né꞉ne tehiosonhtaríhon ne tsiotasonhtáte, iotakwarón꞉te, tánon skanó꞉rons tahonréh꞉ni, nétho kwáh tenwatʼtóko tenhtsiawénstsi, kwáh okʼshàʼok;

Isaiah 32:11

Sewahiatítsont, í꞉se ne tsi sewathonwísen ne tisewaterákaʼre, sewahiatítsont, í꞉se ne iáh othènon thaʼtesewanikónhrare; Sewatseronniáhsi, tánon sewathatenotsʼtónhni, tánon káiare tesewatsakwáhranak.

Jeremiah 12:12

Iatehioiahiát꞉ton akwékon ne tiothonhontsathónʼnions ne kahentahkekó꞉wa nonhkweshón꞉ʼa tahónne nahontiéronkwe. Iewakatheniéton nateriʼiósera nakariwénhtonke nonwenhtsiakwékon; ne kwáh iáh ónhka tahónton ne skénnen tsi aienáhkerehke.

Jeremiah 13:17

Tó꞉ka iáh tahisehwathahonsahtháte, nakwahtónnhets hathaséhtonke tsi tenwahséntho né enkarihónni tsi nisewahnáie; kwáh íken tsi katsithowáhnen tsi tenkaséntho, tánon natkásehri tenwatnahwénhthe tioríhwa ne Roiá꞉ner rahonkwetaʼshón꞉a tsi iahonwathihiaténhaʼwe nahonwatinaskónhni.

Jeremiah 14:17

Ne Roiá꞉ner wahakéʼnhane nakʼkheró꞉ri nonkweshón꞉a nakenikonhrakséntshera tánon nahkíron: “Aiáwens ne karáhke tahontnahwénhte ne okásehri tsi niwenhnisehrésons ó꞉ni tsi niwahsontésons, tó꞉sa nonhwénton akátʼkahwe tsi tekaséntʼthos, asèken nakonkwetaʼshón꞉a kwáh í꞉ken tsi ronatkarewáhton tánon kwáh wahetkenstsí꞉en tsi nihotironhiáken.

Jeremiah 15:8

Sénha hionatsiokowáhnen ionateréhons konhtíteron ne tionhontsáke tsi ní꞉ioht nonehsahrónkwas natsatʼtáttha. Wakhenonhwarhiakónʼnion ne tionkwetaʼshón꞉as ne kén nithohthihiónsa né kwáh shiʼhonahthakaríhte tánon wahkhehiónnien ne kanisténsehras nakonhthironhiáken. Kwáh thonthahiawénhstsi tsi wahkhéhienthe ne karonhiakénsehra ó꞉ni ne kateronkwáhtshera.

Jeremiah 18:22

Kén tiokwáksen iasehiaténiet nahathinenhskwenháton tsi ratiterónton ne ne kwáh iáh othènen tahonthontró꞉ri; sehiónʼnien katerontsherákon tsi tehonséntʼtho. Hionksonhionnénhni né iatiáʼtenne tánon hionkaterísthaʼien nahiontiénha.

Jeremiah 30:5

“Onhkatʼthóntehne onhtsaró꞉ko ne kateronkwáhtsera, ne onhtsaró꞉ko ne kateróntsera tánon iáh ne thèken ne skénnenh.

Jeremiah 4:11

Táhwe tsi nienkáhewe nónenh nonhkweshón꞉a ne Jerusalem enhonwahthiró꞉ri tsi nihiowehrahtsánit tahkahwerenháwi ne kahenthakehkówah nonhtahiaweʼnonhátse ne tahothihiathónko. Kwáh iáh kenkthakáweraske né nék khók ne osehwáhsehri hiahióti—

Jeremiah 4:20

Ne kakahronniátshera tiókonhte ó꞉ia tsiononhtheráhtse; kwáh kanahkerahsehrahkwékonh tsi iorihwenhtáhon. Thonthaiawénhstsi nonhkwahtóhsehra wahkariwénhthaʼne; tánon ne iohniatarénton kenkníwahs tsi ontehrahtiónko.

Jeremiah 4:8

Tánon káti káiareh shatʼtsherónniat, ó꞉ni tesahsénttho tánon tesahénret tioríwah ne teiotenonhianíthon ne iótʼteron rahonahkwáhtshera Roiá꞉ner tsi iáh tetsiótʼthon tsi nòkwah ne Judah.

Jeremiah 6:14

Thóh nihonahthatiéren tsi shíken ní꞉ioht nahkonhkwetahshón꞉a nék khók ne tehonahtenákʼkonhs. ‘Akwékon tiehiohiánere,’ rónton, nónenh nahkwékon tiewahétken.

Jeremiah 8:19

Sahtahonshá꞉tat! Ohontsiakwékon Wakatʼthónte nakonhkwetahshón꞉ʼa tiatenhonséntʼtho, “Ne Roiá꞉ner iáh kén ónenh Zion tèsres? Ne Zion ahonnonhtí꞉io iáh kén ónenh thóh tèsres?” Ne Roiá꞉ner, ronwanonhtí꞉io, wathariwahsehráko, “Onh nonhtiéren tsi waskenakónhni ne tsi wasehsénnaien ne sahiatonnishón꞉a tánon ne tsi watesehʼhiatentʼtsóthaʼse ne iáh othènenh tehatiriwásthas niʼiohʼokónhas?”

Jeremiah 8:21

Tewakherhiasahkwentéhon tioríwah nakonhkwetashón꞉a tsi tehonwanaskwasehronkwáton; wakatʼtiónnion; kwáh íken tsi tewahkáthonʼne.

Jeremiah 9:1

Kaskáneks ne kenonhtsí꞉ne ahionahwehróthake nonékanos, tánon ne khará꞉ke ahionahóthake ne ohkáhsehri, ne nahónton konhthatiekówah tánon ashonthakwékon tsi takaséntho ne ne akonhkwetashón꞉ha rahothiriwáhke tsi niháti ne ronwahthinonhwahrhiákon.

Jeremiah 9:10

Wakíron, “Tenkaséntʼthoseh ne tsi iononhtharónʼnions ó꞉ni tenkasénthoseh ne tsi konwathiʼteronthákwahs nahtenhenráhkonhs ne katshénenhs, tsioríhwah tsi akwékon iostatʼténhen, tánon iáh ónhka éhtho nónhhwe tetionthohénstha. Tsi nahionatʼtsiarokwáhtonke ne katshéʼnenh iáh ónenh ónhka tetsiakóthonʼte; otsitenokónhas ó꞉ni ne konhthitshénenhs kák tiehionénonh.”

Lamentations 1:16

“Ne kíʼ aoríhwa ne kharáke kwáh thitewakʼkhaseráheʼrhe. Iáh ónka taiekwéni naionkenikonranírate; iáh ónka taiekwéni naionkenikonráhreke. Ne iónkswens ionkesénnion; nakonkwetaʼsónha kwáh iáh othénen tesohthíʼien.

Lamentations 1:2

Ahsontakwékon tewasénthos; nahokáseri watnawí꞉ne ne kanókwa꞉ke. Rathikwékon ne nahoteroserahokonkénhen, iáh né saiátat tsiaʼtetiotaténron nakonwanikonrahnírate. Neh tionatenrhóhonʼne wakonwatennínon tánon ó꞉nen rahtikwékon skonwátkon꞉te.

Lamentations 2:11

Wakʼkharanónwas tsi naʼtekasénthos; nahkwathónnhes kwáh ne íken tsi iokarárens. Kwáh tewakenákwaras tsi niwakenikonrákʼsens ne tsi natehionenraríhon nakihtiókwa. Rahtiksahokónhas tánon nowiráhas kanatakónsons rothinikonrátons.

Lamentations 3:16

Owentsiáke wahakʼkonsakénrie tánon wahtakenawíriaʼke ne nostenrákes.

Lamentations 3:48

Neh kharàke thóh ní꞉ioht tsi kontnawíne nokáseri tsi ní꞉ioht nakahionhatátie ne tsi natehonatʼthókwen nakonkwetasónha.

Lamentations 4:10

Ne kariwaieshátsera rothiʼienáhon nakonkwetaʼsónha ne takáhawe ne kanikonrakséntsera; Ne ionatanitenrátskons ne kanisténseras watkonthinekóntieʼte tsi ronnónnhes nakothiʼienhokónha kákhwa wakontathonniáten.

Lamentations 4:3

Iekaríhare ne okwáho tenhiakoriwásnieʼse nakoienokónha, Nók kih nakonkwetaʼsónha neh thesʼsóntieres ne skawirowaneʼkówa, iakokenrónni nakoienokónha.

Lamentations 4:6

Nakonkwetaʼsónha sénha ne ronwathirewáton tsi ní꞉ioht ne Sodom non nihathinákere, neh kéntons kwáh tentsawénstsi ne Rawenni:io tsi tensakotásente.

Amos 8:10

Kwáh né꞉e thetʼténiete tsi nisewathenhniotʼtha nahonsehsewatʼtiónhnion, tánon akwé꞉kon ne sewarenhnashón꞉as kaʼnikonratsénhtsera ienwáton; Kwáh sewakwé꞉kon ká꞉iare ensewatseronhniá꞉te, tánon sewakwé꞉kon ensewathatenónhkare; Kwáh ne entionhniáte tsi ensewatiónhnion tsi shí꞉ken ní꞉ioht nenskát꞉khok sewanekenteronhtseraiéntakwe ne rawenhé꞉ion, tánon ne tsi ieiotot꞉te kwáh né꞉ne wenhniserát꞉sen í꞉ken.

Jonah 3:6

Ne Nineveh nón꞉we ronontí꞉io shaharihwá꞉ronke tsi nahoʼténshon ratónnionskwe ne Jonah, tontahá꞉taʼne ne raonitskwahráhne, waharíhsi ne waʼkóhses raotià꞉tawi, kà꞉iare wahatsherón꞉niaʼte, tánon tho tahátien ne waʼkenhrontá꞉kwen.

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Luke 7:12

Onen thoha shiiahanatarane, eh ȣathonterane ratirontotserenhaȣi ȣahonȣaiatatahannhe, iotereons neok oni enskat ioȣiraientakȣe ne kenh ranekenteronkenha, Kentiokoȣanen kati netho ienakere konȣariskontonhatie.

Ne꞉ne Sák Rohiaton 4:9

Tasewanikonriakónhak, tesewaséntho, ó꞉ni sewakaseróten; tonsasewatáton tsi ní꞉ioht ne ahisewaiesʼshónhake ne thonsasewasenthótak, tsi nisewatsenʼnón꞉ni sahsewanikonráksen!

Ne꞉ne Sák Rohiaton 5:1

Tánon nónwa, í꞉se kí꞉ken sewakwatsénion tiónkwe, takwatahónsatat! Tesewaséntho ó꞉ni tesewahénret neh tsi nihionikonrátsat tsi ní꞉ioht tsi ensewaiatóren꞉ne!