Jeremiah 6:21 - Ohiatonhseratokénti

²¹ Tánon káti kwáh enkhehiónnien kí꞉ken onhkweshón꞉ʼa nahothahonahsíhtsiake tánon nahathihiatiénenhʼne. Ne iatatró꞉nah ó꞉ni ne sahkothiʼienhokónhas kwáh enhonníheie, tánon ó꞉ni ne ateró꞉sehras ó꞉ni ne tehonʼnonhsahnekʼkhánions.”

Jeremiah 6:21 ပူးပေါင်းရင်းမြစ်များ

2 Chronicles 36:17

Ká꞉ti ne Roiá꞉ner tahoiaténhaʼwe ne ronnontí꞉io ne Babyloniaró꞉non niashakotiatónhti. Né ronnontí꞉io waʼshakononhwarhiakhónnion ne ken nithotiʼiónhsa ne Judah nón꞉we kwáh ó꞉ni Ononsatokentiʼkówaʼne iahontáweiaʼte. Iáh othènen teshó꞉ien ne kenhténron nón꞉ka ashakótenhre, kenkʼnahontahotí꞉ionke khés nahonthaiakóhionhke, rónhkwe khés ne iónhkwe akénhake, iakononwátʼtani khés naiakotakaríhteke. Né Rawenni꞉io ratikwé꞉kon rahónha waʼhoiathakweʼní꞉iosʼte.

Isaiah 8:14

Kwáh raón꞉ha ne kanatatokénti enkén꞉hake, né nonénhia néh thóh tehiakaónkwas nonkweókons; asèken ne tehotinonsàkes NʼIsraerʼronónke kwáh ne enháton nosténhra ne tsakositsiátstha—né꞉ne waterístaien tánon tewanikárare ne tsi ratinákere ne Jerusalem.

Isaiah 8:15

Iakotsokó꞉waʼnen thóh nón꞉we nentsiakosí꞉tiake; kwáh kíʼ enhatiʼiatiénenhne tánon enhotikaréhwate; thenhonwatiniká꞉rahrake tánon enhiakoiéna.”

Jeremiah 13:14

Ethóhʼne tenkhehiatáriʼthe tsi ní꞉ioht ne katʼtsheshón꞉a thakatʼtsheténseron, ahonthahiakóhionke tó꞉ka ó꞉ni kenknahonthahiakohiónhake akénhake kwáh kíʼ ne skáka enkénhake. Iáh thahóten ne kenténron, iáh thatahkhehiaróh꞉thon, iáh ó꞉ni ne kenténrat thatahóntʼtaste nahkhenonwahrhiákon.”

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 18:21

Ók nónhwa, Saiá꞉ner, ánion ne sakothiʼienokónha athonkarhiákon rotírhiot; ánion ateriʼiosehráhkon nónwe nihonníheʼie. Ánion ne iothiniátkons ionáhtons tsi iotiniákons ó꞉ni ne akotiʼienʼokónha; ánion ne ronnónhkwe kanrahtharinhétshera rohtírhiot tánon ne kén nithóhtihiónsa tsi wahterí꞉io nónhwe nihonníheʼieh.

Jeremiah 18:23

Ók, Saiá꞉ner, sahteriéntareh akwékon tsi nihonahtenikonhrónni nahionkenonhwahrhiákon. Tó꞉sa shaʼsehnikónhrens tsi nihonnonhkwetaʼhétkens tó꞉sa ó꞉ni shaʼsehnikónhrens ne raoʼtirihwaʼneraháktshera. Tehsehʼhionhontióient ne tsi sehsénhnion ó꞉ni kén niásehreh tsík sénha shé꞉kon shanakwénʼen.”

Jeremiah 21:7

Ók nonkʼní꞉se, shonkwetahshón꞉a, ó꞉ni ne iaʼtenhonahtátereh ne tsi wahterí꞉io, nathonkárhiakon, ó꞉ni ne kahnrahtarinhétshera—kwáh enkatʼthóntahte ne sehwahkwékon ne rononhtí꞉io Nebuchadnezzar ahtsisehwahiéna skátne ne tionkwetaʼshón꞉as ronterí꞉ios, tsi natehonathonhontsóni nahiétʼtsinonhwahrhiakónʼnion. Nebuchadnezzar entsiʼsehwahnonhwarhiakónʼnion. Kwáh iáh ónhka tsi nítsion thatsisehwahiatanónhsthate iáh ó꞉ni tahrénesʼthe nathaniténron iáh ó꞉ni ne karhothóntshera tsi nahthétsion. Í꞉i, ne Watiá꞉ner, wahkatáti.”

Jeremiah 8:12

Akonkwetashón꞉a, wesehwahtehénʼken tsioríwa tsi nesehwahtiéreh kí꞉ken ioteriwatehasónhas? Iáh, kwáh iáh thènenh tesehwahthehénʼen; akwékon iáh tesehwateriéntahre onhní꞉ioht ne onekwéntahra nahisehwahiató꞉tenʼne! Tánon káti éhtho ní꞉ioht tsi entisehwahiátenʼne tsi ní꞉ioht ne ronátiakes tsi thóh thihiaténʼen; Nónenh enkwahréwahte, thók niensewatókthase. Í꞉i, ne Watiá꞉ner, wakatáti.

Ezekiel 3:20

“Ók ónhka ne iakohiánereh tentiontkarahténi tsi kaiáneren nónhwe nihiakónhnhekwe tánon kariwahétken tentionhtatékwahse tánon thóh nónhwe nahihiáhkaʼwe ne kwáh iótʼtheron tsi nónhwe naréhsehke, enhrénheie tó꞉ka iáh thatsaronhkáten. Raoriwahneraháktshera enkarihónhni tsi enrénheie—iáh thakehiárahke ohnahotiérenhke ne tkariwahiéris—tánon i꞉se enkonhnonhthánahke tsi enrénheie.

Ezekiel 5:10

Tsi nenhiáwenhne, ne rotiwirahiénton ne Jerusalem nónhwe enshakotiwáhrahke ne shakotiʼienhokónha, tánon ne ratiksahokónha enshakotiwáhrahke ne rotitʼténhas. Kwáh enkonhréwahthe tánon nónhka tsiʼnítsion ne iatensewahthátereh iathekwatʼthókwahte tsi ioweráhre.

Leviticus 26:37

Kwáh tsiaʼtensewatatkwahthánion tsi ensewahiaʼtiénenhne nó꞉nen iáh ónhka teietʼtsísehre, tánon iáh tehisewashastsʼtenseraiénthake naietʼtsinenhrók꞉thase ne tesewatátʼtsions.

Romans 11:9

Tsi niháwen neh Táwit, “Neh ahonwanahteristaiénthakwe tsi ahonwathiʼiéna neh nónen ronathekwáhere; iáh kanèka tiahón꞉ne, tánon ronwathiréwat!

Romans 9:33

nowennaʼtokénti neh watroriátha: “Satkátho, watsiéntatse tho nón꞉we Zion onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko. Onhkakíʼok nenthonwétakwe iáh tahonsahiontateriwásten.”

1 Tiér 2:8

Tánon nóia noriwatokénti wáton, “Onénhia ne enkakwéni nónkwe entsiakosítiake, tánon nosténra neh enkakwéni tenhiakoniohtáko.” Watiakoniotáko tsioríhwa tsi iáh tethonetákwen nowénna; neh tsi nisakoriwisaháni ne Rawenni꞉io.