Jeremiah 6:19 - Ohiatonhseratokénti

¹⁹ Shathahónsahtat, onhwénhtsia! Né꞉ne kahrewahthátsheras norihwahkwékon tsi nihonahtenikonhrónni takháwi ne kahkaronniátshera rononháke kí꞉ken onhkweshón꞉ʼa, tsioríhwa tsi wahathikénron nahkerihonniennítshera tánon iáh tehonahtewenhnaráhkwen nakewénhnas.

Jeremiah 6:19 ပူးပေါင်းရင်းမြစ်များ

Proverbs 15:26

Roiá꞉ner ráhswens ne iáh tewanonhtonnionhtsherí꞉io, nok rawerienʼtí꞉ios nowennaʼshón꞉ʼa ne watenroʼserí꞉io.

Proverbs 28:9

Tókaʼ ne kaianerénhsera iáh thahsatewèn꞉narahkwe, Rawenni꞉io enhàhswen ne saterennaientáhtshera iáh thahatahónhsatate.

Isaiah 1:2

Sathóntek, Ó tsi karonhiáte, tánon satahón꞉satat Ó onwénhtsa; asèken ne Roiá꞉ner rotatíhon: Né ratiksahokónha ne khenónten ó꞉ni kheiehiáron, ók wahonkatkónten.

Isaiah 5:24

Né꞉se wahónhni, kwáh tsi ní꞉ioht nótsire tsi watʼtsahátha ne kawá꞉he, tánon ne iohontátʼthen tsi ehʼtàke niewétha ne tsi iotónhkote, káti ne raotithé꞉ra enhiótʼken, tánon ne raotiʼtsítsas thenkáthen tsi ní꞉ioht nokénhra; asèken rohtiʼkenhrataníhon ne raoʼrihonhnienhnítshera ne Sakoiá꞉ner ne ronterí꞉ios ratironhiakeró꞉nons. Ó꞉ni rotikenronhnihon ne raowenhnaokons ne Roiatató꞉kenti Saiá꞉ta ne Israerʼronónke.

Isaiah 59:7

Né ronhshiʼtákes thóh nienkatá꞉ke tsi nó꞉kwah ne wahhét꞉ken í꞉ken, tánon teoʼtisteríhens nahonwahnéh꞉kwahte ne iáh othènon tehoníkon; né raonanontonhnióntsheras né꞉ne wanontonhniontsheráksens í꞉ken, né nahatiʼrihwéntʼtho tánon atkaronhniátshera í꞉ken ne tsi ronahatátie ne iohahowánens.

Isaiah 66:18

Asèken khehiothenseraʼientérih tánon né raonanonhtonniónhtsheras, tánon taʼiákwe skát꞉ne ratiʼkwé꞉kon né ronhnonhontsakeró꞉nons tánon tsi niaʼtewenhnásakes; tánon kwáh entʼthónhne tánon kwáh enhontkátho naʼtiatanerakwáhtshera,

Jeremiah 11:11

Káti nónhwa Í꞉i, ne Watiá꞉ner, wakhehiaronkáten tsi enthékaʼwe ne kahkaronniátshera ne ronhnónhake, tánon iáh thahatiniákenʼne. Tánon nónen iatenhothihénreʼte nakonháke nakhehiénahwaʼse, iáh thakhehiatahónsahthaʼte.

Jeremiah 15:6

Íseh ne tiónkwe tahkwahkenronníhon; waskwahtswahthénien. Káti hiatkanénhstste tánon watkwahskwáhsehron tioríwa tsi wattetkwisénheʼie tsi niwahkathatienahwákon tsi niwahkenahkwénhʼen.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Jeremiah 19:15

nètho ne Roiá꞉ner Roshaststenserowáhnenh, ne ne Israerʼró꞉non sahkohʼNí꞉io, ráhwenh, “Entétkhaweh ne kén nónhwe kíʼ tsi kanahtowáhnenh tánon ó꞉ni ne aktatsesónhas kanahtaʼiénton akwékon ne karewahtátshera tsi ehʼnénhtiereh tsi niwáhken, tioríhwa tsi nisehwaʼnonhtsistaníron ó꞉ni kwáh iáh tesehwahthahónsahtats tsi nikáton.”

Jeremiah 19:3

Ne Roiá꞉ner wahakró꞉ri nakíron, “Rotinonhtí꞉ios ne Judah ó꞉ni nonhkweshón꞉a ne Jerusalem, sewathahónsahtat ne Í꞉i, ne Watiá꞉ner Keshaststenserowáhnen, ne kheʼNí꞉io ne Israerʼró꞉nons, wáhtien nakíron. Thóh nióre tsi éntsien ne kariwahiesáhtshera ne kén nónhwe niwatenáhtaien né nónhka enhiónronhke kwáh entiontónnheʼke.

Jeremiah 21:14

Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”

Jeremiah 22:29

O ohóntsa, ohóntsa, ohóntsa! Sewathahónsahtat tsi nahó꞉ten ráwen ne Roiá꞉ner:

Jeremiah 29:19

Ne kíʼ thóh nenhothihiáthawenh tioríwah tsi iáh tehonahʼtewenhnharáhkwen naʼteriwahnhothátshera tsi nihiorihwahtó꞉ken ieʼkhehiathenieténnisʼkwe rononháke ne akonhkwethasónhas ne rothitókense. Iáh tehonatʼthontháton nahonahthaʼhonsahtáthonʼke.

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Jeremiah 4:16

Tahonʼne nahonwahtirehtsáron nonhkweʼshón꞉a tánon nakonhwahró꞉ri ne Jerusalem nètho tehontátʼtions tsi tahónʼne ne aínonh nióre tkanakerahsehrahkérons. Kí꞉ken tehontátʼtions iatenhothihénreʼthe nahkonhwakʼkónhten ne kanatowáhnenhs ne Judah.

Jeremiah 4:4

Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

Jeremiah 49:37

Kwáh eniakwahteró꞉senh ne Elam tehontátʼtions ne tahonwahnahtsiathókwahte. Ne tehiotenonhʼianíthon akenahkwáhtshera entkáhawe ne kowáhnenh atkaronhniátshera ne rathihiatakéson nonhkweshón꞉a ne Elam nónhwe, ráton ne Roiá꞉ner. Ne tehontátʼtions asahrekówah énhonste tsi enhonwahtisehréson tsi nióre kwáh enkhehiáthonte.

Jeremiah 6:10

Wakʼkeriwahsehráko, “Ónhka enhionkathahónsahthate tó꞉ka enkhethárase tánon nahkheronkáhten? Rothinonhtsisthaʼnírons tánon iáh thahonthóntahte nahonthahónsahthate ne sateriwahnothátshera; enhatisteristhe tsi nahó꞉ten tatró꞉ri nahkíron.

Jeremiah 6:18

Káti ne Roiá꞉ner wahénron, “Sehwathahónshatat í꞉se ne tiónkwe, tánon sehwahtherientáhranh tsi nenhothihiáthawenh nakonhkwetahshón꞉ʼa.

Jeremiah 8:5

Nonhtséren káti, akonhkwetahshón꞉a, tsi tahkwatʼkarahthénion tánon kwáh iáh thathiʼtisehwákthons? Ietʼtsihiatienawásthon ne sehwahiatónʼnis tánon iáh tesehwatʼthóntats ne Í꞉i nòkwah nathahontésehwe.

Jeremiah 8:9

Ne tionkwetahshón꞉a ne rontenikonhratʼthókha kwáh enhonwanahtéhaʼte; tehonahnithonniénni tánon rothihiathotaréhon. Rothikenronníhon nakewenhnaʼsónhas; nahó꞉ten ónenh rothí꞉ien ne kanikonhrowahnáhtshera?

Daniel 9:11

Onkweʼtakwé꞉kon ne Israerʼró꞉nons tehotiiá꞉kon ne saianerénhsera tánon iáh tehonathontá꞉ton naiesatahónhsatate. Waʼakwarihwané꞉raʼke tsi nokwá ní꞉se, eʼthó꞉ne káti tahskwatenniéhten ne kahrewahtáhtshera tsi nikahiá꞉ton ne Mahís raoianerenhserá꞉kon, né ne sanhátshera.

Hosea 10:13

Ne satharakaratʼthóston ne karihwahekénhsera, ne tsi saientkwákwen ne iáh tetkarihwaié꞉ri í꞉ken, ne sahiákon nonowenhtashón꞉as í꞉ken. Tiorì꞉wa tsi ne seniahesénhne ní꞉se sashatsténhsera tánon ne tsi nihonatiohkowá꞉nen shonkwè꞉taien ronterí꞉ios,

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Amos 2:4

Ne katíʼ aorí꞉wa ne Roiá꞉ner rá꞉ton: Asè꞉ken áhsen nieioterátston iorihwaneraʼáts꞉kon ne Judah, tánon ne kaieríhaton, kwáh ki nenhnè꞉e iáh thaʼtaonsonkaterihwaténien ne kahrewahtáhtshera; tiorí꞉wa tsi wahatikèn꞉ron ne raoianerénhsera ne Roiá꞉ner, tánon iáh tehonatienawáhston ne raorihonnienníhtseras, ók ne wahonathaharákwahte ne kwáh ne shá꞉ka nonó꞉wens tsi ní꞉ioht ne shakotihsothonkonhkén꞉en rotiioʼtén꞉ʼen.

Micah 1:2

Sewatóntet, í꞉se ne tiónkwes, sewakwé꞉kon; satenhnikòn꞉raren, O onwénhtsa, tánon akwé꞉kon né nón꞉we niká꞉ien; tánon tsi sewarí꞉hon ne Roiá꞉ner Ní꞉io rahrihwaní꞉rat tsi entsisewatkónten. Natiá꞉ner thóh nitré꞉tha ne raononsatokentikowáhne.

Micah 6:2

Sewatahónsatat, í꞉se ne tsi ionontahrón꞉nions, ne tehorihwakenhá꞉ton ne Roiá꞉ner, tánon ne iorihwaní꞉ron í꞉ken tsi kenskwáhere ne tsi ionwenhtsá꞉te; asè꞉ken ne Roiá꞉ner ne tehotirihwakenhá꞉ton ne rahonkweʼtashón꞉as, tánon kwáh thenhatirihwakénha nʼIsraerʼró꞉nons.

John 12:48

Onka enhakkenron iah oni tahataonsatate nakeȣennaokon; rahaȣe ne tenhoiatorete, ok neh nʼOȣenna ne ȣakerioȣanaton neh tenhoiatorete nʼonaken teȣenniseronte.

Acts 8:22

Sahsatatréwat, káti, kí꞉ken tsi nikariwahétken ne sáwenk, tánon hiasaterénʼnaien rahonháke ne Roiá꞉ner nahónton nahonsahianikónrense tsi niwanonthonniontseráksen kí꞉ken.

Deuteronomy 30:19

Ó꞉nen tkwá:wis nahisewatateráhkwase kak niká꞉ien atónnhets khés ne kenhé꞉ion, tsi naʼtetiátere ne Rawenni꞉io rahohiaʼtaterí꞉tshera tánon ne rahorewahtátshera, tánon iakhenáhton ne tsi karonhià꞉te ó꞉ni ne tsi ionwenhtsáte nah kenirihwahní꞉rate tsi nenshahtatheráhkwase. Atónnhets shahtatheráhkwas.

Deuteronomy 32:1

“Tsi ionhontsá꞉te ó꞉ni tsi karonhià꞉te sewáronk nakewenhnahó꞉kons, ákta tsi sewatahónsatat tsi nahó꞉ten ká꞉ton.

Deuteronomy 4:26

Nón꞉wa wenhniserá꞉te kheriwanonhtón꞉nis ne tsi karonhiá꞉te ó꞉ni ne tsi ionhwentsá꞉te nahontenhnikónhraren tsi nisewatié꞉ra, tó꞉ka iáh taskwawenhnarà꞉kwe, kwáh ki iostó꞉re ensewahiaʼtáton ne tsi ionwenhtsà꞉te. Iáh thaiónhnise thahitsónhnheke nonhontsà꞉ke ne tahisewahià꞉iake ne Jordan tsi ó꞉nenh thóhwa iahisewatié꞉nawatste. Kwáh ki thóh kén꞉en tsi ensewahiatà꞉ton.

1 Samuel 15:23

Asèken nahiontenontsistát꞉sate kwáh satewahét꞉ken ne karihwanerahák꞉tshera tsi ní꞉ioht ne tahióntʼkonste, tánon nahiontenontsistanírate kwáh ne ne karihwanerahák꞉tshera ó꞉ni ne kahiatón꞉ni konwasénhnaiens. Tsioríhwa ní꞉se tsi waskénron ne raowenhnaó꞉kons ne Roiá꞉ner, ne raónha kwáh nón꞉ne eh wahiakénron ní꞉se nahisanontí꞉ioke.”

1 Samuel 15:26

Ne Samuel tonsahorihwaserákwahse ne Saul, “Iáh thóh tiaʼhonsáke skát꞉ne ní꞉se; asèken sakenronníhon ne raowénhna ne Roiá꞉ner, tánon ne Roiá꞉ner kwáh iakenronníhon nasheiatenontí꞉ioste NÍsraerʼronónke.”