Jeremiah 6:15 - Ohiatonhseratokénti

¹⁵ Ronthéhes onhtèken tioríhwa tsi nihonahtiéren kíʼ kén iotheriwatéhas? Iáh, tehonahthehénʼen; akwékon iáh tehonahtheriénthare onhní꞉ioht ne onekwénthara nahathihiathótenʼne. Tánon káti kwáh éhtho ní꞉ioht tsi enthathihiátenʼne tsi kíʼ ní꞉ioht ne ronáhtsiakes; Nónenh enkheréwahthe, kwáh totʼtsienwatót꞉ten ne ronónha. Í꞉i, ne Watiá꞉ner, wakatháti.”

Jeremiah 6:15 ပူးပေါင်းရင်းမြစ်များ

Genesis 19:34

Tsi ó꞉ia saióhrhenʼne ne tkakowá꞉nen waʼawénhahse nakoʼkén꞉ʼa, “Atskwiʼ skátne iontiaratón꞉ne ne rakeʼníha shioʼkaráhsha; á꞉nion kíʼ etshitenónnien shahnekí꞉ra notsí꞉tsa nenió꞉karahwe, eʼthó꞉ne í꞉se ienhsatáweiaʼte tánon skátne entsá꞉rate. Ne kátiʼ naiethinónhstate tsi nokwá ne etshiteniʼníha tsi wahahwatsiratátie.”

Exodus 32:34

Wáhs kíʼ ó꞉nen, sehhéntes nonhkweshón꞉ʼa né tsi tewatenáhtaien tsi ní꞉ioht tsi konhró꞉ri. Sehiárak akeronhiaʼkerónonh enhiaʼhéntenhse, ók ienkáhewe nónen kwáh enkheréwathe kí꞉ken onhkweshón꞉ʼa tsi nihotiriwáneren.”

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Isaiah 10:4

né káti ne tó꞉sa skát꞉ne asewaʼnitionhkónni ne ratinó꞉tons khés thóh iashiaʼtién tsi ratiʼiatakéron ne ronwatiʼnonhwariá꞉kon? Asèken akwékon kí꞉ken ne raoʼnhakwáhtsheras iáh thaʼtetsiotkaraténion; ne ratsaná꞉ke shé꞉kon kí iatehótsate.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Jeremiah 14:15

Í꞉i, ne Watiá꞉ner, kwahró꞉ris tsi nenhkheʼiérahse kí꞉ken rohtitokénhse tsi nikáien ne iáh tiekhehiateniéton nahontáti nakʼsénnakon ó꞉ni nahonníron nateriʼiósehra ó꞉ni nathonkarhiákon tsi iáh tahkanonhwáhrehke kíʼ ionhwénhtsaien—kwáh tsi wahterí꞉io nónhwe nenkhenonwarhiákon ó꞉ni nathonkarhiákon.

Jeremiah 18:23

Ók, Saiá꞉ner, sahteriéntareh akwékon tsi nihonahtenikonhrónni nahionkenonhwahrhiákon. Tó꞉sa shaʼsehnikónhrens tsi nihonnonhkwetaʼhétkens tó꞉sa ó꞉ni shaʼsehnikónhrens ne raoʼtirihwaʼneraháktshera. Tehsehʼhionhontióient ne tsi sehsénhnion ó꞉ni kén niásehreh tsík sénha shé꞉kon shanakwénʼen.”

Jeremiah 23:12

Tsi enhonthahíta kwáh tenhiahotsiskwáhthonke ó꞉ni tentiokaráhsehke; Thenkhehniotáhko tánon enhatihiatiéʼnènhne. Enthékhawe ne karihwahiesáhtsera ne rononháke; ne rahonatrewahtátshera tsi tawéʼse ne iakáhewe. Í꞉i, ne Watiá꞉ner, wakatáti.

Jeremiah 3:3

Ne aoríhwa iáh tetsokénnores, tánon ne konhkwitenékha okennorésehra iáh tetsawéhnon. Kwáh ó꞉ni éhtho nishiatóten tsi ní꞉ioht ne ioriwahiathathónʼon; iáh teshatehensehráhien.

Jeremiah 44:10

Ók tsi nióre nónhwa wenhniseráhthe iáh ehʼtáke teshathatónhni. Iáh thesetkwehniénston iáh ó꞉ni thóh tèhiot tsi ashón꞉nheʼke tsi niwahtsátons ne kahianerénhsehra ne tkhonhiáwi ó꞉ni ne sehsotʼthonkonkénʼen.

Jeremiah 5:29

Ók Í꞉i, ne Watiá꞉ner, kwáh enkheréwahte kíʼ nahorihoténsons; kwáh ensekʼkárhiake ronónhake kíʼ kén onhkweshón꞉a.

Jeremiah 5:9

Iáh onhtèken thatehiothonwenhtióhon natʼkheréwahthe kíʼ nahorihoténsons tánon nahonsakʼkárhiate rononháke ne thóh nihionkweʼthó꞉tens tsi ní꞉ioht kí꞉ken?

Jeremiah 8:12

Akonkwetashón꞉a, wesehwahtehénʼken tsioríwa tsi nesehwahtiéreh kí꞉ken ioteriwatehasónhas? Iáh, kwáh iáh thènenh tesehwahthehénʼen; akwékon iáh tesehwateriéntahre onhní꞉ioht ne onekwéntahra nahisehwahiató꞉tenʼne! Tánon káti éhtho ní꞉ioht tsi entisehwahiátenʼne tsi ní꞉ioht ne ronátiakes tsi thóh thihiaténʼen; Nónenh enkwahréwahte, thók niensewatókthase. Í꞉i, ne Watiá꞉ner, wakatáti.

Jeremiah 8:9

Ne tionkwetahshón꞉a ne rontenikonhratʼthókha kwáh enhonwanahtéhaʼte; tehonahnithonniénni tánon rothihiathotaréhon. Rothikenronníhon nakewenhnaʼsónhas; nahó꞉ten ónenh rothí꞉ien ne kanikonhrowahnáhtshera?

Ezekiel 13:14

Ne Wakonhniáton ne akeréhnienthe nasóntha ne katenrahkeríhton rotíronh, takatʼthókwahte, tánon nék khók ne tekenstorohthákwen iatahonsahiothaténronhke. Kwáh tenhioterónhthoste tánon sehwahkwékon ne ensewahnonhwarhiákonkwe. Ethòne onhkwetaʼkwékonh enhiakoteriéntarahne tsi Í꞉i ne Watiá꞉ner.

Ezekiel 2:4

Kwáh ronerhiasaníron ó꞉ni rotinonhtsistaníronh. Ók kíʼ wakonhiateniéthaʼne nasehró꞉ri; ‘Kén kíʼ nahó꞉ten ne Rononhtí꞉io Roiá꞉ner ráton!’

Ezekiel 24:7

Ionthataséhton ne kanatowahnénʼne, ók nonekwénsa iáh ohontsáke tehioienhtáhon tsi nónhwe ne okénra aonhterohrókʼthe; ostenráhke nónhwe nonhwerónhtahne.

Hosea 4:5

Ní꞉se kwáh entiekéne entisewashí꞉tsake; ne rotitokénhse ó꞉ni kwáh enthonashítsake nasonʼthénhne, tánon kwáh enkatónhte ne saʼnisténha.

Hosea 9:7

Nawenhní꞉sera ne karewatháhtshera nó꞉nen ónhwe, nawenhní꞉seras naonsaiesaié꞉ristse ó꞉nen ón꞉we; Nisrael tewaséntʼtos, “Ne rotokénhse thotonhnotʼte, ne rón꞉kwe ne roshatstenhserowá꞉nen ronakwénhen!” Tiorì꞉wa tsi nikowá꞉nen ne sewarihwaneraháktshera, tsi natehiotenonhianì꞉ton tsi nisateriwát꞉satha.

Micah 3:6

Ne káti aorì꞉wa ne sarihwà꞉ke thóh nienhiotónhake tsi nahtetiò꞉karas ne tsi niwasónhtes, iáh othé꞉nen thatahonshesatierónhnionse, tánon thentsokaráseke ne sarihwà꞉ke, iáh othé꞉nen tahonsaiesarihotháshien; Ienkará꞉kwenhne rononhà꞉ke ne rotitokénhse, tánon ne tsi niwenhní꞉seres thentsiokaráseke ne raotirihwà꞉ke.

Micah 7:4

Ne kwáh thotiiánere thóh nihatiiató꞉ten tsi ní꞉ioht nonionwá꞉ra, ne kwáh thotirihwató꞉ken tsi ne ní꞉ioht nohíkta wathenhenronhniáton. Nenhní꞉sehra ne raotirewathátshera ón꞉we; nón꞉wa ó꞉nen tiehotirihwaié꞉was.

Zephaniah 2:1

Sewatkenhní꞉sa tánon skát꞉ne sewatsataró꞉rok, í꞉se tiónkwe ne iáh tesewatehenserá꞉ien,

Zephaniah 3:5

Ne Roiá꞉ner ahotióhkwakon í꞉res kwáh rorihwakwahríhshion; kwáh iáh tahóthen thatahaterientawénhrie. Niatehioronhketsherá꞉ke iáh taorihwanó꞉ron naontahátkawe ne raorihwenhtátshera, Ók ne iáh tehiakoiánere iáh teierihwaienté꞉ri onhní꞉ioht nahiontéhen.

Zechariah 13:4

Nó꞉nenh ne kawistáhets enwáhwe, iáh ónhka ne rotokénhse thataharenshá꞉ron ne rahoteʼtsénhsera tó꞉ka ó꞉ni thonahronnhoténhake tsi ní꞉ioht ne rotokénhse tó꞉ka ó꞉ni ne ahatʼtseronhniá꞉te ne iohnonhwérahre ne nahónton ashakonikonhráten nonhkweshón꞉ʼa.

Matthew 15:14

Roneronhatie; ne ȣahi ne tehatironȣekon, teieronȣekon sakonasharine: tokat teharonȣekon enhonenstsine ne teharonȣekon, tetsiaron ienniiatenne tsi teiontiakon.

Philippians 3:19

Kwá onèson iahonahthakwariʼshatonʼhátie! Rathinekwentáke ne konwhasénnaiens tánon thonathaterénsaron tsi nihontiéra ne iohteriwhatehasónha. Ákwe nék khók rononthonʼnióntha ne tsi ionwentsiáte ahoriwhasónha.