Jeremiah 6:14 - Ohiatonhseratokénti

¹⁴ Thóh nihonahthatiéren tsi shíken ní꞉ioht nahkonhkwetahshón꞉a nék khók ne tehonahtenákʼkonhs. ‘Akwékon tiehiohiánere,’ rónton, nónenh nahkwékon tiewahétken.

Jeremiah 6:14 ပူးပေါင်းရင်းမြစ်များ

2 Samuel 17:3

Tánon kwáh thentekheiaténhawe ratikwé꞉kon nonkweʼókons shonháke tsi ní꞉iot ne onwák khók ioniá꞉kon ionshón꞉we tsi rénteron ne ró꞉ne. Kwáh Táwit khók ehtsiatísaks, tánon ratikwé꞉kon nonkweʼókons kwáh skénnonk thenshón꞉ton.”

Isaiah 1:6

Kwáh sasitókon tsi nió꞉re ne senonhtsíne, kwáh iáh okàneka tetsiothaténron ne iáh thahisatsiatakwaráshonke khéhs nahiotó꞉ke, ók shatsatakwarákʼshon tánon shatsiato tánon ionekwáhon tsi nisatkarehwátons; ók iáh tekanóhare, khés naieshakentórenke, iáh ó꞉ni teiesaienáron naionetskáon.

Isaiah 30:10

Ronnónha sakonénhni ne iehatiʼrihwákens, “Tó꞉sa sewatkátho”; tánon ne rotitó꞉kense, “Tó꞉sa iasewarihwáken tsi nahó꞉ten tkariwaiéri nonkwahrihwàke; né takwahtháras ne waterihwatiéʼsens í꞉ken, ne iaʼsewarihwàke ne tekarihwarastánion,

Isaiah 30:26

Sénha kí í꞉si nòn꞉we níken tsi nateiostʼwát꞉the Nasonhthenhné꞉kha karáhkwah, thóh kí naʼthenhioswát꞉theke tsi ní꞉ioht nenhtiekhenékha karáhkwah, tánon nenhtiekhenékha karáhkwah tsáta naʼthenhkaiáseren sénha thenhoswát꞉theke, tsi kíʼ ní꞉ioht tsi teioswát꞉the ne tsáta nón꞉ta nikaríhwes, nètho enwennhiseráteʼke nó꞉nen ne Roiá꞉ner enshakokentorónhnion tsi nihotiʼkarewathánions ne rahonkwetaʼshón꞉has, tánon enshesakotsienhthánion tsi nihonatʼkarewatons tsi nishakókonhre.

Jeremiah 14:13

Ethóhʼne wahkíron, “Sanonhtí꞉io Saiá꞉ner, shateriéntahre nètho rothitó꞉kense ronwahtiró꞉ris nonhkweshón꞉a tsi iáh thakaiéntahne nateriʼiósehra ó꞉ni nathonkarhikon, tioriʼíwa tsi sharahrátston, rónton, tsi kwáh nék khók ne skénnen enkaiénthake nonhtionhontsáke.”

Jeremiah 14:17

Ne Roiá꞉ner wahakéʼnhane nakʼkheró꞉ri nonkweshón꞉a nakenikonhrakséntshera tánon nahkíron: “Aiáwens ne karáhke tahontnahwénhte ne okásehri tsi niwenhnisehrésons ó꞉ni tsi niwahsontésons, tó꞉sa nonhwénton akátʼkahwe tsi tekaséntʼthos, asèken nakonkwetaʼshón꞉a kwáh í꞉ken tsi ronatkarewáhton tánon kwáh wahetkenstsí꞉en tsi nihotironhiáken.

Jeremiah 23:17

Tsi nòkwah ne onhkweshón꞉a ne iáh tehonatʼthontháton ahonaʼthahonsahtátonʼke tsi nahó꞉ten wáhken, kwáh nék khók rónton kwáh akwékon tsienhioianeréhaʼke ne rahotiʼrihwáhke. Tánon onhkwetaʼkwékon tieshaʼkotiró꞉ris né iakononhtsistahníron nètho kariwahiesáhtshera tsi iáh nonhwénhton kén tsiahiakóhiereh.”

Jeremiah 28:3

Nohénton ne tehiosehráke tenthékhaʼwe ne kénʼen nónhwe niwahtenátaien akwékon ne Ononhsatokentiʼkówa ahotsiokowáhtsheras ne ne ronnonhtí꞉io Nebuchadnezzar iehóha ne Babylonia.

Jeremiah 4:10

Ethóhʼne wahkíron, “Sahnonhtí꞉io Saiá꞉ner, kwáh tohkénʼen tsi wahsehnikonhráhten nonhkweshón꞉a ne Jerusalem! Ísenh tsi skénnenh thenkénhake, ók asahrehkówah ronahásen tsi rothiniathakáhronthe.”

Jeremiah 5:12

Ne Roiá꞉ner rahonkwetahshón꞉a wahonwathonníhaʼse tánon wahonníron, “Kwáh séh iáh thènenh taháiere. Iáh thènenh tahonthahionkwatókʼthaʼse; iáh thahitewatʼkátho nateriʼiósehra tó꞉ka ó꞉ni ne athonkarhiákon.”

Lamentations 2:14

Ne sonkwetaʼsónhas ne iehathiriwákens kwáh nek khók iesaróriskwe nohnówens; Ne rahonateriwahnothátsera wehsanikonráhten neh tsi iáh teshotásion ne sariwaneraháktsera. Wesónnien nasanonthónnionwe iáh tateiotonwentióʼon nahonsasahtatréwaʼte.

Ezekiel 13:10

“Ne rotitó꞉kense shaʼkonattaharahkwáhtha nakonhkwetashón꞉ʼa tsi rónhton akwékon ioiánereh. Oriwihiohónwe noriwahkwékon tsi iáh tehioiánere! Nakonhkwetaʼsónhas tsi wahonshontónhni iáh tatehothinawasthaiésthon nonenhiasónhas, tánon ethòne ne rotitó꞉kenseh onàhken tahónhne tánon katenrahkeríthon tahathinékaroh.

Ezekiel 13:16

nètho rothitó꞉kenhse ne konhwahriwahniráhti ne Jerusalem tsi akwékonh niehioiánerehkwe, tánon tsi iáh akwékonh tehiohiánerekwe!” Ne Ronhnontí꞉io Roiá꞉ner wahatáti.

Ezekiel 13:22

“Tsi nishanhówenhs watesehhianikonhrhiátʼten ne tionkwetaiéris, tsi nikáien ne iáh tèkereh nakhekaréwahte. Tesehtástha ne iakonhkwetahétken nahónkʼkaʼwe ne kariwahétken tánon tsi ahathinónhsthate tsi ronónhnhes.

Ezekiel 14:9

“Tó꞉ka ónhka ne rotó꞉kenhse ronhwahnikonhrahténhni tsi taháwenh ne iáh tó꞉kenhske tèken ne tekariwahseráhkwen, ne ahoríhwa Í꞉i, ne Watiá꞉ner, khenikonhrahténhni. Kwáh éhren enshekhehiatenháwite nonhkwesón꞉ʼas ne Israerʼró꞉nonhke.

Micah 2:11

Tó꞉ka shí꞉ken onkát ne iakotharátses ne onowenhtós꞉kon í꞉ken, aiontón꞉heke, “Kwáh ienkerihwà꞉ke né꞉ne onenharataʼsehontsherákeri tánon ne ionekaní꞉ron,” raónha kíʼ iensakorihwákense ne rahonkweʼtashón꞉as!

Micah 3:5

Káti ráton ne Roiá꞉ner tsi nokwáh ne rotitokénhse ronónha waʼsakonathahará꞉kwahte nakonkweʼtashón꞉as; ne nó꞉nen thé꞉nen rotí꞉ien nahónhneke ronónha tehotihenré꞉tha ne “skén꞉nonk”; nó꞉nen ne iáh othé꞉non teotí꞉ien nahónhneke, ethò꞉ne enhonterí꞉io ne raónha.

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.