Jeremiah 6:13 - Ohiatonhseratokénti

¹³ “Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Jeremiah 6:13 ပူးပေါင်းရင်းမြစ်များ

Isaiah 28:7

Né ronón꞉ha ó꞉ni ne rotiréh꞉serons notsítsa tánon né tehotiʼiatakentón꞉kwah ne ionekaníron; ne ratitsihénstatsis tánon ne rotiʼtókenhse ne rotiréhserons ne ionekaníron, né teiakohnithonʼniaténhnis notsítsa, ne tehiakohiathentón꞉kwas ne ionekaníron; iah tsateshatiʼkaraién꞉tas, ne tehothiniotákwas tsi thontkáwas ne karihwenhtátshera.

Isaiah 57:17

Tsioríhwa tsi niwahét꞉ken tsi nihonaskénaʼse wakenakwénhenhne; Wakhé꞉iente, wakhekónraʼke tánon wakenakwénhenhne; ók tiókonte thóh niensatí꞉iere tsi nithatiʼweienóthenhne.

Jeremiah 14:18

Nónen kahentháke nienhénke, katkáhthos ne rohnónkwe rahotihierontahsóna tsi nihonwahtírhio ne tsi wahterí꞉io; nónen kanahthakónsons nienhénke, khèkens nonhkweshón꞉a athonkarhiákon rotirhiótha. Ne rothitó꞉kense; o꞉ni ne rotikháres rohtihiotáties ne rahotihioténsehra, ók iáh kíʼ tehothinikonhrahiéntas tsi nihontiérah.”

Jeremiah 17:11

Nónhkwe nenhiehiéna nowísta ne kanikonhráton tsi ní꞉ioht ne otsiténha watkhanónhshiaʼke ne ne iáh ahónha tehioninónhsoh. Ne nónen kwáh enhothakarí꞉teʼke enhóthonse ne raoʼtsiokowáhtshera, tánon ne tsi iehióthokʼte kwáh iáh othènen tèsken tsi ní꞉ioht ne thohthónnhokʼthe.

Jeremiah 2:26

Ne Roiá꞉ner ráton, “Kwáh tsi ní꞉ioht ne rahnénhskwas tsi nenhonwahtéhate nónenh enhonwahiéna, káti kwáh sehwahkwékon ne Israeronónhke tsi enietʼtsihiatéhate— ne sehwahnonhtiʼiótsheras ó꞉ni ne ronahterihóntons, ne tionkwetahshón꞉a ne rothikháres ó꞉ni ne rothitó꞉kense.

Jeremiah 2:29

“Nahó꞉ten tsi sehwahriwahkahténʼen? Nonhtiéren tsi waskwatʼkónhten?

Jeremiah 2:8

Ne rohkháres iáh othènenh tehoriwahnónhton, ‘Kahnónhwe níhres ne Roiá꞉ner?’ Ne kwáh Í꞉ih akonhkwéta ne rohkháres iáh tehatientéri; Ne ratiʼkoráhsons iáh tehionkewenhnahráhkwen; ne rohtitokénhse Baal rahosénnhakon tsi wahontháti tánon wahkonhwahsénnahien ne iáh othènenh tekariwástha kahiatónni.

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Jeremiah 23:10

Ne tsi ionhwenhtsáte titkáhereh nonhkweshón꞉a ne iáh tehiakoriwahtóken rahonháke ne Roiá꞉ner; kariwáksen tsi nihononhnhétie tánon ó꞉ia ní꞉ioht tsi ronatstonhátie ne rahotiʼshastsʼténseras. Ne karihónnis tsi shaʼkorewéhtha ne Roiá꞉ner nohóntsa wahkahiésah tánon ne tsi konwahtiʼterontákwah ne katʼtshénenh onstátʼthen ne kahentáhke.

Jeremiah 23:11

Ne Roiá꞉ner ráton, “Ne rothitó꞉kense ó꞉ni ne rotikháres kwáh iáh tehothiniʼioseráhien; Iekènʼa kheʼharáhse kariwáksen tsi nihóntiera ne ononhsatokentiʼkówaʼne.

Jeremiah 27:15

Rahonhatsíwah ne Roiá꞉ner ráwenh tsi iáh rahónha tetheshaʼkotheniéthon tánon raoʼsénnakon tsi iehtsiʼhianowenhtaniónnis. Tánon káti kwáh entsiʼsehwahiatínekenʼwe, tánon enietʼtsinonhwahrhiakónnion, i꞉se tánon ne rotitokénhse tsi niʼhietsihianowenhtaniónnis.”

Jeremiah 32:32

tsioríhwa tsi níkonh ne karihwahétken tsi nihonahtiéren nonhkweshón꞉a ne Judah ó꞉ni ne Jerusalem nónhwe, skátke ne raotinonhtí꞉ios ó꞉ni ne ratikoráhsons, ne raononhkwetaʼshón꞉a ne rotikháres ó꞉ni ne rotitokénse.

Jeremiah 42:1

Ethóhʼne rathikwékon ne rathisennhowahnenhs ne ronhterí꞉ios, rahiathare ne Johanan ne roʼníha ne ne Kareah ó꞉ni ne Azariah ne roʼníha ne ne Hoshaiah, tánon kwáh tsi niatehionkwétahke skátke tsi tahónnhe

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Lamentations 4:13

Nok thoniʼiawén:en, iehonataweiáthon neh tsi rothiriwáneren nahonkwetaʼsónhas ne iehathiriwákens tánon nahotsihénstatsis rothinhíkon Neh tsi ronnónha rothirihónni iakawenhéion nónkwe ne iathénen tehothinhíkons.

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 3:5

Káti ráton ne Roiá꞉ner tsi nokwáh ne rotitokénhse ronónha waʼsakonathahará꞉kwahte nakonkweʼtashón꞉as; ne nó꞉nen thé꞉nen rotí꞉ien nahónhneke ronónha tehotihenré꞉tha ne “skén꞉nonk”; nó꞉nen ne iáh othé꞉non teotí꞉ien nahónhneke, ethò꞉ne enhonterí꞉io ne raónha.

Luke 16:14

Tsinihati ne Pharisian ronataonsatekȣe tsinahoten ȣahenron ok tahonȣaieron aseken rohnaskennhasene ne rononha.

1 Timothy 3:3

iáh tehówenk nahanekahkátsʼtake tóhkaʼ ó꞉ni naronkwetatʼsénhake, ónk ahontahorihwahiérike ó꞉ni sákʼtakénhake; iáh tehówenk nahawistanorónkwahke;

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!