Jeremiah 6:11 - Ohiatonhseratokénti

¹¹ Ne shanakwáhtshera tsi nòkwa ne ronónha tiotétsʼnonh ní꞉i nahkonháke, Saiá꞉ner, tánon iáh tatkwéni ne sénha akahthakátsthate.” Ethò꞉ne ne Roiá꞉ner wahakénhase, “Tasáweron nakenakwáhtsera rononhà꞉ke ne ratitsaokónhas thóh tsi kanatʼtathátse tánon thóh tsi ronatsataró꞉ron ne kenhnithotiiónsa. Ne rotiʼiakʼkons one ne iotiʼiákʼkons kwáh ki ienhkonwatiʼtenháhseron, tánon iekaníhare ne kwáh tsakóions kwáh iáh tashionthatenónstate.

Jeremiah 6:11 ပူးပေါင်းရင်းမြစ်များ

Isaiah 40:30

Iekaníhaʼre ne kén nithonʼtihiónsas enhontesatstenhserók꞉ten tánon tehatiwisénheʼie, tánon ne kén niksakohiónsas kwáh enhatiʼiatiénenhne tsi niʼiakotónhriokʼte;

Jeremiah 15:17

Iáh tewahkatiesáhthon ne tsi nikawistáheks nakóren ahiakwakwekhonhatiésehke, ahionkwahieshón꞉hake tánon ahionkwatenikonhróh꞉rike. Tsi wakatewénhnarahkwe tsi niskhenáhon akonhatsíwak tsi wahkatahtíteron tánon wahkatenahkwawenhráhti.

Jeremiah 15:6

Íseh ne tiónkwe tahkwahkenronníhon; waskwahtswahthénien. Káti hiatkanénhstste tánon watkwahskwáhsehron tioríwa tsi wattetkwisénheʼie tsi niwahkathatienahwákon tsi niwahkenahkwénhʼen.

Jeremiah 18:21

Ók nónhwa, Saiá꞉ner, ánion ne sakothiʼienokónha athonkarhiákon rotírhiot; ánion ateriʼiosehráhkon nónwe nihonníheʼie. Ánion ne iothiniátkons ionáhtons tsi iotiniákons ó꞉ni ne akotiʼienʼokónha; ánion ne ronnónhkwe kanrahtharinhétshera rohtírhiot tánon ne kén nithóhtihiónsa tsi wahterí꞉io nónhwe nihonníheʼieh.

Jeremiah 20:9

Ók nónen enkíron, “Kwáh enhihiatahnikónhren ne Roiá꞉ner tánon iáh ónen teskahtátis ne raosénnahkon,” thóhʼne ne saterihwanhotátshera thóh nenháwenhne tsi ní꞉ioht nótsire iothékha ne tsiathákon. Iaʼtewahkatatʼtsiaháton ne thóh ahonthónthaʼke, ók iáh tatkwéni nahonkathoráhrakon.

Jeremiah 5:9

Iáh onhtèken thatehiothonwenhtióhon natʼkheréwahthe kíʼ nahorihoténsons tánon nahonsakʼkárhiate rononháke ne thóh nihionkweʼthó꞉tens tsi ní꞉ioht kí꞉ken?

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

Jeremiah 9:20

Wakíron, “Tsi sewathahónshatat ne Roiá꞉ner, í꞉se ne tsi sehwathonwísen, tánon sehwatennikonráhren ne raowenhnasónʼa. Ietsirihónnien ne sewahiathasehtserahsónʼa tsi ní꞉ioht ne ahiontsiónnion, tánon ne sehwatsihókon tsi ní꞉ioht ne taieríwahkwe ne iontatsathatahástha karennasón꞉a.

Jeremiah 9:21

Kenhéion tsi ionkwahtenonsthonkwahkáronte nónwe thontáwehiaʼte tánon ontáwehiaʼte ne tsi ionkwahnonsóhton ne tsi ionkwahnontiʼiotsheráien; wahakohahíhiaʼse ne ratitsahokón꞉a ne kanahthakónson ó꞉ni ne kennithothihiónsa ne tsi iontʼkeronthákwah.

Lamentations 1:15

“Ne Roiá꞉ner wahostériste ne kwáh tásaste nakonkwéta raterí꞉ios; Ronterí꞉ios tasakothéniete nasakóthonte nakonkwetaʼsónhas nithotihiónsas. Wahtesakoskwáseron nakonkwetaʼsónhas tsi ní꞉ioht ne tsi tehionhiarithákwa noʼnénhare káhik.

Lamentations 2:21

Nithontihiónsas óni ne rothitsténhas kwáh satèhiot tsi tekaiatotáron rhonenhéion ne kanatakésons, Nithotihiónsas ó꞉ni ne konʼnónkwe, neh tehontátswens ahsarekówa ronásthon tsi ronwanaséthon. Wasehiawéntho kwáh iáh kanèka nataniténron ne wenniserátekwe tsi nisanakwénhenʼne.

Ezekiel 24:21

Nisraeró꞉nonhs nahonthakwáhion kí꞉ken ateriwahnothátshera: Sehwahthatónhni tsi nikashástsʼte nononhsatokentiʼkówa. Tionwéskwahni nahisehwahkenhénhion tánon niahisehwahnahtaréhnen, ók kíʼ ne Roiá꞉ner henhahétkente. Tánon ne kén nithotihiónsa ne sehwahwatsiráhkon ne Jerusalem nónhwe niatehonathaténron kwáh tsi wahterí꞉io nónhwe nenhonwahtinonhwahrhiákon.

Ezekiel 3:14

Kwáh í꞉ken tsi ioshástste tsi onhtiató꞉renhne ne Roiá꞉ner raoshaststénsera, tánon tsi iahontiaténhawe ne raoshaststénsera, wahkonhnátsenhne tánon onhkenáhkwenh.

Ezekiel 3:3

Tánon wahakénhase, “Rónhkwe iaiénha, ísek kí꞉ken kahiatonserahkweʼnónhni nètho takónhion tánon ne enkonhnekwénhtike.” Wáhkehke, tánon ètho nihiakonhonwetseró꞉ten tsi ní꞉ioht ne otsinakonhthakwáhne otsikhéta.

Ezekiel 9:6

Sehnonwarhiákon ne rotiksténhas, nithohtiʼiónhsa, nitiotihiónsa, kanisténseras, tánon ratiksahokónhas. Ók tó꞉sa kén niasèier nónhka ne tehonaʼtenkwaʼrenhiáton. Kénʼen Akenonhsatokentiʼkówahne iasathá꞉sawenh.” Sók kíʼ ne tahontashawénhkwe ne sakothihéntenseh ne thóh ronhnéthonkwe NʼOnonsatokentiʼkówahne.

Micah 3:8

Ók kíʼ ní꞉i, kwáh tiataná꞉non naoshatsténhsera né꞉ne raoshatsténhsera Roiá꞉ner, tánon skátne ne kaiáneren ó꞉ni ne kaʼshatstenhserowá꞉nen, né nahiró꞉ri ne Jacob ne raoriwaneraháktshera ó꞉ni ne Israel aorihwaneraháktshera.

Luke 17:34

Ȣakȣarori neh nonȣe teȣasontate teniiase enhninastseke skanaktatne: saiatat enhonȣaiena, nok enhonȣatkaȣe ne saiatat.

Acts 17:16

Tsi nikaríwes ne Kór Athens nónwe thesakórare ne Silas tánon ne Timothy, kwáh íken tsi tahanikonrén꞉ne sahatʼkátho tsi titʼkahiathonniserá꞉here neh non nikanátaien.

Acts 18:5

Shahánewe ne Silas tánon ne Timothy nehne Macedonia nathontáne, Ne Kór kwá nek khók wahohióten wahoteriwanótʼthase ne Ié꞉sos, sakonikonraientaténnis ne Sitaeró꞉nons tsi Ié꞉sos seh ne Kerístos.

Acts 4:20

Asèken iáh tahiakenikwéni nahiatiátʼkaʼwe tsi hionkenitharákwen ne hiatehiakenihiáti hionʼtiatʼkáton ó꞉ni hiontiatʼthontéʼon.”

Revelation 16:1

Eʼthò꞉ne iowénhte wakewenhná꞉ronhke thóh nontá꞉we ononsatokentikó꞉wane iakoró꞉ris ne tsá꞉ta nihá꞉ti ratironhiakeró꞉nons, “Wáhs tánon tasewawéhron ne tsi ionwenhtsá꞉te ne tsá꞉ta nikatshetákes ne raoterhiatitkhóntshera ne Ní꞉io.”