Jeremiah 52:31 - Ohiatonhseratokénti

³¹ Nètho shiʼiosehráte ne Evilmerodach wahononhí꞉ioʼne ne Babylonia nónhwe, wahawenésten ne kanoronhkwáhtshera rahonháke ne Ronnonhtí꞉io Jehoiachin ne꞉ne Judah nónhwe tsi sahononhthónko. Ne kí꞉ken ne tewáhsen-wísk shiwenhniserahkéhaton ne꞉ne tékeni-iawénhre shiwenhnitakéhaton ne꞉ne asenhniwáhsen-tsáta shihiosehráke ne Jehoiachin shiahonwahiaténhaʼwe nahonwahnóton.

Jeremiah 52:31 ပူးပေါင်းရင်းမြစ်များ

Genesis 40:13

nahsénhaton nenwenhniserá꞉teke ne Pharaoh enhshiahnhontón꞉ko, enhshiaʼnikóhnrhenʼse, tánon enhshiarihón꞉ten tsi nitisaioʼtenhseroʼtén꞉ne; entéhtshon ne Pharaoh ne raótshe teionthnekontáhkhwah, kwáh kiʼ tsi nihshiéhrhahkwe ne ní꞉se sihtshioʼtenhséhahkwe.

Genesis 40:20

Nasénhaton siwenhniserakéhaton, thóh sikahá꞉wi tsi niehsháhehskwe ne Pharaoh, wahshakokhwahéhrhahse ratikwé꞉kon ne raonkweʼtaʼshón꞉ʼahs, sahohnhotón꞉ko nohén꞉ton ié꞉rate ne ráhahs ne teiontnekontáhkhwa tánon nohén꞉ton ié꞉rate ranaʼtarón꞉ni ne skatne rón꞉neʼskwe ne raohnhaʼtsheraʼó꞉konʼs.

Job Tánon ne Raoronhiakensera 22:29

Nó꞉nen ne ronónha ronwanatehá꞉ton, tánon ní꞉se sáton tonsaietsí꞉tatsʼ ethò꞉ne ne raónha ensakonónstate.

Psalms 27:6

Nón꞉wa ne kenontsíne kakétskwe éhʼneken í꞉ken tsi rón꞉nes né iónkswenhs kwáh tehionkatiathataséhton, tánon né iéntʼtate ne raothosehrákon enkatienkwahrón꞉niate tsi natenhwakkhénrehte nattienhnonhniátsera; Kwáh tenhkerihwakwáhnion tánon enkaterenhnotónhnion rahohénton ne Roiá꞉ner.

Psalms 3:3

Ók ʼI꞉se, Saiá꞉ner, ne tehioniatasthá꞉kwa í꞉ken ne tewakénes, I꞉se nakerenhsharón꞉tshera í꞉ken tánon i꞉se takenikonranírats.

Proverbs 21:1

Roiá꞉ner tho niwatié꞉sen tsi thoʼniaro꞉taro ne ronontí꞉io raoʼnikòn꞉ra tsi kiʼ niwatié꞉sen tsi nithoniaro꞉taro nohnekaʼshón꞉ʼa.

Jeremiah 37:1

Ne Ronnonhtí꞉io Nebuchadnezzar ne ne Babylonia nónhwe Zedekiah wahonnonhtí꞉iosthe, tsi ní꞉ioht ne Jehoiachin ne tsi wathonwénhtsiaien ne Judah, ne Zedekiah ne rohniha ne ne Josiah, ók ne Jehoiachin ne rohníha ne nènhne ne Jehoiakim.