Jeremiah 52:29 - Ohiatonhseratokénti

²⁹ Ne satèkon-iawenhréhaton shiʼioseráhke shihononhtí꞉io, 832 niháti ieshakohnónhkon ne Jerusalem nónhwe.

Jeremiah 52:29 ပူးပေါင်းရင်းမြစ်များ

Genesis 12:5

Abram iahshakoiaʼténhawe ne ró꞉ne Sarai, tánon ne raonhwatén꞉a Lot, tánon akwé꞉kon ne raotiientáhtshera ne ronatatehrohró꞉ki, ó꞉ni ne ratináhskwaʼs ne rononkweʼtaientáʼon ne Haran nónwe, tánon waʼthonhthá꞉hahkweʼ tsi tiohontsá꞉ien ne Canaan niahón꞉ne. Shiahón꞉newe ne Canaan,

2 Kings 25:11

Ethó꞉ne ne Nebuzaradan Babylonia niaʼsakohiaténhawe nonhkweʼshón꞉ʼas ne iatehonathaténhron ne kanatowanénhke, ó꞉ni ne iatehonathaténhron ne rotihiotenhserarenhnáʼons, tánon tsi niʼiákon ne Babyloniánoronhke nón꞉we ieiakonakeráhkwen.

2 Chronicles 36:20

Raʼtikwé꞉kon Babyloniaró꞉nonke niashaʼkoiaténhaʼwe ne niaʼteonathaténhron, thóh nón꞉we nahonwaiótenhse tánon ne tsi ienhontwatsiríhne tsi enshakonaskónhni tsi nió꞉re tenhtʼthátaʼne ne Persiaró꞉non Rakóra.

Exodus 1:5

Né tkhakwékton tsi niháti kí꞉ken onhkweshón꞉aʼs né꞉ne kwáh Jacob nónhwe nithonatwatsirínon tsáta niwáhsen nihatiʼhiatásen. Ne roʼiénha Só꞉se ó꞉nenk nènhneʼe Egypt nónhwe iéhres.

Jeremiah 32:1

Ne Roiá꞉ner wahakthárahse ne ne oieríhaton shiʼiosehratátie nètho Zedekiah shiʼhononhtí꞉io ne Judah nónhwe, né nónh né ó꞉ni ne sahtékon—iawénhre shiʼiosehrahkéhaton né Nebuchadnezzar shiʼhononhtí꞉io ne Babylonia nónhwe.

Jeremiah 39:9

Ethóhʼne ne Nebuzaradan, ne rahnenhrahkwení꞉io, thóh ní꞉ioht tsi iashakohiaténhaʼwe Babylonia tsi shí꞉ken ní꞉ioht ne rathinhóton ne tsi nihiákon iaʼtehiakothaténron ne kanatowahnénhke, skátke tsi nihiákon ne rahonháke nónhwe nihonwatewenhtéton.

Jeremiah 52:12

Ne wískhaton shiʼwenhnithakehátse, ne ne oieríhaton shiwenhnisehrahkéhaton, ne ne tiotónhaton shiʼhiosehrahthátse ne Nebuchadnezzar shiononhtí꞉io ne Babylon nónhwe, ne Nebuzaradan, né rahnenhrahkweníhiokwe ne rahthiʼnikonhráhrahkwe, roterihónthaʼkwe ne Babyloniaró꞉non Raononhtiʼiotsherákon, iahárahwe ne Jerusalemke.

Jeremiah 52:28

Kén kahiáton tsi nihionkwétahkes nètho Ronnonhtí꞉io Nebuchadnezzar ieshaʼkohiaténha nahonwahtinhóton: ne꞉ne tsatákhaton sihiosehrahkehátie shihononhtí꞉io 3,023 niháti.

Jeremiah 52:30

Tánon ne tewáhsenh-áhsenh shiʼiosehrahkéhaton, 745 nihionkwétake nenhné꞉e ieshakohiaténha ne Nebuzaradan. Noriwahkwékon, 4,600 niháti iehonwahthiʼhiaténha.