Jeremiah 52:27 - Ohiatonhseratokénti

²⁷ né꞉ne tsi wahthonwénhtsaien ne Hamath. Éhtho nónhwe ne Ronnonhtí꞉io wahaténnhaʼne nahonwahtiʼnonhwenhsehrhiárhio tánon nahonwahtiʼnonhwahrhiákon. Káti ne Judahró꞉nons iahontiiathénhawe tsi wahonwanenhnakerakwáhte ne rahononhontsá꞉kes.

Jeremiah 52:27 ပူးပေါင်းရင်းမြစ်များ

2 Samuel 8:9

Nó꞉nenh ne Ronnontí꞉io ne Toi ne ne Hamathró꞉non waharihwáhronhke nètho Táwit tsi sakosénhnion ieshakosaháton ne Hadadezer raotsió꞉kwa ronterí꞉io,

2 Kings 17:20

Né Roiá꞉ner waʼshakokénron ratikwéʼkons Nisraeʼró꞉nons, sakorewathonhátie tánon thóh niesakohiaténhas tsi rónhnes ne ratiniakátste tehontátʼtions kwáh tsi nióre éhren waʼsakohiatenháwite ne rahohénton.

2 Kings 17:23

kwáh tsi nióre ne Roiá꞉ner éhren washakoiatenháwite ne rahohénton, kwáh kíʼ tsi nihorarátston rahonháke ne rahonkwéʼta rotó꞉kense tsi kwáh thóh nenháiere. Ká꞉ti nonkweʼshón꞉ʼas Nisraeʼró꞉nonke Assyria nón꞉we iahonwananahkerákwahte, tánon shé꞉kon thóh nón꞉we thatinákere.

2 Kings 23:27

Ne Roiá꞉ner wahénron, “Kwáh thóh nenhtiéraʼse ne Judah tsi kíʼ nitserá꞉se Israerʼró꞉nonke: Kwáh éh꞉ren enkheiatenháwite nonkweʼshón꞉as nakʼkénton ne Judah nón꞉we, tánon entʼkénron ne Jerusalem, né꞉ne kanatowanénhke ne wakerákwen, ó꞉ni noʼnonsatokentiʼkó꞉wa, né꞉ne thóh nón꞉we niwaʼtenátaien ne wá꞉ken thóh nón꞉we nenhiontsenhnaiénseʼke.”

Isaiah 24:3

Ne tsi watonwenhtsá꞉te kwáh í꞉ken tsi enwatsesátonhke tánon kwáh í꞉ken tsi sén꞉ha enhontsaʼtakwení꞉ioste; asèken Roiá꞉ner kí꞉ken thowenninekénhen kí꞉ken owénhna.

Isaiah 27:10

Asèken ne tekanatanaktonhkwe nek khok iatetsó꞉thatenhron, nètho ratinakerekwe ró꞉nanahkerakwen tánon ronatewenteton, kwáh né꞉ne iahonwenhtsiát꞉thenhake í꞉ken; thóh nón꞉we ne tionhnonskwahrons owí꞉ras nikontihontats, thóh kontenaskwahiens, tánon enkontinahtoskaronhko nahonhatasonhas.

Isaiah 43:28

Né ká꞉ti wahónhni khehetʼkenton ne ronaterihóntons nononsatokentikówaʼne, Iehiʼiatʼkáwen ne Jacob tsi nó꞉kwah natkaronhniá꞉tshera, tánon Israel né nènhneʼe nakonwakenrenhserón꞉ni.

Jeremiah 13:19

Ne kanahthakónhsons nenhtiéʼne nòkwah ne Judah tsi tekonwanahthánenh; iáh ónhka tahónton né niáhien. Onhkwetahkwékon ne Judah tsi ronwahnahnakerahkwáhthon.”

Jeremiah 20:4

Kwáh raónha ne Roiá꞉ner ráwenh, ‘Kwáh enkhonhiónnien ne asatʼthatʼteronkweʼn tánon ne sehwatenrohokónhas, tánon kwáh enséhken ratikwékon enhonwatiʼnonhwarhiakónnion ne ne rahonashareʼkówah énhonste ne tehontátsons. Kwáh ratikwékon nonhkweshón꞉a ne Judah nónhwe thóh nónhwe nenhkhéteron rahoshastsʼtenserákon ne Babylonia rononhtí꞉io; ótiake ienshaʼkohiaténhaʼwe ne rahonakerahsehrákon ne ashakonhóton ók ótiake enshaʼkononhwarhiákon.

Jeremiah 21:7

Ók nonkʼní꞉se, shonkwetahshón꞉a, ó꞉ni ne iaʼtenhonahtátereh ne tsi wahterí꞉io, nathonkárhiakon, ó꞉ni ne kahnrahtarinhétshera—kwáh enkatʼthóntahte ne sehwahkwékon ne rononhtí꞉io Nebuchadnezzar ahtsisehwahiéna skátne ne tionkwetaʼshón꞉as ronterí꞉ios, tsi natehonathonhontsóni nahiétʼtsinonhwahrhiakónʼnion. Nebuchadnezzar entsiʼsehwahnonhwarhiakónʼnion. Kwáh iáh ónhka tsi nítsion thatsisehwahiatanónhsthate iáh ó꞉ni tahrénesʼthe nathaniténron iáh ó꞉ni ne karhothóntshera tsi nahthétsion. Í꞉i, ne Watiá꞉ner, wahkatáti.”

Jeremiah 39:10

Ók ne kwáh thóhʼtíten ne ne kwáh iahothénenh tehotiʼhienthatseráhien ne Judah nónhwe iáh né tseshakohiathénha, tánon ne thashakáwenh ne kanenharahientʼthóhsehron ó꞉ni ne kahenthashón꞉a.

Jeremiah 39:9

Ethóhʼne ne Nebuzaradan, ne rahnenhrahkwení꞉io, thóh ní꞉ioht tsi iashakohiaténhaʼwe Babylonia tsi shí꞉ken ní꞉ioht ne rathinhóton ne tsi nihiákon iaʼtehiakothaténron ne kanatowahnénhke, skátke tsi nihiákon ne rahonháke nónhwe nihonwatewenhtéton.

Jeremiah 52:9

Ethóhʼne Ronhnonhtí꞉ioʼke niaʼhonwahiaténhaʼwe ne꞉ne tsít kanatowahnénhke ne Riblah thóh nónhwe iéresʼkwe ne Nebuchadnezzar ne꞉ne tsi wathonwénhtsiaien ne Hamath, tánon thóh nónhwe ne Nebuchadnezzar tahoriwénhte.

Ezekiel 33:28

Kwáh ne enhkónhniathe ne kanakeráhsera nahiahontsaʼiéssa, tánon ne kashastsʼténsera né rahthinaiekwe kwáh ienwahtotʼten. Ne tsi ionnonhtaronhnions ne Israelke thóh nióre tsi karahkon í꞉ken kwáh iáh ónhka tahónton né ahiontó꞉hesthe.

Micah 4:10

Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

Deuteronomy 28:36

“Ne Roiá꞉ner ieniahiaʼténhawe ó꞉ni ne sanonhtihiótshera nákte nón꞉we tionhontsá꞉ien, ne nón꞉we ní꞉se tánon ne sesoʼthonkonhkén꞉en iáh nonhwénton tsesewanákereʼkwe; tho nón꞉we ne tensehriwásniese ne niʼiohokón꞉as ne oiénte tánon onénhia nahó꞉tens ionhniáton.

Deuteronomy 28:64

“Ne Roiá꞉ner kwáh tenhtsisewaréniate tsi ienakerénion nonhkweshón꞉as, ne tsi iehiotonhontioktaníhons, tánon tho nón꞉we nenieʼtsiió꞉tenhse ne nihiohokón꞉as né꞉ne oiénte tánon onénhia ionhniátons, né꞉ne nihiohokón꞉as ní꞉se tánon ne ietsisoʼthonkonhkén꞉en iáh nonhwénton tethiʼtsishén꞉naien.

Deuteronomy 4:26

Nón꞉wa wenhniserá꞉te kheriwanonhtón꞉nis ne tsi karonhiá꞉te ó꞉ni ne tsi ionhwentsá꞉te nahontenhnikónhraren tsi nisewatié꞉ra, tó꞉ka iáh taskwawenhnarà꞉kwe, kwáh ki iostó꞉re ensewahiaʼtáton ne tsi ionwenhtsà꞉te. Iáh thaiónhnise thahitsónhnheke nonhontsà꞉ke ne tahisewahià꞉iake ne Jordan tsi ó꞉nenh thóhwa iahisewatié꞉nawatste. Kwáh ki thóh kén꞉en tsi ensewahiatà꞉ton.