Jeremiah 52:24 - Ohiatonhseratokénti

²⁴ Tánon ishiʼnónhwe, ne Nebuzaradan ne꞉ne rahsenhnowáhnen, iashaʼkohiaténhaʼwe nònhʼne ne nashakonhóton Seraiah ne꞉ne ratsihenstowáhnenh tánon ne rohiatanónhʼne Zephaniah, tánon ne áhsen niháti ne ohénton iehonʼné꞉ton tehontenhenráhnonhʼne.

Jeremiah 52:24 ပူးပေါင်းရင်းမြစ်များ

2 Kings 23:4

Eʼthó꞉ne ne Josiah waʼónahne ne ratsihenstowá꞉nen Hilkiah, ó꞉ni ne roiatanón꞉hne ratsihénstatsi, tánon ne ratinikónhrare ne tsi ieiontaʼwehiathákwah Nononsatokentiʼkó꞉waʼne nahontahatiʼiákenhwe akwé꞉kon tsi nahoténsons ne rónstha tsi akonwasén꞉naien ne Baal, né꞉ne kaní꞉io Asherah í꞉ken, tánon ó꞉ni notsistokwasónhas. Né ronnontí꞉io akwé꞉kon wahatsahathánion kíʼ tsi nihonstasónhasʼkwe náts꞉te nakaʼnatháti ákta ne Kidron ahonráʼkwakon tánon né wakenronthákwen Bethel né nón꞉we niahatíʼhaʼwe.

2 Kings 25:18

Tsiesʼká꞉te, ne Nebuchadnezzar, né rasennowánen, iahoiaténhawe nahonóton ne Seraiah né꞉ne ratsihenstowáʼnen í꞉ken, né Zephaniah rahón꞉ʼa ne thó ísrahte né kwáh é꞉neken tót꞉te ratsihenstowáʼnen, tánon nasén꞉niháti nó꞉ia thó natʼtsénhnates ronaterihónton nononsatokentikóʼwaʼne.

1 Chronicles 6:14

Né Azariah né꞉ne ieshoiénha ne Seraiah. Ók ne Seraiah né꞉ne ieshoiénha ne Jehozadak.

Ezra 7:1

Wé꞉so iosehráke onákenhke, nó꞉nen ne Artaxerxes shiakoraʼkó꞉wa ne Persia nón꞉we, thóh ranakerè꞉kwe rónhkwe Ezra ronhwá꞉iatskwe. Shasakowatsirí꞉shake ne sakosotkén꞉en tsi nió꞉re ne Aaron, né꞉ne ratsihenstowá꞉nenʼne, ken ní꞉ioht: Ezra ne roʼnikén꞉en né꞉ne Seraiah, ne roʼnikén꞉en né꞉ne Azariah, né꞉ne roʼnikén꞉en ne Hilkiah,

Psalms 84:10

Asèken sewenní꞉sera sanonsatokentiʼkówaʼne iakerihórhiaʼte sénha ne tsioiánere tsi ní꞉ioht ne énska niwenhnawehetserásen niwenhniseráke nakteʼnónhwe iakerihórhiaʼte. Sénha ne tkerákwas thóh aktáke tsi iehiontawehiatákwah ne raononsatokentikówaʼne nakeNí꞉io tsi ní꞉ioht thóh akiterónh꞉take tsi rotinón꞉shote ne ionhkwetahét꞉kens.

Jeremiah 20:4

Kwáh raónha ne Roiá꞉ner ráwenh, ‘Kwáh enkhonhiónnien ne asatʼthatʼteronkweʼn tánon ne sehwatenrohokónhas, tánon kwáh enséhken ratikwékon enhonwatiʼnonhwarhiakónnion ne ne rahonashareʼkówah énhonste ne tehontátsons. Kwáh ratikwékon nonhkweshón꞉a ne Judah nónhwe thóh nónhwe nenhkhéteron rahoshastsʼtenserákon ne Babylonia rononhtí꞉io; ótiake ienshaʼkohiaténhaʼwe ne rahonakerahsehrákon ne ashakonhóton ók ótiake enshaʼkononhwarhiákon.

Jeremiah 21:1

Ne ronontí꞉io Zedekiah ne Judah tahoténieʼte ne Pashhur ne ne Malchiah roiénha ó꞉ni ne rokháres Zephaniah ne ne Maaseiah roiénha ne tsi nihoriwahnónhton:

Jeremiah 29:29

Ne Zephaniah wahakewenhnahnhótʼthase,

Jeremiah 34:21

Enhihiatiakwahríshi nònhne ne Ronhnonnonhtí꞉io Zedekiah ne Judah nónhwe ó꞉ni ne rahonkwetahshón꞉a ne nónhka ronnére ahonwahtinonhwahrhiákon. Ne ienkhehiatiakwahríshionʼse ne Babyloniaró꞉non ronterí꞉ios, ne tsi tehothitáon tsi ieietʼtsihiatsiatónties.

Jeremiah 35:4

tánon tsi Ononhsatokentiʼkówahne takhehiaténhaʼwe. Tsi thóh thinákʼthaien ne ratiʼkwekónʼne ne ne rotokenhséhaʼkwe Hanan ne roʼníha ne ne Igdaliah. Kí꞉ken ionákʼthaien ne ne kanhotsioharáhke ne ne tsi ronákʼthaien ne Maaseiah ne roʼníha ne ne Shallum, iorihowáhnen tsi ní꞉ioht tsi roteríhonte Nononsatokentikówahne, tánon ákta ne tsi ionakʼthaiénton ne ó꞉ia ronahterihóntons.

Jeremiah 37:3

Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Jeremiah 52:12

Ne wískhaton shiʼwenhnithakehátse, ne ne oieríhaton shiwenhnisehrahkéhaton, ne ne tiotónhaton shiʼhiosehrahthátse ne Nebuchadnezzar shiononhtí꞉io ne Babylon nónhwe, ne Nebuzaradan, né rahnenhrahkweníhiokwe ne rahthiʼnikonhráhrahkwe, roterihónthaʼkwe ne Babyloniaró꞉non Raononhtiʼiotsherákon, iahárahwe ne Jerusalemke.

Jeremiah 52:15

Ne Nebuzaradan, né rahnenhrahkweʼní꞉io ne rahthinónhʼne, ethóhʼne tsi ní꞉ioht ne ronwahnahnekerahkwáhton iashaʼkohiaténhaʼwe ótsiake ne kwáh rohtíten nonhkweshón꞉a tánon tsi nihiákon ne shé꞉kon iakothaténronh ne kanatowáhnenh, skátʼne ne rohnáhtsakes ne niaʼtehathihiotenhsehráhkes ó꞉ni ne tsi niháti ne rohnahtèkwenh tánon iehonwahtsataráhni ne Ronhnonhtí꞉io ne Babylon.

Lamentations 4:16

Ne Roiá꞉ner kwáh iáh ó꞉nen thènen tesesakotsterístaʼkwe; kwáh rahónha wahtesakoréniaʼte. Kwáh iáh ohthènen tesesakokweniénston nonkwatsihénstatsis tánon neh ionkhihéntense.

Ezekiel 11:7

“Káti ne kí꞉ken tsi nahó꞉ten ne Í꞉i, ne Wakenonhtí꞉io Watiá꞉ner, konhrorhiánions níse. Kíʼ kénʼen kanatowáhnenh tóhske ne꞉ne iekhnonniátha ónhtak í꞉ken, ók nahó꞉ten káti nowáhronh í꞉ken? Né꞉ne ohieronhtashón꞉ʼas ne ietsinonhwahrhiakónnion! Iáh kénʼen tahisehwésheke—kwáh enkwahiatínekenwe ne kanatowahnénhke!

Ezekiel 24:5

Né ísats nowáhron ne kwáh tiorèhsen teiotinakaronhtónha; óiente skéron ne kanahtsiókon. Tánon tesnekónhtiet; tesnekónhtiet nóstsiens tánon nowáhron.”

Ezekiel 34:10

Í꞉i, ne Wakenonhtí꞉io Watiá꞉ner, wakatró꞉ri tsi Í꞉i ne kwáhsons. Éhren enkhehiatenháwithe ne tionháke tánon iáh shé꞉kon nonhwénton tahonsaietʼtsihiatenhnikonhráhren; iáh nonhwénton shé꞉kon tahonsahkwahríhon ne ísek khók ahisehwathatenhnikonhráhren. Enshekheniákenhthe nakhitshenenhókonhs teiotinakaronhtónha ne tionháke tánon iáh takwahríhon naietʼtsiwáhrahke.