Jeremiah 52:18 - Ohiatonhseratokénti

¹⁸ Tánon ó꞉ni kwáh akwékonh iahatíhawe nakareniáthas ó꞉ni ne ionkenronhthakwáhtha ónhtak ne rónhsthaʼkwe ne tenhonthohtároh ne tsi ietienharáhkwah, tsi nihionsthakwahshónhas nónenh enshonthasehrahserónhni, ne kattseshónʼas tsi nihónhsta nónenh enhontenekwenhsahteweiénhton tsi nenhkonhwahtsatatʼtsáhaʼte ne katshénenh, ne kátshes ne ronhsthákwah nónenh enhontsienkwahrónhniaʼte, tánon akwékon nohiáshons nihiothánions tsi nihonhsthákwah Nononhsatokentiʼkówahne.

Jeremiah 52:18 ပူးပေါင်းရင်းမြစ်များ

1 Kings 7:40

Ne Huram kwáh ó꞉ni wahatenationniánion, akareniátas, tánon akeraʼsónhas. Akwékon wahohiothenhserísahaʼse ne Ronhnonhtí꞉io Solomon né꞉ne Roiá꞉ner Rahononhsatokenhtiʼkówa ahorihwáke. Né kí꞉ken tsi nahoténsons rosahánion: Ne tekanawahá꞉thakes Ne tekátsakes tsi roieronhtónhni ne iewathohára kanawahathakénhiaʼte Né tsi nihorasthánions ne tekanonwaiewénhton oronhkwásas ne skát꞉tsons ne kanawahathakenhiátes ioháron Ne 400 níkons otsínekwar karístatsis ne tehiohiatsikhétare thethotenienténston rosahánions, né꞉ne tehiotinenhrakeháties né꞉ne 100 níkons tehiokwahtaséhtons ne skát꞉tsons ne hiononhwaró꞉rons ne kanawahathakénhiates Noiéri nikaseréthakes Noiéri níkons onhtaksónhas Nontakówa Ne tekeniʼiawénhre niháti sakohiatonhniánions tèro né ronanenhsarákwenh nonhtakówa Nontaksónhas, iekareniátats, ó꞉ni nakerasónhas Akwékon né꞉ne Ononhsatokentiʼkówaʼne wasthasónhas, né꞉ne Huram rosenhénhni ne Ronhnonhtí꞉io Solomon, né꞉ne tekastaratʼthétons notsínekwar karísthatsis í꞉ken.

1 Kings 7:50

ne tehiontnekhonthákwahs kát꞉tses, Ne kahásehras waswá꞉tas, nakerasónhas, ne wateksarákwah ne ionhtienhkwahronhniathákwas, tánon ne onhtatkʼsónhas né iehástha ne ioswenhthataríhens; tánon ne watenohanihionthákwas ne tsi nónhwe ne kwáh iotokénti íken tánon ne ástste nòkwahti ionohentónhnion Nononhsatokentiʼkówaʼne. Akwékon kí꞉kens ne kanónskon tsi niʼiéiens akwékon owistanó꞉rons ionhniáton.

1 Chronicles 28:17

Kwáh ó꞉ni washakonikonhraientháten thóh nakonháke nowistanórons áhonste tsi enhonhnón꞉ni ne tsorahwesthákwas, akerasónhas, tánon ne ówise katʼtshesónhas, thóh nakonháke nowistanórons ahónstonhke nahionhníhake ne tehionskahónkwas akerasónhas,

2 Chronicles 4:11

Né Huram kwáh ó꞉ni wahatenationhniánion, rahkareniátha, ó꞉ni katsesónhas. Akwé꞉kon niahasahánion tsi nahoténsons rorahratsʼténhni ne Ronnontí꞉io Solomon tsi enronhniánion Nononsatokentiʼkówa aorihwáke: Né tekanawaháthakes Né tékeni katsohwánens í꞉ken nenhwanonhwaróhrokʼte né kanawahathakénhiaʼte Né karáston ne tekanonhwaiehwénkton noronhkwáhsa ne skát꞉tions tsi iononwaró꞉rons Né 400 níkons notsínekwar karístatsis ne wéso iotenénha tehiotiháhake tsi ní꞉ioht tsi kakwahtákwen tsi naʼtehiokwahtaséhton tsi karasthánion ne skát꞉tions tsi iononhwaróron. Noiéri nikaserétakes Noiéri nikát꞉sakes iontsoharethákwahs Nontaʼkówa Né tekeniʼiawénhre níkons ne tionónskwahrons ratítsinn né iotsenawástons nontakówa Nontaksónhas, rahkareniáthas, tánon ne teionathó꞉kens Né Huram né rahnenhrakweʼní꞉io ne karístatsis rotihióte akwékon né kí꞉ken wahonhnonhniánions ne tekastaratʼthétons otsínekwar karístatsis, tsi nihnihotenhnáhons ne Ronnontí꞉io Solomon, né nahónstonhke ne raoʼnonsatokentiʼkówaʼne ne Roiá꞉ner.

2 Chronicles 4:22

né kaháseras waswathákwa, nakerasónhas, ne watetsaráhkwa ne kanetanóron, ó꞉ni nontaksónhas ne ronsthákwah nahonswenhtakareri. Akwékons kíʼ nahoténhsons né꞉ne kwáh aóskon owistanórons ionhniáton. Né ástste watenonhanihiontákwa nononsatokentiʼkówaʼne tánon nástste nòkwahti waʼtenonhanihionthákwah tsi nón꞉we ne kwáh iotokénti í꞉ken né꞉ne karohrókston nowistanóron.

Exodus 25:29

Sewatetsonhniánion, kátshes, ó꞉ni kakshoʼwánens né nenʼneʼe ahónsʼthonke onenʼharataseʼonhtsherákeri. Akwékon kí꞉ken né꞉ne owistaʼnorontsheróskon akénhake.

Exodus 25:38

Ne tewaswenhtoʼraráktha tánon ne tewatetsanetákwah ne tsiónhniat ne ohwistanoronhtserós꞉kon.

Exodus 27:3

Saʼtekshonhʼniánion ne naónterakwe teiaweiononkóhton wenkenrontákwen, tánon rahkareniáthashóna tsionhniánion, kaʼtshesónhas, ohnhiokwahsónhas, tánon onhtakʼshónhas ne waʼtsirahrákwahs. Akwékon kí꞉ken tsi niwatsʼtaʼshón꞉ʼas ne aionniáton ne tehiotʼwístaron notsínekwar karístatsi.

Exodus 37:16

Naʼkerahsónha aòskon owistanó꞉ron wahakʼsonhniánion natekwáhrahne ahó꞉wenk: nakerasónhas, ne kátshes, ne katʼtshesónhas, tánon noweró꞉kwas kátshes né꞉ne enwátsʼtonhke ne onenharataʼsehtserákeri iahiéthate.

Exodus 37:23

Tsáta nikahasehrákes waʼronhniánion nahonthaseranihióntaʼkwe, ó꞉ni warónhni ne tekatsirohraráktha tánon ne wathakenraráhkwa aòskon owistanó꞉ron íken.

Exodus 38:3

Akwékon waʼronhniánion tsi niwatsʼthasónhas ne ietsienharákwa: ontaksónha, rahkareniáthas, nakerasónhas, onióhkwas, tánon ne ótsires onhtaksónha. Akwékon kí꞉ken tsi niwatsthasónhas né꞉ne tehiotwístarons ne otsínekwar karístatsis ionhniáton.

Numbers 4:14

Thóh èhneken enhatirónh꞉nion akwékon tsi niwatsʼthasónhas né ronhstákwahs ne ietsienharáʼkwahke: ienatsiará꞉kwas, oniókwas, raʼkhareniáthas, tánon ne watʼnekarákwas. Tánon ne iontsioharetáhkwa onhtaksónha. Ethòne ne kwáh kenhní꞉io enhatiʼrórksʼte tánon enhatiʼshionʼtónhnion nahontʼtsiónhthaʼkwe tsi enhatíhaʼwe.

Numbers 4:7

Tánon naʼthekwahráne orón꞉hia niwaniataró꞉ten enhatiʼróroksʼte né tsi kanátaro entʼthónhnion ne Roiá꞉ner tánon akerát꞉ne enhatirónʼhnion, ne kanetanóron waʼterákwas, ne iewistaʼrohrókstha, tánon ne katsheʼsónhas notsítsias watʼnekarákwas. Kwáh kíʼ tiókonhte ne kanátaro tsi atekwahráne enhkárake.