Jeremiah 52:17 - Ohiatonhseratokénti

¹⁷ Ne Babyloniaró꞉nons wahthatiʼritánions ne tehiotʼtsinehkwáhronhte kanahwaható꞉tons ó꞉ni ne tehiotʼtsinekwáhronhte iontsioharehtáhkwah tánon ne kowáhnenh tehiotʼtsinekwáhronte ákerah ne Ononhsatokentíke kaiénthakwe, tánon akwékonh ne tehiotʼtsinekwáhronte karístaʼtsis Babylon niahatíhaʼwe.

Jeremiah 52:17 ပူးပေါင်းရင်းမြစ်များ

1 Kings 7:50

ne tehiontnekhonthákwahs kát꞉tses, Ne kahásehras waswá꞉tas, nakerasónhas, ne wateksarákwah ne ionhtienhkwahronhniathákwas, tánon ne onhtatkʼsónhas né iehástha ne ioswenhthataríhens; tánon ne watenohanihionthákwas ne tsi nónhwe ne kwáh iotokénti íken tánon ne ástste nòkwahti ionohentónhnion Nononhsatokentiʼkówaʼne. Akwékon kí꞉kens ne kanónskon tsi niʼiéiens akwékon owistanó꞉rons ionhniáton.

2 Kings 20:17

tá꞉we ne tsi kawistáheks nó꞉nen kwáh orihwakwékons ne tsi sanontiʼiotseráien, orihwakwékons ne sheʼsotʼthonkonhkénʼens ronateweiéntonhkwe tsi nióre nónhwa wenhniseráte, kwáh kíʼ babylonia nón꞉we nienkáhake. Kwáh iáh othènen tsatahonsahiothaténhronhke.

2 Chronicles 36:18

Né ronnontí꞉io ne Babyloniaró꞉non waʼhanenskwenháton Nononsatokentiʼkówaʼne, né tsi ratiwistaientákwah Nononsatokentiʼkówaʼne, tánon tsi nihokwahséhtshera ne ronnontí꞉io ó꞉ni ne raonhkwé꞉tashón꞉a, tánon akwé꞉kon Babylon nionsaháhaʼwe.

Jeremiah 52:20

Ne teiotʼtsinekwáhronhte tekanahwaháthaʼke kanawahathótonkwe, né꞉tho Rononhtí꞉io Solomon rosashánion ne Ononsatokentiʼkó꞉wa aoriwà꞉ke—ne iontsioharetákwah, tánon ne kanatsohwáhnenh watʼnekaráhkwah ne꞉ne tékeni iawénhre niháti tionónhskwahronh rahtítsinn kahiatónhnis ne ioterahtastáhkwenh sóhtsi kakshowá꞉nen naʼiekonhtsiriʼháren.

Lamentations 1:10

Ne tehontátʼtions akwékon wakonwanénsko nahotiokowatiéras. Waʼakoken iáh hontaweiáhte nononsatokentikowáhne tsi nón꞉we ne Roiá꞉ner roriwáston ne iáh tehatisitaehró꞉nons iahontáweiate.

Ezekiel 40:49

Ne ieratʼthensthákwa tsi nieniawénon ne tsi iehionthawehithákwa, né꞉ne ásen-niwásen-kaiéri niwashí꞉thake natewahthakáron tánon tewásen niwashí꞉thake nikanekótes. Thóh tékeni kanahwahathó꞉tons, skatísons nokwáhti ne tsi iehionthawehiathákwa.

Daniel 1:2

Ne Roiá꞉ner wahoríhon naʼhoié꞉na ne Ronnontí꞉io Jehoiakim tánon iaháhawe tóhkaraʼ ní꞉kon ne ohwistanó꞉ron ne ononhsatokenhtí꞉ke aʼówenk. Tóhka niʼ ó꞉ni nihá꞉ti wahshakoié꞉na tánon ionsahshakoiaʼténhawe tsi thonterennaientáhkhwa ne raoʼniioʼó꞉kon nón꞉we ne Babylon, tánon tsi ní꞉kon ronenhskwenhátie ne ohwistanoronʼshón꞉a, tsi rontahkweniaientáhkhwa ne ononhsatokenhtí꞉ke nón꞉we iahatakweniá꞉ien.