Jeremiah 51:37 - Ohiatonhseratokénti

³⁷ Ne Babylon thóh nenhiáwenhne tsi ní꞉ioht ne ioheshastsʼtó꞉koʼte tsi nónhwe ne konhtírhio khók konhtináhkereh. Kwáh tehiótion nahiontkátho; iáh ónhka né nónhwe tahonshaʼienáhkerehke, tánon tsi nihiákon nenhiontkátho kwáh enhiakóteronhne.

Jeremiah 51:37 ပူးပေါင်းရင်းမြစ်များ

2 Chronicles 29:8

Né kí꞉ken aoríhwa ne Roiá꞉ner sakonákwahse ne Judah ó꞉ni ne Jerusalem, tánon kíʼ tsi nashakoiéraʼse nonkwetaʼkwékon tahionhtónhneke ó꞉ni wahakoteronhiénhten. Kwáh í꞉ken tsi ioiánereh tsi sewaʼteriénhtare kí꞉ken.

Isaiah 14:23

Tánon né enkónhniaʼte nahontakheniarotárohke nahnèn꞉taks, tánon tsiʼkanaweró꞉tons nonèkanos, tánon né tentkonhéwaʼte ne atkaronhniátshera, rá꞉ton ne Sakoiá꞉ner ne ronterí꞉ios ratiʼronhiakeró꞉nons.

Jeremiah 18:16

Né wahonnónhniaʼthe kí꞉ken ohóntsa ne kateronkwáhtshera, né꞉ne tsi nénhwe ahiekenronníhake. Tsi nihiákon né éhthoh nónhwe nenhiontóhetsʼthe entionthónnheke tsi nahó꞉ten enhiontkátho; tenhionnonhkaʼrénron tsi nenhiakoneráhko.

Jeremiah 19:8

Thóh nióre tsi éntsien ne atkaronniátshera ne kénʼen kanatowánenh né nónhka enhiontó꞉hetste kwáh entionthónnheke ó꞉ni enhiakoneráhko.

Jeremiah 25:12

Nenhwahtóhetsthe kwáh enkheréwahthe ne Babyloniaró꞉nons tánon ne raothinonhtiʼiótsheras ne enkarihónni ne raotiriwahneraháktshera. Kwáh enkerihwénhthoh nètho kanahkeráhsehra tánon thóh enkaiénthake enkaiésha tsi nénhwe.

Jeremiah 25:18

Ne Jerusalemke ó꞉ni nʼakwékon tsi kanahthaʼiéntons ne Judah, iekakwékton ne rontiʼnonhtí꞉ios ó꞉ni ne ronwatiʼhéntenʼse, wahonwenhnónhnien ne ne ahatiʼnenírahthe, ne ne iaʼthahonkharahténiaʼthe ne káiase ahónton, ne ne tehiotenonhianíton ó꞉ni tiotónnek nahiontkátho, ne káti nonhkweshón꞉a ne ne áhonsthe ne raoʼthisénhnas tsi enhonteʼwenhnaksahthakwaʼniónsehke—tánon nónhwa shé꞉kon éhthoh nihatihiérah.

Jeremiah 25:9

‘Ienkhehiaténieʼthe ratikwékon nonhkweshón꞉a ne othoréke thatiʼterónton ó꞉ni nakenhátsera, Nebuchadnezzar ne ne ronnonhtí꞉io ne Babylonia nónhwe. Entekheʼhiaténhaʼwe nahonterí꞉io ne Judah ó꞉ni tsi niháti né nónhwe nihatiʼnáhkere ó꞉ni ne tehonʼthonhontsaʼnekkhánions. Kwáh enkhehiáthonʼte kí꞉ken onhkweshón꞉a tánon ne tehonʼthonhontsaʼnekʼkhánions tánon ne iaʼtenkheiénrahseh ne ioriwenhthásehrons ne tsi nénhwe, ne ne tehiotenonhianíton ó꞉ni tsiotónnek nahiontktʼho. Í꞉i, ne Watiá꞉ner, wakatáti.

Jeremiah 29:18

Kwáh ne ienkhekónhthakwe naʼteriʼiósera, athonkharhiákon, ó꞉ni kannrahtharinhétshera, tánon kanenhrahkwékon ne tsi ionwenhtsiáte enhiakoteroniénten tsi nahó꞉ten enhiontkátho. Kwáh tsi nonhwéson iaʼtenkhehiaréniaʼthe, nonhkweshón꞉a entionthonnhékon ó꞉ni enhiakotheroniénten ne tsi nahothihiáthawenh. Nonhkweshón꞉a tenhonwahtiʼiéron ó꞉ni rahothisénna enhónsthake tsi nenhatiʼriwahiesáhsehke.

Jeremiah 49:17

Ne Roiá꞉ner wahénron, “Ne atkaronhniátshera nenhiohiató꞉renhne ne Edom tsi nióre tsi tenhiotenonhianitónhaʼke kwáh tsi nihiákon ehnónhwe nenhiontó꞉hetste kwáh entionthónhneke ó꞉ni enhiakoterónhsehke.

Jeremiah 49:33

“Ne Hazor ne ne kahentakéha érhar enhatináhkerehke, tánon tsi nénhwe tsi káiase enkénhake. Kwáh iáh ónhka eh nónhwe tahonshaʼieterónhthaʼke.”

Jeremiah 51:29

Babylon tehiohiathishón꞉kwah tánon ioterahkén꞉rieh tsi nihioronhiáken, asèken tsi niaʼtehioriwáhke ne Roiá꞉ner rohtenikonhrónhni tsi nòkwah ne ahónha seh thóh ní꞉ioht iáh thènenh thateskahthénion. Ne Babylon kwáh enkariwahhiésha kwáh iáh ónhka éhtho tahonsahienáhkerahke.

Jeremiah 9:11

Ne Roiá꞉ner ráton, “Kwáh enkónhnien ne Jerusalem nahiothonhióthonke ne ioriwahiesáhsehrons, thóh nónhwe ne érhar nenhathináhkerehke; ne tsi kanahtowáhnenhs ne Judah karhákonh enwáhthon, thóh nónhwe ne iáh ónhka tahienáhkerehke.”

Micah 6:16

Asè꞉ken ne sateweiénton ne raoianerénhseras ne Omri tánon akwé꞉kon tsi nikahiothenseróhthens ne raonónskon káien ne Ahab, iaskóntakwe ne waʼtsere tsi nihatiweienó꞉tens. Né kíʼ aorì꞉wa kwáh kíʼ karihwaieshá꞉tshera enkonionniáte, tánon ne skátne sewanákeres ne enhieshón꞉niate taiesahtienhónhase; káti í꞉se ensatkéthate ne kakenronhniá꞉tshera nakonkweʼtashón꞉as raotirihwà꞉ke.

Nahum 3:6

Kwáh kíʼ ononwénhsehra enkonhióhiake tánon enkonhníh꞉tseron, tánon óhta enkonhiónhni.

Zephaniah 2:15

Ne kí꞉ken ne iotsenhnónhniat kanatowanénhke, ne thóh ratinákere kwáh skenenʼkó꞉wak thí꞉ken, tsi niká꞉ien ne rónhton ne raonerhià꞉ne “Í꞉ih ne keʼshátste iáh nó꞉ia teká꞉ien.” Tsi nió꞉re tsi iorihwaiesáhon; thóh nón꞉we ne kontiʼtshé꞉nens nenkontenaskwahientáhseke. Tsi nihiá꞉kon ne nón꞉we nenhiontohéstake kwáh enhionhnákare tánon thenhionnakʼtsatení꞉hon.

Revelation 18:2

Tontahohénrehte kwáh tsi nihawén꞉na, “Teioréhnion, teioréhnion seh ne Babylon né꞉ne kashennowá꞉nen! Ne iehiotónhon thóh nón꞉we nihathiʼterón꞉ton ne rontʼkonserát꞉sens, thóh nón꞉we nihontsientáhkwa ne ratnikonrahétkens, thóh nón꞉we nikontsientáhkwa ne katsitenserátsens, thóh nón꞉we nihontsientáhkwa notsitenokónhas ó꞉ni ne tsonewárat katsinonwáksens.