Jeremiah 51:29 - Ohiatonhseratokénti

²⁹ Babylon tehiohiathishón꞉kwah tánon ioterahkén꞉rieh tsi nihioronhiáken, asèken tsi niaʼtehioriwáhke ne Roiá꞉ner rohtenikonhrónhni tsi nòkwah ne ahónha seh thóh ní꞉ioht iáh thènenh thateskahthénion. Ne Babylon kwáh enkariwahhiésha kwáh iáh ónhka éhtho tahonsahienáhkerahke.

Jeremiah 51:29 ပူးပေါင်းရင်းမြစ်များ

Isaiah 14:16

Tsi niʼiákon nenhiesáken kwáh theniesatʼkáneren, tánon enhiesanontonʼniónko: “Né kén kí꞉ken ne rónkwe warónh꞉ni ne tahiohontsíshonkwe, raónha rahowákon ne tsi kahnontiʼiotsherakérons,

Isaiah 24:20

Né tsi ionwenhtsáte tehiowénhtons tsi ní꞉ioht ne iakoneka, tehiawénhtons tsi ní꞉ioht ne kénk nakanonsáske; nahohteriwaʼtewahtón꞉tshera thóh káien iókste èhʼneken káhere, tánon karéhniens, tánon iáh shé꞉kon thatahonthontʼkétsko.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Jeremiah 50:13

Tsioríhwah tsi niwahkenahkwénhʼen kwáh iáh ónhka tahonsahienáhkerehke ne Babylon nónhwe; kwáh káiase ienhwáhton, tánon nonhkwetaʼkwéhkon né꞉e enhiontohétsthaʼke kwáh entionthónnheke tánon enhiakoneráhko.

Jeremiah 50:36

Kenhéiat tsi nòkwah ne rotinówenhs rothitó꞉kenhse tsi nithonahthónnhókʼte! Kenhéiat tsi nòkwah ne rahononhkwetaʼshón꞉a ne ronterí꞉ios— tsi nihothiterónhni!

Jeremiah 50:43

Ne Ronhnonhtí꞉io ne Babylon nónhwe wahaiéna noríhwa tsi nòkwah ne tehontátʼtions, tánon wahotsihióhaʼne tsi nahóteronhne. Kahteronhkwáhtshera tánon karonhiakénsehra wahotsakénsehrahkwe, tsi ní꞉ioht ne nónenh ne iónhkwe iowirahientáhsehre.

Jeremiah 50:45

Káti satahónshaʼtat tsi niwahkatenikonhríson tsi nòkwah ne kanatowáhnen ne Babylon tánon tsi níkereh natkheiérahse nahonkwetaʼshón꞉a. Iehióhe ne ahokʼshatashón꞉a kwáh tienhonwahtiʼhiatísehre, tánon ne tsi rohthinonhshó꞉ton ononhshóskonh enwáhton.

Jeremiah 50:46

Thenhiahontsíshonkwe tsi nihiorahkaréhni nónenh ne Babylon enhkahiatiénenhne, tánon tsi nahtewahséntʼthos tsi naʼtehionikonhrhiákon kwáh ohontsakwékon enhiakotʼthóntehne.”

Jeremiah 51:26

Kwáh káiase enshá꞉ton tsi nénhwe. Iehióhe shé꞉kon ne shaʼnenhiasónha kwáh iáh nonhwénhton tahonshónston nakanonhsonhniáton. Kwáh kíʼ tohkénʼen tsi ienhieshaʼsaháten,” ráton ne Roiá꞉ner.

Jeremiah 51:28

Ietʼtsiweienénhtanh nonhkweshón꞉a nateriʼiósʼsehra tsi nòkwah ne Babylonia. Iahitsínonhk ne rotiʼnonhtí꞉ios ne Media, ó꞉ni ne sahkothihéntenhse tánon ne rohnaterihóntons, tánon ne ronterí꞉ios akwékon tsi nonhwéhsons ne kanahkarehserahkéronhs ne rohnónha ronhsáhrihne.

Jeremiah 51:37

Ne Babylon thóh nenhiáwenhne tsi ní꞉ioht ne ioheshastsʼtó꞉koʼte tsi nónhwe ne konhtírhio khók konhtináhkereh. Kwáh tehiótion nahiontkátho; iáh ónhka né nónhwe tahonshaʼienáhkerehke, tánon tsi nihiákon nenhiontkátho kwáh enhiakóteronhne.

Jeremiah 51:43

Ne ahonahtowáhnenhs ónenh iáh othènen tetsoríhonte; kwáh seh iahonwenhtsiatʼténhake iotónhon ne꞉ne kwáh iáh ónhka né nónhwe tahonsahionʼnáhkerehke iáh ó꞉ni nónhka thóh nónhwe tahonsahiontohétsthaʼke.

Jeremiah 8:16

“Ne tehiakwahtátʼtions ónenhk tsitʼkanató꞉wahnenh ne Dan thónnes; hionkwahthónte tsi naʼtehonninionkwísahrons ne raotitʼtienenʼókonhs kosáhtens. Ohontsiakwékon wahtiowisónkwes nónenh ne rahotitʼtienenhókonhs wahonthonnisehrahkarénisʼthe. Ne tehiakwahtátʼtions wahónnewe ne ahathiriwénhtho nonhtionhóntsias tánon kwáh tsi nahoténsons ne kaiénton, nonhkwahnáthakon ó꞉ni akwékon nahonkwetahshón꞉a.”

Joel 2:10

Watsahontsíshonkwe ne raotihén꞉ton, asè꞉ken ne tsi Rawenni꞉io wahá꞉wake ne tsi karonhiá꞉te. Ne karáhkwa tánon nasonthenhné꞉kha karáhkwa enwaterakwáhton, tánon ne tsi iotsistohkwarón꞉nion iáh ó꞉nen thatahonsakaswát꞉thete.

Amos 8:8

Iáh onhtéken thatahionhontsísonhkwe ne kí꞉ken akarihón꞉ni, tánon onhkweʼtakwé꞉kon enhiontiónhnion ne nón꞉we niienákere, tánon kaniatarakwé꞉kon entewátnekakaráthate tsi ní꞉ioht ne nile, tánon enwenhnóton tánon eʼtake ienhénsewe, tsi kí ní꞉ioht ne nile ne Egypt tkaniataratátie?

Revelation 18:2

Tontahohénrehte kwáh tsi nihawén꞉na, “Teioréhnion, teioréhnion seh ne Babylon né꞉ne kashennowá꞉nen! Ne iehiotónhon thóh nón꞉we nihathiʼterón꞉ton ne rontʼkonserát꞉sens, thóh nón꞉we nihontsientáhkwa ne ratnikonrahétkens, thóh nón꞉we nikontsientáhkwa ne katsitenserátsens, thóh nón꞉we nihontsientáhkwa notsitenokónhas ó꞉ni ne tsonewárat katsinonwáksens.