Jeremiah 51:22 - Ohiatonhseratokénti

²² nahonwahthiʼnonhwahrhiakónhnion ne ronhnónhkwe ó꞉ni ne konhnónhkwe, rohtiksténhas tánon ne ratiksaʼokónhas, ne nithohʼthihiónsas ó꞉ni ne iáh tehiothiniáʼkhonhs.

Jeremiah 51:22 ပူးပေါင်းရင်းမြစ်များ

2 Chronicles 36:17

Ká꞉ti ne Roiá꞉ner tahoiaténhaʼwe ne ronnontí꞉io ne Babyloniaró꞉non niashakotiatónhti. Né ronnontí꞉io waʼshakononhwarhiakhónnion ne ken nithotiʼiónhsa ne Judah nón꞉we kwáh ó꞉ni Ononsatokentiʼkówaʼne iahontáweiaʼte. Iáh othènen teshó꞉ien ne kenhténron nón꞉ka ashakótenhre, kenkʼnahontahotí꞉ionke khés nahonthaiakóhionhke, rónhkwe khés ne iónhkwe akénhake, iakononwátʼtani khés naiakotakaríhteke. Né Rawenni꞉io ratikwé꞉kon rahónha waʼhoiathakweʼní꞉iosʼte.

Isaiah 13:15

Nón꞉ka enhiontatsiatatʼtshénhri kwáh kíʼ tenhonwanarié꞉niaʼte, tánon nónka enhiontatiéna kwáh kí enhionthataʼwenkto asarekó꞉wa enwáston.

Isaiah 13:16

Né sakotiʼiohokónhas kwáh kí kènk níwas tsi enhonwatihiataratiónko raotihénton tsi tehatikánere; ne tsi rotinonshó꞉tons enkanenskwenhátonke, tánon ne rotiniátʼkons konhnón꞉kwe tentʼkonwananóntonhse nahiotináwine.

Isaiah 13:18

Né raonahénhnas kwáh né enhiakowéntʼtho ne kén nithotihiónsas raononkwetaʼshón꞉ʼahs; kwáh iáh othènen thaotiʼiéntake ne kenténhron tsi niʼhiakonakeráts꞉tha ne watewiʼrahrákwah; né ratikarákes iáh taiakotíthenre ne ratiksaokónhas.

Isaiah 20:4

káti ne ronnontí꞉io ne Assyria iensakosárihne ne Egyptró꞉nons tsi ensakonhóton ó꞉ni ne Cushró꞉nons tsi ní꞉ioht ne ronwaʼnanahkerakwáhton, kwáh sathenhiótonke né꞉ne kén nithoʼtiiónsas ó꞉ni ne rotiʼtstohokónhas, raoʼtinehóskonk thí꞉ken tánon raoʼnaskawetóskonk, tánon ne tsehotiʼnahtsakétote, ne nahotehénhsera ne Egypt.

Jeremiah 44:7

“Tánon káti Í꞉i, ne Watiá꞉ner Keshastsʼtenseroʼwáhnenh, ne kheʼNí꞉io ne Israerʼró꞉nons, ó꞉nenh enhkeriwahnónhton nonhtiérenh níse tsi nikariwahétʼken tsi nishaʼthatiérahse. Teshaʼthonwenhtsó꞉ni kén nahonthakáhaʼke ne atkaronhniátshera tsi nòkwa ne ronhnónhkwe, ó꞉ni ne konhnónhkwe, ratiksaʼhokónha ó꞉ni nowiráʼas, ne káti ne kwáh iáh ónhka ne shonkwethaʼshón꞉a tsatahonsahiakothaténronhke?

Jeremiah 50:37

Sehriwáhthont ne raothitsenenhókonh kosáhtens ó꞉ni ne raothisehreʼsónhas ne otsiónkwas! Kenhéiat tsi nòkwah ne ronwahtínas ne ronhterí꞉ios— tsi nihotitsihióha! Sewahrihwáhthont ne raonatʼtsokowáhtsheras; ronwahthiʼnenhskwenháton.

Jeremiah 51:23

Tsi tinikwékonh kwáh tenkhehiatárihte ne teiotinahkaronhtón꞉a sahkothinónhʼne ó꞉ni ne katʼtshénenhs, rathiʼiéntʼthos ó꞉ni ne tehiothináhkares tionónhskwahronhs, ó꞉ni ne rahthinenhrahkwenihios tánon ne rathikóras.

Jeremiah 6:11

Ne shanakwáhtshera tsi nòkwa ne ronónha tiotétsʼnonh ní꞉i nahkonháke, Saiá꞉ner, tánon iáh tatkwéni ne sénha akahthakátsthate.” Ethò꞉ne ne Roiá꞉ner wahakénhase, “Tasáweron nakenakwáhtsera rononhà꞉ke ne ratitsaokónhas thóh tsi kanatʼtathátse tánon thóh tsi ronatsataró꞉ron ne kenhnithotiiónsa. Ne rotiʼiakʼkons one ne iotiʼiákʼkons kwáh ki ienhkonwatiʼtenháhseron, tánon iekaníhare ne kwáh tsakóions kwáh iáh tashionthatenónstate.

Lamentations 2:11

Wakʼkharanónwas tsi naʼtekasénthos; nahkwathónnhes kwáh ne íken tsi iokarárens. Kwáh tewakenákwaras tsi niwakenikonrákʼsens ne tsi natehionenraríhon nakihtiókwa. Rahtiksahokónhas tánon nowiráhas kanatakónsons rothinikonrátons.

Lamentations 2:21

Nithontihiónsas óni ne rothitsténhas kwáh satèhiot tsi tekaiatotáron rhonenhéion ne kanatakésons, Nithotihiónsas ó꞉ni ne konʼnónkwe, neh tehontátswens ahsarekówa ronásthon tsi ronwanaséthon. Wasehiawéntho kwáh iáh kanèka nataniténron ne wenniserátekwe tsi nisanakwénhenʼne.

Ezekiel 9:6

Sehnonwarhiákon ne rotiksténhas, nithohtiʼiónhsa, nitiotihiónsa, kanisténseras, tánon ratiksahokónhas. Ók tó꞉sa kén niasèier nónhka ne tehonaʼtenkwaʼrenhiáton. Kénʼen Akenonhsatokentiʼkówahne iasathá꞉sawenh.” Sók kíʼ ne tahontashawénhkwe ne sakothihéntenseh ne thóh ronhnéthonkwe NʼOnonsatokentiʼkówahne.

Deuteronomy 32:25

Naterihiósera entkáhawe ne kenhé꞉ion ne tsi tekanahtokenhá꞉tons; ne sewanonskónhsons tho nió꞉re tsi ensewaterónhsehke ne ensewarhiò꞉the. Ne kenʼnithotiʼiónsa óni kenʼnitiotiʼiónsa enhonníheʼie; iáh ne owirá꞉a tó꞉ka ó꞉ni ne iakostenhokón꞉as tsiatahiakothátere.

1 Samuel 15:3

Ó꞉nen wáhs tánon iasheiatiatónhti ne Amalekró꞉nons, tánon kwáh tokénʼen serihwá꞉tont tsi nahó꞉ten ahotiʼientahtseraiéntahke; tó꞉sa othènen teshenonhiánik, ók senonwarhiá꞉kon tetsá꞉ron rón꞉kwe tánon ne konnón꞉kwe, ratiksaʼokónhas ó꞉ni nowiráhas, teotinákares tionónskwarons ó꞉ni teiotinakarontón꞉ʼahs, iotiniakwáhere ó꞉ni tewahóntes.’”