Jeremiah 51:21 - Ohiatonhseratokénti

²¹ Tsi tinikwéhkonh tenhkhehiathá꞉rihthe ne koshá꞉tens ó꞉ni ne rohthishá꞉tens, ne thaʼkasehrehtaríhthonʼke ne otsiónhkwas ó꞉ni ne ronhwahnahthóhres,

Jeremiah 51:21 ပူးပေါင်းရင်းမြစ်များ

Psalms 46:9

Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Psalms 76:6

Nó꞉nen sasehterónkwen, Ó tse Ní꞉io í꞉ken ne Jacob, ne kosáhtens tánon ne rotisáhtens waʼhatihiatsénenhne waʼhonhníheie.

Exodus 15:1

Ethòne ne Mahís ó꞉ni ne lsraerʼró꞉nons waʼthonwariwáhkwahʼse kí꞉ken karénhna ne Roiá꞉ner: “Tenhiriwá꞉kwahse ne Roiá꞉ner, tsioríwa tsi aʼthonwesenhtsheràkon wahatʼkwéni ne atesenhniéntshera; kaniatarahkheʼkowàhne iesakohiatóntion ne koshá꞉tens ó꞉ni ne roʼtiʼshátens.

Exodus 15:21

Ne Miriam waʼtshiaʼkoriwáhʼkwahse: “Tetsisewariwáhkwas ne Roiá꞉ner, tsoríwa tsi athonwesenhtsherákon rotʼkwénion; kaniatarakheʼkówah ieshaʼkohiatóntion ne kosáhtens ó꞉ni ne roʼshátens.”

Exodus 15:4

“Kaniatarahʼkhekoʼwàhne lasakohiaʼtónti ne Egypt raotiókwa ronhteríios ó꞉ni ne raotisereʼsónhas otsiónkwas; né kwáh thoʼnonhkwetí꞉ios ne ratiʼsenhnowánens Red Sea nónhwe nahatískohne.

Isaiah 43:17

rahónha thaseretínekens otsiónkwas tánon ne iakosáhtens, né raotiʼtiókwas ronhterí꞉ios tánon ne raterí꞉ios; wahatiʼiatiénenhne, iáh thaʼhatikwéni ne tahonsahatí꞉thaʼne, ronwanatswáhton, ioswá꞉hon tsi ní꞉iot ne aserí꞉ie wathaʼserotákwah:

Jeremiah 50:37

Sehriwáhthont ne raothitsenenhókonh kosáhtens ó꞉ni ne raothisehreʼsónhas ne otsiónkwas! Kenhéiat tsi nòkwah ne ronwahtínas ne ronhterí꞉ios— tsi nihotitsihióha! Sewahrihwáhthont ne raonatʼtsokowáhtsheras; ronwahthiʼnenhskwenháton.

Ezekiel 39:20

Nakathekwáhrahne kwáh tsi níkonh enhathikwéni ne ahónneke ne koshátens ó꞉ni ne rothisáhtens tánon ne ronhterí꞉ios. Í꞉i, ne Wakenonhtí꞉io Watiá꞉ner, wakatáti.”

Micah 5:10

Ne thóh enwenhniserá꞉teke, rá꞉ton ne Roiá꞉ner, kwáh enkhehiá꞉tonte ne satsenenhó꞉konhs koshá꞉tens tsi nón꞉we ní꞉sewes tánon kwáh enkerihwaʼtonhte ne sarereshón꞉as ohtiónkwas.

Nahum 2:13

Satkátos ken, tsi kwáh konhiatkónhten, ráton ne Roiá꞉ner Roshatstenhserowá꞉nen, tánon kwáh enkatsáhate ne shasehreshón꞉as notiónkwahs nek ne ientioienkwahró꞉take, tánon nasareʼkó꞉wa kwáh enhiakowénhtho ne ken nithotiiónhsas kénreks; kwáh entsiá꞉ke ne thénhnen ahisawaraiénthake nohontsà꞉ke, tánon ne rahotiwenhnaʼshón꞉as ne iesarihwakareniénhni kwáh kíʼ iáh nonhwén꞉ton tahonsahonwatiwenhnáronke.

Haggai 2:22

tánon enkheshatstenhseráhkhwa tsi kanonhtiiotsheraké꞉rons; kwáh enkatónhte ne raotishatsténhseras ne tsi ratinontiiotsherakérons tánon enkatónhte notiónhkwas ó꞉ni né꞉ne rontihonwí꞉seres; tánon ne akoshá꞉tens ó꞉ni ne rotishá꞉tens kwáh kí enhonhní꞉heie, satihiatatʼtions né꞉ne raosarekó꞉wa ne atatekénhsera enhontirhió꞉te.

Zechariah 10:5

Ne nonhkweshón꞉ʼa ne Judah nón꞉we kwáh enhonatʼkwénionke tsi ní꞉ioht ne ronterí꞉ios ne teshakonaskwasheronkwáhton ne ronwahthí꞉sons nonahwásthakes ne tsi tekanatokenhá꞉tons. Kwáh enhonterí꞉io tiorì꞉wa ne Roiá꞉ner tsi ratikwekonháties, kwáh ó꞉ni enshakothishén꞉ni ne tehontátʼtsions ne rohtishá꞉tens tsi ronterí꞉ios.

Zechariah 12:4

Ne nenhkahá꞉wihke kwáh enkheterónhkwen ne koshá꞉tens tánon ne enkonhniá꞉te ne rothishá꞉tens ne tahonhnonhwarahwénrie. Kwáh ne enkhehiatenhnikónhraren nonhkweshón꞉ʼa ne Judah nón꞉we, ók kwáh ne enkonhniá꞉te ne tehontátʼtions ne rahothitienenhó꞉kons ne koshá꞉tens tahathironhwéhke.

Revelation 19:18

neh naietsiwaʼrá꞉ke ne rotinontí꞉ios, né꞉ne raʼotihierontashón꞉as sakotihéntense ronterí꞉ios, ne ratihierontashón꞉as ne ratiʼshatstes, ne raotihierontashón꞉as koshá꞉tens tánon tsehatikwé꞉kon ne roʼtishá꞉tens—akwé꞉kon nohierontashón꞉as, tetsá꞉ron ne iontatewenhní꞉io tánon ne ienhá꞉tsera, tetsá꞉ron nahiesenhnáska tánon nahiesennhowanénhke.”