Jeremiah 51:20 - Ohiatonhseratokénti

²⁰ Ne Roiá꞉ner ráton, “Babylonia, i꞉se nahkenekonhrèstha, naʼkateriʼiostáhkwah tsi wahterí꞉io. Í꞉se wakonhiásʼthe ne thaʼkhenénhstsake nonhkweshón꞉a ó꞉ni ne tsi kanahkerahserahkéronhs,

Jeremiah 51:20 ပူးပေါင်းရင်းမြစ်များ

Isaiah 10:15

Ne ató꞉ken ahónha ontèken tahonthaterénsaron tsi ní꞉ioht tsi nikáien ne rahróks, khés ne teiehswenkariákstha ahónha kén ahontatkówanate tsi ní꞉ioht tsi nikáien ne tehaswenhkaríaks? Tsi ní꞉ioht ne kánia ahónha kén ahokétsko tsi niʼkáien ne tehaniá꞉kwah, khés tsi ní꞉ioht nathénnits ne kén ahkakétsko nahó꞉ten ne iáh óiente tèken!

Isaiah 10:5

Ók, Assyria, ne káhnia neh naʼkenhakwáhtshera í꞉ken— ne ratinakarénhawe ne ronhtsanàkes ne nakaterhiatitʼkhóntshera í꞉ken!

Isaiah 13:5

Ahiʼnónson tionhontsakéron nón꞉we niʼthonenónhseron, thóh nónhwe nithonénon tsi iehioterónhiaʼte, ne Roiá꞉ner tánon ne rateriʼiosthákwas tsi nathenhateriatítkon, ne nahatón꞉te nonhontsakwékon.

Isaiah 37:26

“‘Iáh kén tesarihwarónhken wahónhnise tsi ná꞉he iaʼtewakeriwaientáse? Wahónhnise tsi ná꞉he tewakatenikonrí꞉shon ok ó꞉nenh kí entekhá꞉we nahontóhetste, ní꞉se tsi ó꞉nenk tsi enshón꞉ni ne tasenatánake ne kanatowánenhs tahonsʼkwaserónkwenke akentonhionhniá꞉nionke ne iorihwaieshá꞉seron,

Isaiah 45:1

Né kí aoríhwa rá꞉ton ne Roiá꞉ner rahonhàke né roiatará꞉kwen né꞉ne Cyrus, tsi nikáien ne saweientetákwen riʼnentsawá꞉kon né nasakotsatakwení꞉ioste niaʼkahontsakeró꞉nons ne raohénton tánon naharíhsi ne rontiʼnontí꞉ios raonatiátawis wakóhses, né nahontenontonhkwehá꞉tons ne raohénton— tánon ne ioʼthenhenrenhtónhnions iáh thaʼhonsakanó꞉tonhke:

Isaiah 8:9

Iatesewá꞉tsest, í꞉se ne tsonhontsakwékon, tánon kwáh teiasatʼtókwahte; Sewatahón꞉satat, í꞉se ahinónhson nió꞉re tisewanakeraseráiens: sewahshátstek, ók kwáh kíʼ enhietsisénhni; sewathateweienénhtan nahisewaterí꞉io ók kwáh kíʼ enietsisénhni!

Jeremiah 25:11

Kí꞉ken ohontsaʼkwékon ne enwáhton ne ioriwenhtáhon ó꞉ni káhiaʼse enwáhton tánon kwáh tiothónnek nahionkʼkátho, tánon ne tehonʼthonhontsaʼnekʼkhánions ne Babylonia nónhwe kwáh ronnonhtí꞉io enhionwahiénthoʼse ne ne tsáta niwáhsen niʼiosehráhke nikaríwes.

Jeremiah 25:9

‘Ienkhehiaténieʼthe ratikwékon nonhkweshón꞉a ne othoréke thatiʼterónton ó꞉ni nakenhátsera, Nebuchadnezzar ne ne ronnonhtí꞉io ne Babylonia nónhwe. Entekheʼhiaténhaʼwe nahonterí꞉io ne Judah ó꞉ni tsi niháti né nónhwe nihatiʼnáhkere ó꞉ni ne tehonʼthonhontsaʼnekkhánions. Kwáh enkhehiáthonʼte kí꞉ken onhkweshón꞉a tánon ne tehonʼthonhontsaʼnekʼkhánions tánon ne iaʼtenkheiénrahseh ne ioriwenhthásehrons ne tsi nénhwe, ne ne tehiotenonhianíton ó꞉ni tsiotónnek nahiontktʼho. Í꞉i, ne Watiá꞉ner, wakatáti.

Jeremiah 50:23

Babylon, ne꞉ne kwáh tkaʼshástsʼte ne ienhekonhréstha nonhontsaʼkwékon, ohontsáke káien tánon tehiothoʼohwihánion. Ne Babylon iáh thènenh teskástha tsi nòkwah nonhontsaʼkwéhkon.

Ezekiel 21:11

Nasarekówah kwáh tekastaratʼthéton, nakaweiennenhtahónhake nahónsthonke. Wah kaiothí꞉ie ó꞉ni tekastaratʼthéton, né nahonthahónhion ne sahkononhwahrhiákonhs.

Ezekiel 21:31

Ensatʼtó꞉ke nakenahkwáhtshera nónenh ienkátkawe sonháke tsi ní꞉ioht ne iothónkothe. Tánon ienkonhiátkaʼwe rononháke ne rathiniakástʼte, rahthiweiénhte natkaronhniátshera.

Micah 4:12

Ók iáh kíʼ tehonaterièn꞉tare tsi nihonikonró꞉then ne Roiá꞉ner; iáh teotinikonraiéntas tsi nishakoteʼnikonrá꞉wis; ne tiorì꞉wa tsi sakohiataró꞉ron nonkweshón꞉as tsi ní꞉ioht ne kaʼthokwahnerénkʼkons ne tsi iewahektákwa kenská꞉ron.

Micah 4:13

Téstan tánon tesasakwaserón꞉kwat, O akoién꞉ha ne Zion, asè꞉ken ne enkonhniá꞉te ne tsi tesanakáronhte karístatsi nahiotónhake; tánon ne tsi tesatsinenrentónte kwé꞉nis nenhné꞉e nenhiotónhake; tánon kwáh iakotiohkowá꞉nen ensenonwenhserá꞉rio nonkweshón꞉as ken nenknenshónnaske, tánon kwáh enteshá꞉we akwé꞉kon kí꞉ken nahorihoténhsons rahonhà꞉ke ne Roiá꞉ner tánon ensethátse ne raotikwahséhtsheras rahonhà꞉ke ne Roiá꞉ner ohontsakwé꞉kon í꞉ken.

Nahum 2:1

Ne tehanitsatharohkwáhtha tahiatiatónhti. Sewatenhnikónhraren ne tsi kakahkwénhtaien ne tsi wathenhénrote; sewatenhnikónhraren ne tsi iohathátie; iasehwaʼtakosenhthánion ne tesehwaʼtewehiárakwas; ietsihiataró꞉rok ratikwé꞉kon ne tionkweʼtashón꞉as ronhterí꞉ios tánon sewathateweienénhtan nahisewaʼterí꞉io.

Zechariah 10:4

Rahothitióhkwakon nón꞉we nenhtón꞉ne ne rathikoráhshons, ronateriónton, sakotihén꞉tenhse, tánon ne ronterihiosehrakweʼní꞉ios nahonwahnatʼkórasthe nakonkweʼtashón꞉a.

Matthew 22:7

Ȣahonakkȣen nʼOnontiio-koȣa Sahariȣaronke, iasakotori raosotarha ȣasakonaȣentho ne rontaȣenthos, nok ȣasakohnatenatentaȣe.