Jeremiah 51:16 - Ohiatonhseratokénti

¹⁶ Ne nónenh enhatáhti, enkáwehre ne tsi karonhiáte. Enhatsikerahriónhnion éhneken ne tsi ionhwenhtsáte. Enthaʼténieʼte ne tahonninhekarahwáhnion skátʼke nokennorésehra tánon enhanonhtónko ne tsi rahthaʼkwenianientákwahs ne takawehráhthaʼse

Jeremiah 51:16 ပူးပေါင်းရင်းမြစ်များ

Genesis 8:1

Eʼthó sá꞉ne iawehnó꞉tonkwe énska tewenʼniáwe tanon wísk niwáhsen nón꞉ta nikarí꞉weʼskweʼ ók kiʼ ne Rawenni꞉io rawehiá꞉rahkweʼ kíʼ ne Noah ó꞉ni kontikwé꞉kon ne kontírioʼs ó꞉ni ne ienáhskwahiens ne skátne ratiiaʼtí꞉tahkwe ne kahón꞉wakon. Tánon ne Rawenni꞉io waʼthaweratásehte ne tsi ionhwentsá꞉te, tánon nohné꞉kanos ehtà꞉ke nionsá꞉we;

Job Tánon ne Raoronhiakensera 37:13

Ne rarihón꞉nis neh nahiá꞉wenhne ne nahonekón꞉ti nonwenhtsá꞉ke; aónton ne ne ahontahateniétakwe nashonkwahiataterístakwe, khés neh tsi ionwenhtsá꞉te.

Job Tánon ne Raoronhiakensera 38:22

“Iesataweiá꞉ton ken ne tsi ieientáhkwa nó꞉niehte, kesʼne ahisatʼkáton tsi ieientáhkwa ne iohwisonhtsétha,

Job Tánon ne Raoronhiakensera 40:9

Thó꞉ken nisenentsó꞉ten tsi ní꞉ioht ne Rawenni꞉io, tánon enskwé꞉ni ken asewé꞉raste ne sawénhna tsi ne ní꞉ioht ne raowén꞉na?

Psalms 104:7

Tsi nasatewenhnaiéntonhwe nonéka kaktsionsáwe; tsi nahorá꞉kare né sáwenk kawé꞉ras kakʼtsakónhne.

Psalms 135:7

Rahónha seh rónhnis nahontontʼtsaʼtakaráthate ne tsi iehiotonhontiót꞉te; rónhnis ne tahonhninekarahwá꞉nion nó꞉nen eniokénhnore tánon thawerihnekénstha tsi nón꞉we nihateweienthónkwah.

Psalms 147:18

Tateniétha ne raowenhnaókons, tánon nówise wakawistanáwen; tánon iehotewerónhtses ne rahonhnísera, tánon nonékanos watnékines.

Psalms 18:13

Né Roiá꞉ner kwáh ó꞉ni waʼhawéraste ne tsi karonhiáte, tánon ne raowénhna ne Kwáh Éhʼneken Tótthe waʼhonwahwenhnáronke

Psalms 46:6

Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

Psalms 68:33

rahónha né꞉ne roʼthonwiserétha ne tsi iotsikerarónhnions, né꞉ne otsikerakáion. Tsi sewaʼtahónsatat tsi nihówenhte tehohenrétha.

Psalms 78:26

Tsi karonhiáte Wataweratásehthe ne nàkon nitʼkawerénhas, tánon né꞉ne raoʼshaststénhsera wáʼraste tsi waʼthaweratásete ne éntie nitkawerénhas;

Exodus 10:13

Káti ne Mahís wahatenhniʼtserahkétsko, tánon ne Roiá꞉ner wahthawerahtàse né꞉ne tsitʼkarakwí꞉neʼkens nonhthakawerénhaʼwe né꞉ne takaweráhkwe ne tsi ionhwénhtsaien kwáh konhthàse ó꞉ni asonhtaʼkwékon. Shiʼhioronhkeʼnéha thahiaʼkoiaténhaʼwe ne tsistàraʼre.

Exodus 10:19

Tánon kíʼ ne Roiá꞉ner waʼthawerahkarahté꞉ni ne nàhkon niʼtsowerénha tánon né꞉ne kwáh iowerahshátsʼte tsi iatewatʼtsénhthos nathonthakawerénhaʼwe, né thonsahiaʼkohiátaʼkwe ne tsistàʼraʼre tánon tsi kanétʼsker ne Suez iahakohiaʼtónti. Iáh ne saiáta ne tsistàʼraʼre tsiatesohtaʼténron tsi niwaʼthonhóntsa ne Egypt.

Exodus 14:21

Ne Mahís iaʼthanénhtsaʼtaʼte é꞉neken ne kaniatarahkheʼkó꞉wa, tánon ne Roiá꞉ner onàhken wahanekenháwiʼte né꞉ne kwáh kawerahshátsʼte ne nákon nonhthakaʼwerénhaʼwe. Ahsonhtaʼkwékon wakʼkáʼweraʼkwe tánon waʼkastháhʼtaʼte ne ohóntsa. Noné꞉kanos tehiotetʼkháshion,

Ezekiel 10:5

Tánon tsi nihioráhkare ne ranerahontsákes ne niʼnikonhrare iotokentis tsi nióre ne ástste nonhtenhenráti iehioronhkàt, tsi ní꞉ioht ne raowénhna ne Ní꞉io Roshaststenserowáhnen nónenh enhatáti.

Amos 9:7

Iáh ken í꞉se téken ne Ethiopiaró꞉nons nakonháke, Otiónkwe Nisraeró꞉nonke? rá꞉ton ne Roiá꞉ner. Iáh ken Í꞉i tatekhehiathénha nʼIsraerʼró꞉nons ne tsi tionhontsá꞉ien ne Egypt, tánon ne Philistiaró꞉nons ne Crete tánon ne Aramró꞉nons ne Kir nón꞉we?

Jonah 1:4

Nok ne Roiá꞉ner iahaténniehte ne kaweraʼshátste tahotiweratá꞉se ne kaniataraʼkehkó꞉wa, tánon tsi naʼtewatenón꞉ianihte waʼtkaweráhkwe kwáh iotteronhtón꞉ne ne ahonathonwaríhshien.

Jonah 4:8

Ne ó꞉nen shitiorakwinekén꞉en, ne Rawenni꞉io iahatén꞉niehte tsi tkarahkwí꞉nekens naʼontakawerénhawe ne kwáh ioweratarí꞉hen, tánon ó꞉nen ne Jonah skanó꞉rons nahoʼnikonhráhton tsi niiorahkwataríhen tsi teiaó꞉ien ne ranontsì꞉ne. Sók kiʼ wahaská꞉neke narénheie. Wahén꞉ron, “Sénha ne ioiá꞉nere akíheie tsi ní꞉ioht nakónhnheke.”