Jeremiah 51:13 - Ohiatonhseratokénti

¹³ Í꞉se ne tiónkwe ne kanahtátʼtha sehwenhterónhton sewahkwáhtse tsi níkonh sehwahteniataʼréhnions, kowáhnenh sehwáhien ne iotkeronhtáhkwah, ók ne sáhkwenk ne tsi ieiótʼthe ónhweh. Ne tsi sónnhe enkahiákon kwáh tsi ní꞉ioht ne ónhkak wahesehrihiétiaʼke.

Jeremiah 51:13 ပူးပေါင်းရင်းမြစ်များ

Genesis 6:13

Ne Rawenni꞉io wahawénhahse ne Noah, “Iaʼtewakerihwaientá꞉se kwáh ratikwé꞉kon nonkwehshón꞉ʼa tsi enkheión꞉niaʼke. Asèken ne tsi ionhwentsà꞉te kwáh ne thitkáhere ne raotiweiennakshéntshera.

Psalms 137:1

Kaniatarakʼthóntse ne Babylon— nón꞉we nahakwahtsiénton tánon thóh nón꞉we natsiakwahséntʼtho nó꞉nen shonsahiakweiáraʼne ne Zion.

Isaiah 43:14

Né kí aoríhwa rá꞉ton ne Roiá꞉ner, Né shiaʼiatákwen, né꞉ne Rotokéntiʼt í꞉ken ne Israerʼronónke: Asèken í꞉se sarihwá꞉ke tsi kwáh ienkaténiete ne Babylon nón꞉we tánon tentʼrihtánion akwé꞉kons ne tekaristarenhwá꞉nion, tánon tsi natehotihenré꞉tha ne Chaldeans kwáh né iathenwakʼkaraténi ne kanikonrakʼsénhtshera.

Isaiah 45:3

Kwáh entʼkónhion nahotsiokowátsheras ne tsi tetsiókaras tánon né kanorónhsons ne wasehtánions tsi nonwésons ne iohterihwasehthá꞉nions í꞉kens, ká꞉ti naiʼsateriéntarane tsi I꞉i séh, ne Watiá꞉ner í꞉ken, I꞉i kheʼNí꞉io Israerʼronónke, tsi Í꞉i iekonhnáton ne kwáh tsi nisasenhnóten.

Isaiah 57:17

Tsioríhwa tsi niwahét꞉ken tsi nihonaskénaʼse wakenakwénhenhne; Wakhé꞉iente, wakhekónraʼke tánon wakenakwénhenhne; ók tiókonte thóh niensatí꞉iere tsi nithatiʼweienóthenhne.

Jeremiah 17:11

Nónhkwe nenhiehiéna nowísta ne kanikonhráton tsi ní꞉ioht ne otsiténha watkhanónhshiaʼke ne ne iáh ahónha tehioninónhsoh. Ne nónen kwáh enhothakarí꞉teʼke enhóthonse ne raoʼtsiokowáhtshera, tánon ne tsi iehióthokʼte kwáh iáh othènen tèsken tsi ní꞉ioht ne thohthónnhokʼthe.

Jeremiah 50:27

Akwékon ó꞉ni ietsihiáthont nahotsenenhókonhs tsi natenhiotenonhianithónhake ne rahotirihwáhke, ó꞉ni! Kwáh ratikwékon ietsihiawénhtho! Asèken ónenh iakáhewe nahorewahtáhtshera.”

Jeremiah 50:31

“Satkátho, í꞉ih ne tetsiatátʼtions, ó sehwahnáhie tiónkwe, ráton ne Roiá꞉ner, ne꞉ne Roiá꞉ner Roshastsʼtenseroʼwáhnen, ne senhnísehra ne karewahtáhtshera ónenh ónhwe.

Jeremiah 50:37

Sehriwáhthont ne raothitsenenhókonh kosáhtens ó꞉ni ne raothisehreʼsónhas ne otsiónkwas! Kenhéiat tsi nòkwah ne ronwahtínas ne ronhterí꞉ios— tsi nihotitsihióha! Sewahrihwáhthont ne raonatʼtsokowáhtsheras; ronwahthiʼnenhskwenháton.

Jeremiah 51:36

Ne Roiá꞉ner warénhase ne Jerusalem, “Kwáh Í꞉i tenkonhriwahkénahse ne sariwahshón꞉a, tánon kwáh Í꞉i ensetʼkhárhiaʼke ne shaʼrihwáhke. Enstátʼthaʼte nahoniatharáhshona, ó꞉ni nahonehkanos.

Lamentations 4:18

Ne hionkhíswens hionkhinikonrahrakwe; akwékon iáh tesewáthonskwe ne kanatakesons niahiakwe. Nonkwennísera iohteweiennentáʼon; ne tsi ónhwe ne tsi iehiótokʼte.

Daniel 5:26

Tánon né ki tsi nikéntonhs: ionhshétstha, Rawenni꞉io rohshé꞉ton tsi niwenhniserá꞉ke enkátake né sanakeráhsera, nok ki iahesatóktahse.

Amos 8:2

Wahèn꞉ron, “Amos, nahó꞉ten satkátos” Tánon waí꞉ron, “á꞉there titkáhere nakenhnakékha kahiksónhas.” Ethò꞉ne ne Roiá꞉ner wahakénhase, “Ne tsi iehiotót꞉te iahónwe rononhà꞉ke nakonkweʼtashón꞉as nʼIsraerʼró꞉nons; kwáh iáh shé꞉kon nonhwénton tahonsatkhenikonhrénhse.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!

Revelation 17:1

Eʼthò꞉ne saiá꞉ta ne raronhiakeró꞉non tsi niká꞉ien rahá꞉we ne tsá꞉ta nikatsetá꞉ke ákta nontá꞉re tánon wahakénhase, “Káts, enkonhnatónhase tsi ní꞉iot tsi enkonwariwénhte ne kashennhówane wathokótha, ne né꞉tho kanatowá꞉nens tsi niká꞉ien ne kaniataraktontses kanatón꞉nianions,

Revelation 17:15

Tánon wahakénhase, “Nonekános ne wasatkáto, tsi nón꞉we ne wathokótha nikenskó꞉te, onkweʼó꞉kons iakó꞉ton tánon kanenhrowá꞉nenh tánon ne iakahontsakeró꞉nons ó꞉ni naronhkhá꞉tsheras.

Revelation 18:19

Tánon ne tahoná꞉ti ne wahkenrón꞉takwen okénra ratinontsí꞉ne, tsi nathonsénto tánon wahontiónhnionwe, tsiatehotihenrehthakó꞉wa, “Iotenhtháhsere, iotenhtáhsere, ne kashenhnowá꞉nen kanatowanénhke, kanihón꞉nes ratikwé꞉kon ne rotihonwahién꞉tons ne kaniatarakeʼkowáhne ne wahotikwaséststen naón꞉ha ahotsokowátsera! Asè꞉ken enskak wakawistáheke kakʼtsá꞉hahe.