Jeremiah 50:6 - Ohiatonhseratokénti

⁶ “Nakonhkwetaʼshón꞉a tsi ní꞉ioht ne tehiotinakaronhtónʼa ionahtiathaʼtónʼon. Ne shaʼkónonhne wahshaʼkothaharáhkwahte tánon tsi tiononhtarónhnion iasahkótkaʼwe. Wakontiathá꞉ton tánon iáh teskonnéhiaʼre onhní꞉ioht tsi iahonsakónʼne ne iahonshaʼhiakonatsiátarahse nonáhtsiake.

Jeremiah 50:6 ပူးပေါင်းရင်းမြစ်များ

Psalms 116:7

Nón꞉wa entkwéni ne shé꞉kon tahontakaterakáren tsioríhwa ne Roiá꞉ner tsi nihioiánere tsi nihakatiéraʼse, asèken ne Roiá꞉ner kwáh ioiánere tsi tehakerihwásnieʼse.

Psalms 119:176

Éhʼrenh wahkéton tsi ní꞉ioht ne teionakaronhtónha iohtsiatatónhon shatsatísak ne sanhátshera, tsioríhwa tsi iáh tewakkenronhníhon ne sahtsiawenhrásera.

Psalms 23:2

Raʼkerihwáʼwis thóh nón꞉we nakatorísen tsi nón꞉we nikahentí꞉ios; ienhakkéntenhse ákta ne tsi watnekíne ne kanekí꞉io;

Psalms 32:7

Í꞉seʼke nónwe nikatasehtákwah; í꞉seh teskénes nó꞉nen thén꞉nen tekanikónrahʼre. Ioʼwènhthe tsi kerénʼnothe tsi nó꞉kwa ne sahiatakenátsera, tsoʼríhwah tsi í꞉seh teskénes. Selah

Psalms 90:1

Saiá꞉ner, í꞉seke nón꞉we nikáien ne skenenkówak thí꞉ken né꞉ne tsi nénhwe enkénhake.

Psalms 91:1

Ónka kí꞉ken akénhake thóh nón꞉we nihiakonnhétie tsi niteshakónes ne kwáh éhʼneken tót꞉te ónhka kí꞉ken akénhake tsi nisakohiatanónstats ne roshaststenhseroʼwánen,

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 30:15

Asèken ne aoríhwa rá꞉wenh ne Roiá꞉ner Rawenni꞉io, né꞉ne Rahonhatsíwa Roiatatokénti í꞉ken Israerʼronónke: Tsi nathentése tánon satorísenh kwáh kí eniesahiatanónsthaʼte; sakʼthiʼkénhak tánon tasetakwénhak kwáh kí né sashatsténhsera enkénhake. Ók iáh tesatʼthontáton

Isaiah 32:2

Né satihiaʼtatʼtshons thóh nenhatiʼhiathothénhake kwáh né꞉ne tsi nónwe nihiontasehtákwah tsi nitsiowerénha, hiakotaséhton tsi naʼtehioweratáse, kwáh né꞉ne watnekíne tsi nón꞉we niʼhiahontsaʼthen, kwáh né꞉ne iorakwahweʼróston ne katsthenrowánen thóh tsi ahonhontsióskon í꞉ken.

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Jeremiah 10:21

Watʼkeriwahseráko, “Ne ionkhihéntense thonatónnhokʼte; iáh tehonwariwahnonhtónni ne Roiá꞉ner nashaʼkohéntenʼse. Ne kíʼ tsioríhwa tsi wahothiriwahnóronse, tánon nonhtsionkwetashón꞉ʼa tehonatʼthókwen.

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 2:20

Ne Ronontí꞉io Roiá꞉ner ráton, “Israel, wahónniseh tsi náhe tkénʼne wahsehriwáhson natianerénsehra; iáh tesatʼthontháton nahskewenhnahráhkwen ó꞉ni nahsekʼsénnaienhke. Ne kwáh tiótʼtes ionniarónnion tánon oronhthonkónhsons ne óhonthes niwahshokótens né tsénnahiens ne iáh thènenh tekarihwástha kahiatónnis.

Jeremiah 2:32

Ne iónkwe kén nitiohiónha ionikónhres kén ne ahowistahnorohsónhas, khés ne ioniáhkhe nahotierónniat ne enhióniaskte ne iakoniasta natseronniat? Ók nahiothónʼon nahonsehtonke nakonhkwetahshón꞉ʼa sénha wéso wenhnisehráhke ionkenikonhrénʼen.

Jeremiah 23:1

Tsi naʼtenhiotenonhianitónhake ne Roiá꞉ner rahorewahthátshera roʼnónhake ne ratikóras rohnónha shaʼkonathóntha naʼkonkwetaʼshón꞉a ó꞉ni teshaʼkonarehniátha. Ne teshontiérens ne sahkotinónhna ne teiotinakarontónha tánon sahkonathóntha nakitsenenhókonhs!

Jeremiah 3:23

Iáh othènenh tehionkwahiathakenáhon tsi hiakwahsénnaiens ne iáh tehioriwiʼiosthontsheráien nohnothoharahkeshón꞉s. Nahohiathakehnhátshera ne Israel Roiá꞉ner khók nónhwe nitehwétha nonhkwahNí꞉io.

Jeremiah 3:6

Ne sihononhtí꞉io ne Josiah, ne Roiá꞉ner wahakénhase, “Satʼkáhthon kén Israel, nètho iáh tehiorihwahthóken iónkwe, tsi nihiotiéren? Wakatʼkahrahthénion, tánon kwáh tsi niatehionónhthake ó꞉ni ne oronthonkónhson ne á꞉se íken kwáh thóh nihiothatiéren tsi ní꞉ioht ne iorihwahiathathónʼon.

Jeremiah 33:12

Ne Roiá꞉ner Roshastsʼtenserowáhnenh ráton, “Ne kénʼen ionwénhtsiaien kwáh thóh ní꞉ioht tsi ní꞉ioht ne iahonwenhtsaténhake tánon tsi nónhwe iáh ónhka nonhkweshón꞉a ó꞉ni ne katʼtshénenh tehatináhkere, kwáh káti shé꞉kon énska iensehwáhtheratsʼte enskahenthaiénthake nahkonhwahtiʼterontákwahke ne katʼtshénenhs tsi nónhwe ne teiotinahkarontónha sahkotinónhʼne nienshakotiʼhiaténhaʼwe ne teiotinahkarontónʼa.

Jeremiah 50:17

Ne Roiá꞉ner ráton, “Nisraeró꞉nonhs kwáh ne ne teiotinahkaronhtónʼa né kénreks tehiakorieniáton. Thontiérente ne ne Assyria ronnonhtí꞉io wahshakowáhrahke. Ethóhʼne Ronhnonhtí꞉io Nebuchadnezzar ne ne Babylon nónhwe washaʼkostsiókaʼne.

Jeremiah 50:19

Tánon shé꞉kon iensekʼkhehiaténhaʼwe ne Israerʼró꞉nons tsi thóh nonhontsáien. Ne꞉ne ahonthónnhetsʼte tsi niwahthónhnis ne kaientʼthóhtsheras ne꞉ne tsi ionónhte ne Carmel ahothonwenhtsáke tánon ne Bashan ahonahkerahseráhkon, tánon kwáh tsi nikonhtehonahthonwenhtsióni nahónnheke ne kaientʼthóhtsheras ne wahthónhnis ne Ephraim ó꞉ni ne Gilead ahonahkerahseráhkon.

Ezekiel 13:10

“Ne rotitó꞉kense shaʼkonattaharahkwáhtha nakonhkwetashón꞉ʼa tsi rónhton akwékon ioiánereh. Oriwihiohónwe noriwahkwékon tsi iáh tehioiánere! Nakonhkwetaʼsónhas tsi wahonshontónhni iáh tatehothinawasthaiésthon nonenhiasónhas, tánon ethòne ne rotitó꞉kenseh onàhken tahónhne tánon katenrahkeríthon tahathinékaroh.

Ezekiel 34:14

Kwáh enkheríhon nakonhtihóntahke iáh thaʼhiotiterónhsehke ne tsi ionhnontarónnions kahentáhkes ó꞉ni nahonrahkwahkónhsonhs ó꞉ni akwékon ne óhonte nikahentó꞉tens ne Israerʼró꞉nonhke.

Ezekiel 34:15

Í꞉i iatetiáti enkhehiatenhnikonhráhren nakhitshenenhókonhs teiotinahkaronhtónha, tánon enkhenatʼthatshénriahse tsi nónhwe nakonhthó꞉rihsen. Í꞉i, ne Wakenonhtí꞉io Watiá꞉ner, wakatáti.

Ezekiel 34:16

“Kwáh enkhehiathisháke tsi nikónhti ne ionahtsiathatónhon, tenhthekhehiaténhawe tsi nikáien ne kenktiehioné꞉nonh, enkhekenthó꞉ren ne iotikarewáhthon, tánon ensheʼkhétsenthe ne iotinonhwákʼtani; ók tsi nikónhti ne ionarésenhs ó꞉ni konhtishástsʼtes kwáh nènhʼne enkhehiáthonthe, tioríhwa Í꞉i ne ranónhne thóh nihahiéra ne tkariwahiéri.

Matthew 10:6

Israerrononke ok tanon teseȣaststekafa saietsiiahaharat ne iakohiatatonhon.

Matthew 15:24

Tahenron tsi iahatati: neok se tionkȣatorieton, naonsakheiahaharate nʼIsraerhaka rotiiatatonhon.

Matthew 9:36

Ȣasakotenre, nonen sahonikonraientane tsiniiot tsi ratinakere, ok tiiatehonarenihon aniosiken teiotinakarontonha iah teiotiien ne ranonhne.

1 Tiér 2:25

Neh thisisewatiérenskwe ne teiotinakarontóna ne ionatiatatónhonne, nók ónen thetsitsihiaténha natsisewásere ne sakonón꞉ne ne teiotinakarontónhas ó꞉ni ne ranónne ne sewatónnhets.