Jeremiah 50:4 - Ohiatonhseratokénti

⁴ Ethóhʼne ne Israerʼró꞉nons ó꞉ni ne Judahró꞉nons iaʼtehóntiesʼthe, “Ráton ne Roiá꞉ner, tehonséntʼthos tánon ronhwahiatísaks ne Roiá꞉ner raotiʼNí꞉io.

Jeremiah 50:4 ပူးပေါင်းရင်းမြစ်များ

2 Chronicles 7:14

tó꞉ka akonhake enhonterénhnaien tánon enshontatréwaʼte tánon tenhshontkaraténi tsi nòkwah ne karihwahetkénseras tsi nihonhtiérahkwe, ethòne kíʼ entekhehiatʼthónteke ne karonhiáke, enhshekhenikónhrenhse ne raotirihwanerahákʼtsheras, tánon né enskónhniaʼte ne raononhóntsa nahonsahkaiáneraste.

Psalms 105:4

Rahonháke ne Roiá꞉ner niaháseʼwe natsisewaʼiénawaʼse; tánon iehiokonhtakwénhak tsi sewaʼsenhnaiénsek.

Isaiah 14:1

Ók né Roiá꞉ner kwáh tenhoró꞉ton ne Jacob tánon shé꞉kon kí ne ensaiataráko ne Israel, tánon thóh ienseshakóteron ne rahononhontsáke; tánon ne thiʼhononhontsátes enhonwanatsátaraʼse tánon thóh enhotiʼiatanénhtake tsi rononshó꞉te ne Jacob.

Isaiah 45:19

Iáh othènon tewakatatíhon notsahonskwáhkon, thóh tsi ionhontsáien ne tetsiókaras; Iáh tekheiénhni tsi nitotʼwatsiríhnon ne Jacob, “Takwahiaʼtísak ne tsikʼtshiewátion nón꞉we.” I꞉i ne Watiá꞉ner né katróris norihwí꞉io í꞉ken, Né kenéstha tsi nahó꞉ten ne tkarihwaiéri í꞉ken.

Isaiah 55:6

Tsiaʼtísak ne Roiá꞉ner tsík sénhak shé꞉kon ahonwahiaʼtatʼtshénhri, iaʼtienáton tsík sénhak shé꞉kon ákta í꞉res;

Isaiah 63:4

Asèken nenhnísera ne kanhakwáhtsera akweriá꞉ne nón꞉we nihiothaténhronhkwe, tánon né óhsera né sheʼkehiatakwáhtha kahiotenhseraʼónhwe.

Jeremiah 31:31

Ne Roiá꞉ner ráton, “Táh꞉we nenníseras nónen á꞉se enshekheʼhiónnien naʼterihwahsheronniátshera ne onhkweshónha ne Israeronónke tánon né onkwesónha ne Judah.

Jeremiah 33:15

Nén nenhkaháwiʼke enhihiatharáhko ne ronnonhtí꞉io ne rohiánereh ne ne Táwit nónhwe nithotʼwahtsiríhnonh. Nètho ronnonhtí꞉io ne enhohióten ne tkarihwahiéri ó꞉ni ne kaiáneren ne tsi ionwenhtsiáte.

Jeremiah 41:6

Sók ki ne Ishmael Mizpah nónhwe iahahiákenʼne ne iathashaʼkóterahte, tehasentʼthósehre tsi niahawenonhátie. Nónenh sahthontátken, wahénron, “Aisewatʼthontátʼtseke tahsewahtáweiat naʼtsisehwáhken ne Gedaliah.”

Ezekiel 16:61

Tánon kwáh akwékon atehensehrákonh tsi ensehiárahke tsi nishatseránion ne tsi niseweienhnátsens, tánon enkhehiónhnien ne sehwatenhosenhokónhas ne Samaria ó꞉ni ne Sodom, ne꞉ne sehienhokónhas akénhake, iawerohátien tsi iáh ne tekenihiátare naʼteriwahsehronhniátshera tsi natetiátere.

Ezekiel 39:25

Ne Ronhnontí꞉io Roiá꞉ner wahénron, “Ók kíʼ ónenh enkhetenrehkówah ne Jacob tsi wahawahtsirahthá꞉tse, nonhkweshón꞉ʼa ne Israerʼró꞉nonhke, tánon shé꞉kon ensetkhehiónhnien nahonsahotihianerásten. Kwáh enkenónhsthate natsenhnatokénti.

Hosea 1:11

Nonkweshón꞉a ne Judah ó꞉ni nonkweshón꞉as ne Israerró꞉nonhke skátne tsi enhonwatiiaʼtaró꞉roke, tánon kwáh saiá꞉ta enhonwaiatará꞉ko nonónhtsi ahaton; tánon enhontié꞉nawatste nonhóntsa, asè꞉ken enwenhniserowá꞉nenhke enkénhake ne Jezreel raorihwá꞉ke.

Hosea 11:10

Kwáh Roiá꞉ner enhonwáhsere, raónha ratonhrá꞉iens kwáh né꞉ne kénreks; né nó꞉nen enhatonhráien, ne sakoioʼokón꞉as kwáh enhotiiatisónkwahne tsi iaʼtewatséntos nentónhne.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Hosea 6:1

“Káts, ánion Roiá꞉ner nokwáh nietsí꞉tewe; asè꞉ken rahónha seh ne shonkwahiataratiónkwen, tánon rahónha kí nensehshonkwahtsénte; rahónha shonkwakarewá꞉ton, tánon rahónha kí ensheshonkwahkentó꞉ren.

Joel 2:12

Iehió꞉he shé꞉kon nón꞉wa, ráton ne Roiá꞉ner, kwáh sewerhiasakwé꞉kon akonhá꞉ke natontásewe, sewenhthón꞉tiet, tánon tesewasénhtho, tánon shewatsiónhnion;

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Ne꞉ne Sák Rohiaton 4:9

Tasewanikonriakónhak, tesewaséntho, ó꞉ni sewakaseróten; tonsasewatáton tsi ní꞉ioht ne ahisewaiesʼshónhake ne thonsasewasenthótak, tsi nisewatsenʼnón꞉ni sahsewanikonráksen!