Jeremiah 50:34 - Ohiatonhseratokénti

³⁴ Ók tsi nikáien ne enseshaʼkoniákenʼte tsi rashástsʼte—ne raosénhna ne꞉ne Roiá꞉ner Roshastsʼtenserowáhnenh. Rahonhatsíwah tenhathaʼtékwahse ne raoʼtiriwahsónha tánon entáhaʼwe ne skénnenh ne tsi ionhwenhtsáte, ók aterihothaʼrókʼtshera enkaiéntahne tsi nòkwah ne onhkweshón꞉a ne Babylonia nónhwe.”

Jeremiah 50:34 ပူးပေါင်းရင်းမြစ်များ

2 Chronicles 6:39

ethòne kíʼ seiatahónsatat ne raonaterénhnaient. Né tsi teshí꞉teron ne karonhiáke sehiatahónsatat tánon sehténhren tánon shaʼsenikónhrens akwékon tsi nihotirihwáneren ne shonkwetaʼshón꞉as.

Job Tánon ne Raoronhiakensera 19:25

Asè꞉ken wakaterièn꞉tare ne Satiatákwen tsi rónhne, tánon kwáh tenʼthá꞉tane noná꞉ken enhiahónhniate ne kén꞉en ionwenhtsá꞉te;

Psalms 35:1

Sehiatkónten, Ó Saiá꞉ner, tsi nihiákon ne ionkátʼkonte; sehwaʼterí꞉io tsi nihá꞉ti ne ionhkwaʼterí꞉io!

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Exodus 6:6

Káti ietʼtsiró꞉ri lsraeró꞉nons tsi káton, ‘Í꞉i ne Watiá꞉ner; kwáh enkwahniákenʼte tánon enskwahtaʼtewenhniʼiósehron tsi niʼietsinaskónhnis ne Egyptró꞉nons. Enʼtkharahthá꞉the ne kenenshaʼshatsʼte nahontátʼkhawe ne tehioʼtenonhiaʼnhíton karewahthá꞉tshera ne roʼnonhàke tánon enskwaniákenʼte.

Proverbs 22:23

Roiá꞉ner tenhshakoriʼwakéhnhase ne raotirihwà꞉ke tánon enhshakotetshahníhten tsi ronnónhnhe nónhka enhonwanatetshahníhten.

Proverbs 23:11

Roiá꞉ner ne roʼshatstenhserowá꞉nen tehshakóhnhes tánon tenhariʼwakéhnha ne raotirhwà꞉ke.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 43:14

Né kí aoríhwa rá꞉ton ne Roiá꞉ner, Né shiaʼiatákwen, né꞉ne Rotokéntiʼt í꞉ken ne Israerʼronónke: Asèken í꞉se sarihwá꞉ke tsi kwáh ienkaténiete ne Babylon nón꞉we tánon tentʼrihtánion akwé꞉kons ne tekaristarenhwá꞉nion, tánon tsi natehotihenré꞉tha ne Chaldeans kwáh né iathenwakʼkaraténi ne kanikonrakʼsénhtshera.

Isaiah 44:6

Né kí aoríhwa rá꞉ton ne Roiá꞉ner, né Ronnontí꞉io NʼIsraerʼronónke, tánon né shoiatákwen, né꞉ne Sakoiáner ne ratironhiakeró꞉nons: I꞉i ne tiotierénhton ó꞉ni nonàken í꞉ken; Né tiaták꞉ta kwáh iáh tekaniʼioseráien nó꞉ia Rawenni꞉io akénhake.

Isaiah 47:4

Né sheʼshonkwahiatákwen—né꞉ne Sakoiá꞉ner ne ratiʼronhiaʼkeró꞉nons né ronwá꞉iast— Rahonhatsíwaʼkhok ne Roiatatokénti í꞉ken NʼIsraerʼronónke.

Isaiah 49:25

Ók ne kí aoríhwa rá꞉ton ne Roiá꞉ner: Iekaníhare ne sakonhó꞉ton ne roshatsʼtenhserowánen tsi ienhiontatsaténhaʼwe, tánon ne raorió꞉ta ne ranatakáriaks tsi entiontatewenhní꞉ione; asèken enhiʼiatʼkónthen tsi niʼiákon eniesatʼkónthen, tánon kwáh ensehkhenónstate ne sehioʼokónhas.

Isaiah 51:22

Né kí aoríhwa rá꞉ton ne Rawenni꞉io, né Roiá꞉ner, né sahʼNí꞉io rahónha tesakorihwakénhaʼse ne raoʼtirihwasónhas ne rahonkwetaʼshónhas: Satkátho, wahkónkwah ne tehiontnekontákwah ne tehiakohiathaʼkentónhkwah; iáh nonwénton shé꞉kon tahonsasnekíra nètho katʼsákon nakenakwáhtshera.

Isaiah 54:5

Asèken ne Iaiatíson né꞉ne teseníteron í꞉ken, ne Sakoiá꞉ner ne ratiʼronhiakeró꞉nons né kí raoʼsénhna í꞉ken; Né꞉ne Roʼiatatokénti Énska í꞉ken NʼIsraerʼronónke né꞉ne shiaʼiatákwen, né Rawenni꞉io í꞉ken nonhontsaʼkwékon né ronhwanatónhkwah.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 15:21

Kwáh enkonhniákente tsi nòkwa ne rahotishastsʼténseras ne ionkwetahétkens ó꞉ni ne ratinahthakárias. Í꞉i, ne Watiá꞉ner, wakatáhti.”

Jeremiah 30:20

Ensehkhekwahthákwahse nonhkweshón꞉a ne orihwahkaʼionhnéha kashastsʼténsera tánon kwáh enhioriwahníronke tsi shé꞉kon enskerihwahsehrónni; kwáh enkheréwahthe nónhka enhonwahtiʼwíshaʼthe.

Jeremiah 31:11

Ne Israel ahonkwetaʼshón꞉a teʼteʼkhehiáwi naʼthatewenhnihiótsera tánon sehkheniaʼkénton tsi nòkwah né kwáh rotiʼshastsʼtenserowáhnenhs.

Jeremiah 31:35

Ne Roiá꞉ner tatkáwas ne karáhkwah tahkaswátʼtheʼte tsi niwenhnísehres, nasontʼthennéka karáhkwah tánon ne tsi iotsistokwahrónnions ne nènhne tahkeniswátʼtheʼte nasontʼthénne. Tehanonhwafʼfátha ne kaniatarahkheʼkówah tánon rónnis nahionronkhatónhake; ne raoʼsénna ne ne Roiá꞉ner Roshastsʼtenserowáhnen.

Jeremiah 32:18

Sehnésthon ne iorihwahthó꞉ken sahnoronkwáhtshera raoʼtihénton ne tewenhniawehetseráhsen nihionkwéhtahke, ók kíʼ ó꞉ni sehrewáhtha nonhkweshón꞉a né karihónnis ne raoʼthirihwahnerahákʼtshera ne ronwahtiʼienokónha. I꞉se ne teshaʼtenonhianíton ó꞉ni sashaststenseró꞉wahnenh Ní꞉io; i꞉se ne Saiá꞉ner Sashastsʼtenserowáhnenh.

Jeremiah 48:15

Ne Moab tánon nahonahtowáhnenhs kariwahthónton; ne kwáh tsiahonkwetí꞉iosʼkwe nithotiʼhiónsas ronwahnahwénhtʼthon. Í꞉i ne Wahkenonhtí꞉io, ne Watiá꞉ner Waʼkeshastsʼtenserowáhnenh, tánon wahkatá꞉ti.

Jeremiah 51:19

Ók ne Sakoní꞉io ne Israerʼró꞉nons iáh ne kahiatónhni tèken! Kwáh rahonhatsíwah norihwahkwékons rohshahánion tsi nihiothánions, ne rahonkwetaʼshón꞉a thóh ratiʼhiátareh, kwáh rahónʼa shakokweniénston. Né꞉ne Roiá꞉ner Roshastsʼtenseroʼwáhnen ne raoʼsénhna.

Jeremiah 51:36

Ne Roiá꞉ner warénhase ne Jerusalem, “Kwáh Í꞉i tenkonhriwahkénahse ne sariwahshón꞉a, tánon kwáh Í꞉i ensetʼkhárhiaʼke ne shaʼrihwáhke. Enstátʼthaʼte nahoniatharáhshona, ó꞉ni nahonehkanos.

Lamentations 3:58

“Í꞉se saskeʼniákente, Saiá꞉ner, tánon waseniákente tsi kónnhe.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Micah 4:10

Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

Micah 7:9

Ó꞉nenk tsi enkatakátstate ne raonakwáhtshera ne Roiá꞉ner, tiorì꞉wa tsi wakerihwáneren tsi nokwáh ne rahónha, tsi nió꞉re rahónha tenhakerihwakénhase nakerihwaʼshón꞉as tánon enharihwénhte. Kwáh tsi teioswáthe nienhatiathénhawe; kwáh kʼi enkatkáto ne raorihwakwarihshióntshera.

Revelation 18:8

né꞉se wahón꞉ni nahohrashón꞉as kwáh enwá꞉we ne nón꞉we sewenhniserák꞉khok enkénhake— kahnrhaó꞉kon tánon nahiontʼtiónhnion tánon natonkarhiá꞉kon— tánon ne raón꞉ha kwáh kíʼ enkonwatsiatatʼtsáhate otsirá꞉ke; asè꞉ken roshatstenhserowá꞉nen seh ne Roiá꞉ner Ní꞉io raón꞉ha rariwenhtáse.”