Jeremiah 50:20 - Ohiatonhseratokénti

²⁰ Ne thóh enwenhniserahtéhnionhke, ráhton ne Roiá꞉ner, iáh thahóten ne kariwáhneren thaʼkatʼtshéronhke ne Israerʼró꞉nonhke iáh ó꞉ni ne Judah nónhwe, asèken ensetʼkhenikónhrenhse nonhkweshón꞉a ne iatehonahthaténron. Í꞉i, ne Watiá꞉ner, wakatáti.”

Jeremiah 50:20 ပူးပေါင်းရင်းမြစ်များ

Psalms 103:12

kwáh tsi nió꞉re ne tsitkarakwínekens tánon tsi nió꞉re ne tsi iatewatʼtsénhthos, thóh kiʼ nió꞉re tsi éhʼren rohawíton nonkwarihwaʼnerahákʼtseras.

Psalms 17:3

Waskateriasát꞉kenhse, waskenataré꞉nase ne tsi niwashón꞉tes, waskateniénhten, iáh thaónten thasettshénrih ne aonhetkéntake nakonháke; iáh tewakerihwaiéntase né tsiksahkáronte tsi iáh thakariwaiesáhthake.

Psalms 85:3

Tethisatihéntʼton akwékon ne sanakwáhtshera; tánon watéstaste tsi nisanakwénhenhne.

Isaiah 1:9

Tó꞉ka né Roiá꞉ner roshaststenserowanenkówa iáh thahothontátonke toká꞉ra nihionkwétake iathahonathaténhron, ne Jerusalem kwáh tokénʼen tsi akonwatóntonʼke, tsi kíʼ ní꞉ioht ne Sodom tánon ne Gomorrah tsi niʼiotihiatawénhon.

Isaiah 10:21

Né iatehonathaténron kwáh tentʼtónhne, ne iatehonathaʼténron ne Jacob, rahonháke ne Roshatsʼtenhseroʼwánen Ní꞉io.

Isaiah 33:24

Tánon iáh ónhka ne thóh ienákere nahiaiéron, “Wakenonwákʼtani”; nonkweshón꞉has né nón꞉we niʼienákere kwáh kí enskanikonrénhenke ne raoʼtirihwaneraháktshera.

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Jeremiah 31:34

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Jeremiah 33:15

Nén nenhkaháwiʼke enhihiatharáhko ne ronnonhtí꞉io ne rohiánereh ne ne Táwit nónhwe nithotʼwahtsiríhnonh. Nètho ronnonhtí꞉io ne enhohióten ne tkarihwahiéri ó꞉ni ne kaiáneren ne tsi ionwenhtsiáte.

Jeremiah 33:8

Kwáh ensheʼkherahkéwahse tsi nòkwah ne karihwáhneren nètho tsi nihothiníkonh tsi nòkwah Í꞉i, tánon ensheʼkhenikónhrenseh ne rahotiʼriwahneraháktshera ó꞉ni tsi naʼtehothirihó꞉ron.

Jeremiah 44:14

Kwáh iáh ónhka nonhkweshón꞉a ne Judah nónhwe nihonahthaténron tánon ne thó꞉nonh ne Egypt nónhwe nahonsahatiʼnáhkerehke iáh thahatiʼniékenhʼne iáh ó꞉ni tahonshaʼhonnónhnheʼke. Iáh ne sahiáta Judah tshiaʼhonsàhre, tsi nónhwe enshonskáneke shé꞉kon niaʼhonsahonnáhkerahte. Kwáh iáh ónhka éhtho tsiahonsáhien nekʼkhók ne tohʼkàrah niháti ne rotiʼnahtenháwis.”

Jeremiah 50:4

Ethóhʼne ne Israerʼró꞉nons ó꞉ni ne Judahró꞉nons iaʼtehóntiesʼthe, “Ráton ne Roiá꞉ner, tehonséntʼthos tánon ronhwahiatísaks ne Roiá꞉ner raotiʼNí꞉io.

Lamentations 4:22

Ne Zion tetioriwaserákwen tsi nihioriwáneren; Ne Roiá꞉ner iáh shékon tahonsahsonkwanakerákwaʼte. Nók ne Edom, ne Roiá꞉ner enhiaréwaʼte; enréneste tsi nisaníkon tsi nisatieránion.

Ezekiel 18:22

Akwékon ne rahoriwahnerahákʼtshera enkanikonhrénhʼen, tánon enrónhnheke, tioríhwa tsi né wahohióten ne tkariwahiéri.

Micah 7:19

Kwáh kíʼ shé꞉kon tentre tánon ensheshonkwenténhre; kwáh kíʼ enharatatiéson nonkwahrihwaneraháktshera. Akwé꞉kon isehienhóti nonkwahrihwaneraháktsheras tsi nón꞉we ne kwáh tionó꞉tes kaniatarakeʼkowáhne.

Zephaniah 3:12

Tánon thóh sewanenhrí꞉hen enkhetéron ne iakonithénton tánon ne iáh tehionthatón꞉ni; tánon kwáh ne enhiakésake nahiontekwáhsen thóh raoshén꞉nakon ne Roiá꞉ner.

Zechariah 3:9

Rahohénton ne Joshua skanénhia éntien né꞉ne tsá꞉ta nateiohiosohkéronte. É꞉tho entierón꞉nitste enkʼkhiáton, tánon tókok sewenhní꞉sera ahé꞉ren entkhá꞉withe ne karihwáneren ne kén꞉en iowenhtsá꞉te.

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Acts 3:19

Sasewatatʼréwat, káti, tánon Niióʼne nionsásewe, neh nahónte nahonsahonikónren ne sewariwaneraháktseras. Tho꞉ka thóh nen sewáiere,

Acts 3:26

Tánon káti ne Rawenni꞉io wahohiataráko ne rahonkwéta tánon tsi tahothénieʼte tsionháke tahatiérenʼthe niaháre, neh nahiaʼhiatatérisʼte tsi kwáh niatehionkwétaʼke ahsakahónnien tahonsahiontʼkaraténi tsi niʼieweʼiennáksens.”

Romans 11:6

Neh kanonkonniáton neh rahoténrat, iáh thòka kén tsi nahothihioténhen. Asèken tòhka ne Rawenni꞉io neh ahononkonʼniáthon tsi naiontseráke nónkwe, knáhaʼkiʼ ne rahoténrat iáh thahioriwí꞉ioke.

Romans 5:16

Tanon kwáh kíʼ thetsiatʼthíhen neh Rawenni꞉io rahothatawítsera tánon neh saiátat rahoriwaneraháktsera. Sahariwaneráke neh Á꞉ton Rawenniʼio watoʼiatórete tsi rhoníkon; nók kíʼ tsi niʼiakotsiokowánen iakoriwáneren Rawenni꞉io wasakawehnésten ne rahothaniténrat ráthon, “Iáh tesewahníkon!”

Romans 6:13

Tóhsa ó꞉ni sewatiakwaríshas ne kariwáneren tsik nahiotónhake ne tsionhakésons nehʼne ahónston ne kariwaneraháktsera. Khèkenk, Rawenni꞉io tatʼtsítsion ne tsiʼtión꞉nhe, tsi nihiáwenhe nhótiake tsi sonnatonʼnhéton, tánon kwáh sewahiathakwékon sewahtiakwarísi rahonháke nehʼne ahʼhónston tsi nòkwa ne kariwakwarishóntsera aoriwáke.

2 Tiér 3:15

Neh thesatʼkáneren tsi nihonikonkátsthe ne Sonkwaiáner tsi nihiatesennáwis nahonsaseniáken꞉ne, kwáh tsi ní꞉ioht nonkwaterohseraʼnóron Kór ietsisewahiatónni, ne rótston natʼthokhátseta ne Rawenni꞉io thóhʼwi.