Jeremiah 50:2 - Ohiatonhseratokénti

² Kén kíʼ nahó꞉ten ne Roiá꞉ner ráton: “Ohontsakwéhkon ietʼtsiró꞉ri, tánon tó꞉sa thènenh tahtiónhnek! Sewéhnest sewahniatarahkétsko ne nonhkwetaʼkwékon ahiakotókenhse nètho Babylon tsi enkonhwahsénhni! Nahohiathonnisónhas kwáh tehiotʼtókwenh! Nahoní꞉ios ne Bel ó꞉ni ne Marduk kwáh toʼkénʼen tsi enhonwahnatéhaʼte.

Jeremiah 50:2 ပူးပေါင်းရင်းမြစ်များ

Psalms 64:9

Eʼthóhʼne kíʼ kwáh onhkwetaʼkwékon tsi enhiakó꞉teronhne; kwáh kíʼ enhontró꞉ri tsi nahó꞉ten ne Rawenni꞉io taháhawe, tánon enhotinikonhraiéntaʼne tsi nihotséren.

Psalms 96:3

Ietsiró꞉ri ne raoʼiataʼnerakwáhtshera nonkweʼshón꞉as, tsi nihiorihwaʼnerá꞉kwas ne raoʼioténhseras nonkwetaʼkwé꞉kon akorihwá꞉ke.

Psalms 97:7

Akwékon tsi nihatisénhnaiens ne kaiatonnishónhas waʼkonwanatéhaʼte, tsi niʼiákon né thóh nón꞉we nateierénhsarons ne iáh othènon tekarihwásthas kaiatonnishónhas; ratikwékon ne niʼiohokónhas tehontsátʼtons raohénton ne Roiá꞉ner.

Isaiah 12:4

Tánon enhshí꞉ron né thóh entewenhniseráteke: Tetsenonweráhton ne Roiá꞉ner, iasená꞉ton ne raosénhna; sènest ne raohioténhsehras tsi nòkwah ne iakahontsakeró꞉nons; sehrihówanat ne raosénhna tsi natekarénhsaron.

Isaiah 13:2

Né꞉ne onontóskon nón꞉we nahatiʼniatarakétsko, iorakaréni tsi tesewahséntʼtho ne rahotiʼhénton; tesehwanentʼtsateníhon né꞉ne ronónha iahontáweiaʼte ne tsi ronaʼthenhenrakáronhte ne ratiʼsenhnowánens.

Isaiah 21:9

Satkátho, kén tahón꞉ne, tahotishátenʼtse, kosáhtens tahotishá꞉tenʼtse tsioianátʼtions!” Eʼthó꞉ne ó꞉nen waharihó꞉wanate, “Tsoiathènʼen, tsoiathènʼen ne Babylon; tánon akwékon ne kahiatonhnisónhas ne aoniʼiohókons ohontsàke kakérons tehiotʼtókwen.”

Isaiah 37:19

tánon otsirá꞉ke iaʼteonatesenhniá꞉ton ne raotiniʼiohokónhas, iawerohátien tsi iáh ratiní꞉ios tèken, ók ónhkwe akosnón꞉sa thiʼiosahánion—óiente tánon onénhias—tánon ká꞉ti kariwathóntons.

Isaiah 39:1

Ehʼsikahá꞉wikwe Ronnontí꞉io Merodach-baladan ne roiénha ne Baladan ne Babylonró꞉non iaʼsakotó꞉ri ne ratiʼrihwakarénies iahatihiaʼtonhserénhaʼwe tánon athatawítshera iahonwahawitáse ne Hezekiah, asèken rorihwarónhken tsi rononwaktaníhaʼkwe tánon shotʼkwahtákwen.

Isaiah 46:1

Né Bel waʼtewatentʼtsióten, ne Nebo teiotʼtsákton, naotihiaʼtonhnishónhas né꞉ne kontírios tánon tionhnónskwarons; kí꞉ken tsi nahoténsons sawinóntie titʼkáhere né sherieniakétats ne tehiotiwisenhéion katʼtshénens.

Isaiah 48:20

Thonʼtatsiákenk ne Babylon, thonʼtasatèko ne Chaldea, satʼró꞉ri kí꞉ken tsi naʼtenhsahénreʼte natʼtsenhnonhniátshera, serihó꞉wanat, iaʼsaténiet ne tsi ieiotonhontioktaníhon; tsíronh, “Né Roiá꞉ner shoʼhiatákwen ne raonhá꞉tshera Jacob!”

Isaiah 48:6

Sewahrihwahrón꞉ken wá꞉hi; ó꞉nenh kí orihwakwé꞉kon kí꞉ken sewatʼkátho; tánon kwáh iáh thahiʼshewarihówanate? Kwáh kénʼen ienwatásawenh entsiónhnien nahiʼsewahthón꞉tene norihwáses, né꞉ne ioʼterihwaséntonh né iáh tesewahteriéntaraʼkwe.

Jeremiah 10:11

Í꞉se ne tiónkwe ó꞉nenk tsi enhientʼtsiró꞉ri nètho onkweshón꞉a ne kahiatónnis iáh rohnónha tehothíson ne tsi ionwenhtsiáte ó꞉ni ne tsi karonhiáte ónenhk tsi enhonwanáthonte. Kwáh ónen iáh kahnèka tahonshahatiʼierónnike ne tsi ionwenhtsiáte.)

Jeremiah 10:15

Iáh othènen tehioríhonte kwáh tehiothonwenhtsióhon nakonhwatikénron; kwáh enkonhwanátonʼte nónen ne Roiá꞉ner éntre ne ken kennienʼshakóhiere.

Jeremiah 31:10

Ne Roiá꞉ner ráton, “Tionhontsiakeró꞉nonhs, tahkwathahónsatat tánon sehwahteriwahnóton naʼkewenhnahókon nahínonʼnióre tionhontsaʼkérons. Tekhehiarehniá꞉ton naʼkonkwetahshón꞉a, ók kíʼ ensheʼkhehiatarórohke tánon enkheʼhiatennekónrahre tsi ní꞉ioht ne teiotinahkarontónʼa shakó꞉nonhne tsi shaʼkonikónhrahre ne rahotshenenhókon.

Jeremiah 4:16

Tahonʼne nahonwahtirehtsáron nonhkweʼshón꞉a tánon nakonhwahró꞉ri ne Jerusalem nètho tehontátʼtions tsi tahónʼne ne aínonh nióre tkanakerahsehrahkérons. Kí꞉ken tehontátʼtions iatenhothihénreʼthe nahkonhwakʼkónhten ne kanatowáhnenhs ne Judah.

Jeremiah 4:6

Iatesehwahtó꞉kens tsi nónhwe ne Zion! Sewahthèko nahisehwahniákenʼne! Tó꞉sa sehwatennískwat! Ne Roiá꞉ner tahaháwi ne kahriwahiesáhtshera tánon kowáhnenh kahkaronniátshera nénhtewe ne otʼthoréhke.

Jeremiah 46:14

“Sehrihówahnat tsi kanahtaʼiéntons ne Egypt ó꞉ni ne Migdol, Memphis, ó꞉ni ne Tahpanhes: ‘Sehwahtaʼteweienhnénhtan nahontesehwahtátheʼne; akwékon tsi nahoténsons sewáhien akwékon tsi wahterí꞉io nónhwe nenhkariwahtónthonke!

Jeremiah 50:46

Thenhiahontsíshonkwe tsi nihiorahkaréhni nónenh ne Babylon enhkahiatiénenhne, tánon tsi nahtewahséntʼthos tsi naʼtehionikonhrhiákon kwáh ohontsakwékon enhiakotʼthóntehne.”

Jeremiah 51:12

Sewahniataʼrahkétsko ne ionterihiostáhkwah tsi nòkwah ne Babylon! Shaʼietʼtsitsiokwahiésten ne ratiʼnikónhrahre tánon teietʼtsítas nahontenhnikonhráhren. Sewahtaʼtewenienhnénhtan nahisehwahnénhrenhte,” asèken ne Roiá꞉ner kwáh enharihwahiérihte tsi nihotenikonrónhni tsi nòhkwah ne Babylon.

Jeremiah 51:27

Sehwahniaʼtarahkétsko ne ieniatarohharáhkwah ne tsi ionwenhtsáte, sehwahhonráhwat nonhkwéhne; né nahonthatewehhienénhtahte nahonterí꞉io ne Babyloniaró꞉nons! Iahitsinónhtkonh ne tsi kanakerahsehrahkéronhs ne Ararat, Mimni, tánon ne Ashkenaz ne iakonhwahtsatónti. Tsi sehwahiataráhko ne rahsenhnowáhnenh nahanenhríhsehre tsi iahiashaʼkotsatónti. Thaʼietʼtsihiaténhaf ne kosáhtens tánon thóh iahionahtsókwahske tsi ní꞉ioht ne tsistárahre.

Jeremiah 51:31

Ne rathiriwahkaréhniens tehonthihashiónkwahs rahtítatke nahonwahróh꞉ri ne Ronhnonhtí꞉io ne Babylonia nónhwe nètho rahonátha kwáh tsík nonhwéhson ne kanátakon tsi toʼnahthawehiáton.

Jeremiah 51:44

Tánon kwáh entréwahte ne Bel né꞉ne Babylon aoní꞉io, tánon ensetʼtháko ne kahshá꞉kon tsi nahó꞉ten iehioʼnhekwáhnon. Nonhkweshón꞉a iáh ónenh shé꞉kon thatahontáien nahonshaʼkonhwahsénhnaien. Ne tsi wahtenhenró꞉thaʼkwe ne Babylon karehniénton.

Jeremiah 51:47

Asèken kwáh oriwiʼiohónwe tsi táhwe ne kawistáheks nónenh kwáh entréwahthe kí꞉ken kanatowáhnenh tánon tsienwahkwekónhke nahohiatonhnisónhas. Kwáh ahonahkerahserahkwékonh tsi enhonwahnatéhate, tánon nahonwehiontashón꞉as kanathakónhsons tenhiahonwehionthontárohke.

Jeremiah 51:52

“Hén ráton,” ne Roiá꞉ner, “Ók táwe ne tsi kawistáheks nónenh ne Babylon ahohiatonnishón꞉a kwáh enkarihwahtóntonke. Tsi nenhonnonhséhnen nahonkwetaʼshón꞉a ne tsi ionhontsáte enhiakokthónteneh.

Jeremiah 51:8

Ók thontahiawénhstsi, ne Babylon ó꞉ni wakonhwahsénhni. Tsehwahsénhtʼthos, tánon táhtion ne ahonónhkwah, Tó꞉ka nónhwa enkahkwéni ne shé꞉konh ahoshaʼkonhwáhtienʼthe.

Jeremiah 52:31

Nètho shiʼiosehráte ne Evilmerodach wahononhí꞉ioʼne ne Babylonia nónhwe, wahawenésten ne kanoronhkwáhtshera rahonháke ne Ronnonhtí꞉io Jehoiachin ne꞉ne Judah nónhwe tsi sahononhthónko. Ne kí꞉ken ne tewáhsen-wísk shiwenhniserahkéhaton ne꞉ne tékeni-iawénhre shiwenhnitakéhaton ne꞉ne asenhniwáhsen-tsáta shihiosehráke ne Jehoiachin shiahonwahiaténhaʼwe nahonwahnóton.

Jeremiah 6:18

Káti ne Roiá꞉ner wahénron, “Sehwathahónshatat í꞉se ne tiónkwe, tánon sehwahtherientáhranh tsi nenhothihiáthawenh nakonhkwetahshón꞉ʼa.

Daniel 1:2

Ne Roiá꞉ner wahoríhon naʼhoié꞉na ne Ronnontí꞉io Jehoiakim tánon iaháhawe tóhkaraʼ ní꞉kon ne ohwistanó꞉ron ne ononhsatokenhtí꞉ke aʼówenk. Tóhka niʼ ó꞉ni nihá꞉ti wahshakoié꞉na tánon ionsahshakoiaʼténhawe tsi thonterennaientáhkhwa ne raoʼniioʼó꞉kon nón꞉we ne Babylon, tánon tsi ní꞉kon ronenhskwenhátie ne ohwistanoronʼshón꞉a, tsi rontahkweniaientáhkhwa ne ononhsatokenhtí꞉ke nón꞉we iahatakweniá꞉ien.

Daniel 3:14

Washakoriʼwanóntonhse, “Shadrach, Meshach, tánon Abednego, tó꞉ske ken iáh tesewathóntats ne aesewahsénnaien ne Akeʼní꞉io tánon ne taesewatentshóthase thí ohwistanó꞉ron watiathonnisehrakétskwen?

Zephaniah 2:11

Ne Roiá꞉ner kwáh tenhiotenonhianí꞉tonke tsi nensakokʼkónhten; kwáh ensakahonkárhiakte ratikwé꞉kon ne nihioʼokón꞉as ne tsi ionhwenhtsá꞉te; tánon nonkweshón꞉as kwáh tenhionhtsákete ne raohénton, tsehiatátions tsi nón꞉we niienákere, ratikwé꞉kon nonkweshón꞉as ne kawenokwakʼtóntie ienakerénion.

Revelation 18:2

Tontahohénrehte kwáh tsi nihawén꞉na, “Teioréhnion, teioréhnion seh ne Babylon né꞉ne kashennowá꞉nen! Ne iehiotónhon thóh nón꞉we nihathiʼterón꞉ton ne rontʼkonserát꞉sens, thóh nón꞉we nihontsientáhkwa ne ratnikonrahétkens, thóh nón꞉we nikontsientáhkwa ne katsitenserátsens, thóh nón꞉we nihontsientáhkwa notsitenokónhas ó꞉ni ne tsonewárat katsinonwáksens.