Jeremiah 50:13 - Ohiatonhseratokénti

¹³ Tsioríhwah tsi niwahkenahkwénhʼen kwáh iáh ónhka tahonsahienáhkerehke ne Babylon nónhwe; kwáh káiase ienhwáhton, tánon nonhkwetaʼkwéhkon né꞉e enhiontohétsthaʼke kwáh entionthónnheke tánon enhiakoneráhko.

Jeremiah 50:13 ပူးပေါင်းရင်းမြစ်များ

Job Tánon ne Raoronhiakensera 27:23

Kwáh thenhosarókse, tánon nowé꞉ron enwenhnaká꞉reke tsi éhren enhohiathenhá꞉wite tsi nón꞉we nihèn꞉teron.

Jeremiah 18:16

Né wahonnónhniaʼthe kí꞉ken ohóntsa ne kateronkwáhtshera, né꞉ne tsi nénhwe ahiekenronníhake. Tsi nihiákon né éhthoh nónhwe nenhiontóhetsʼthe entionthónnheke tsi nahó꞉ten enhiontkátho; tenhionnonhkaʼrénron tsi nenhiakoneráhko.

Jeremiah 19:8

Thóh nióre tsi éntsien ne atkaronniátshera ne kénʼen kanatowánenh né nónhka enhiontó꞉hetste kwáh entionthónnheke ó꞉ni enhiakoneráhko.

Jeremiah 25:12

Nenhwahtóhetsthe kwáh enkheréwahthe ne Babyloniaró꞉nons tánon ne raothinonhtiʼiótsheras ne enkarihónni ne raotiriwahneraháktshera. Kwáh enkerihwénhthoh nètho kanahkeráhsehra tánon thóh enkaiénthake enkaiésha tsi nénhwe.

Jeremiah 34:22

Í꞉i enkaténnhaʼne, tánon tentʼthónʼne ne kénʼen kanatowáhnenh. Ienkonhwahtiatónti, enkonhwahiéna, tánon enhontenonhkwéntahwe. Ne enkónhniaʼthe ne tsi kanathaiéntons ne Judah tsi ní꞉ioht ne iahonwenhtsatʼténhhake tsi nónhwe ne iáh ónhka teienáhkere. Í꞉ih, ne Watiá꞉ner, wakatáti.”

Jeremiah 49:17

Ne Roiá꞉ner wahénron, “Ne atkaronhniátshera nenhiohiató꞉renhne ne Edom tsi nióre tsi tenhiotenonhianitónhaʼke kwáh tsi nihiákon ehnónhwe nenhiontó꞉hetste kwáh entionthónhneke ó꞉ni enhiakoterónhsehke.

Jeremiah 50:3

“Othoréke enthaʼtiʼiénthaʼkwe ne kentiókwah ne iakonhwahtsatónti káti káiase enhonnónhniaʼte nahonhóntsa, tánon kwáh iáh ónhka nonhwénhton éhtho tahonsahienáhkereʼke; tetsáronh ne rónhkwe ó꞉ni ne konhtírhio enhontèko.”

Jeremiah 51:26

Kwáh káiase enshá꞉ton tsi nénhwe. Iehióhe shé꞉kon ne shaʼnenhiasónha kwáh iáh nonhwénhton tahonshónston nakanonhsonhniáton. Kwáh kíʼ tohkénʼen tsi ienhieshaʼsaháten,” ráton ne Roiá꞉ner.

Jeremiah 51:29

Babylon tehiohiathishón꞉kwah tánon ioterahkén꞉rieh tsi nihioronhiáken, asèken tsi niaʼtehioriwáhke ne Roiá꞉ner rohtenikonhrónhni tsi nòkwah ne ahónha seh thóh ní꞉ioht iáh thènenh thateskahthénion. Ne Babylon kwáh enkariwahhiésha kwáh iáh ónhka éhtho tahonsahienáhkerahke.

Jeremiah 51:37

Ne Babylon thóh nenhiáwenhne tsi ní꞉ioht ne ioheshastsʼtó꞉koʼte tsi nónhwe ne konhtírhio khók konhtináhkereh. Kwáh tehiótion nahiontkátho; iáh ónhka né nónhwe tahonshaʼienáhkerehke, tánon tsi nihiákon nenhiontkátho kwáh enhiakóteronhne.

Jeremiah 51:62

Ethòne enshíron, ‘Saiá꞉ner, ísenh tsi kwáh ensehriwáhthonʼte ne Babylon ne káti ne kwáh iáh ónhka nónhkwe tó꞉ka ó꞉ni ne katʼtshénenh ne kénʼen ahonshaʼienáhkerehke. Thóh enkaiénthake ahóskonh enkénhake tánon konhwahteʼwenhtéton tsi nénhwe.’

Ezekiel 27:36

Ónen iáh kanèkah teséhses, sahténhtion ne tsi nénhwe, tánon ne ronhtkéronhs ohontsakwékon iakoteronhienhténhni, rohtíteronhs enhatiʼiéna tsi nesahiáthawen.”

Zephaniah 2:15

Ne kí꞉ken ne iotsenhnónhniat kanatowanénhke, ne thóh ratinákere kwáh skenenʼkó꞉wak thí꞉ken, tsi niká꞉ien ne rónhton ne raonerhià꞉ne “Í꞉ih ne keʼshátste iáh nó꞉ia teká꞉ien.” Tsi nió꞉re tsi iorihwaiesáhon; thóh nón꞉we ne kontiʼtshé꞉nens nenkontenaskwahientáhseke. Tsi nihiá꞉kon ne nón꞉we nenhiontohéstake kwáh enhionhnákare tánon thenhionnakʼtsatení꞉hon.

Zechariah 1:15

tánon kwáh í꞉ken tsi keʼnhákwahse nonhkweshón꞉a ne ronaʼtsenhnón꞉ni sakʼthí꞉ken ó꞉ni skén꞉nenk í꞉ken. Asè꞉ken tsi nikarì꞉wes watienhawáhkonne nahkenhakwáhtshera tsi nokwáh nakonkweʼtahshón꞉a, né꞉tho onhkweshón꞉a sénha hiahonnhóhetste tsi wahonwahthironhiákente nakonkweʼtahshón꞉a.

Deuteronomy 29:22

“Ne wahatinekwenhsatátie ne shawá꞉tsires ó꞉ni ne thihononhontsá꞉tes ne ahí꞉non nió꞉re thatinahkerénions kwáh enhontkátho ne kariwaieshá꞉tsheras ó꞉ni ne karonhiakénhseras né꞉tho Roiá꞉ner thó꞉has ne sonhontsà꞉ke.