Jeremiah 5:31 - Ohiatonhseratokénti

³¹ tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Jeremiah 5:31 ပူးပေါင်းရင်းမြစ်များ

1 Kings 22:6

Sók kíʼ ne Ahab iashakonónhkʼkon ne rotitó꞉kense, ká꞉nonh né kaiéri tewenhniáwe niháti, tánon washakorihwanónhthonhse, “Iakhehiatsatónhti onhtèken ne Ramoth, khés ne iáh?” “Iasheʼhiatsiathónhti,” wathatirihwaseráko. “Ne Roiá꞉ner énthion natesenhniétsera.”

Proverbs 17:4

Nón꞉kwe ne iáh tetiakorihwaié꞉ri ne iontahónhsatats nahò꞉ten karihwáksenʼs, tánon ne rotinó꞉wenʼs onó꞉wen ne rontahónhsatats.

Isaiah 10:3

Ónh nénh꞉shere nenhtewenhniseráte ne karehwahthátsera, natkaronhniátshera né꞉ne kwáh ahí꞉non nió꞉re nènhtewe? Ónka aiesaiénawaʼse, tánon kaʼnónwe nénhshien ne satsokowátshera,

Isaiah 20:6

Né èhʼthoh entewenhniseráteʼke ne ratinákere ne kénhen kawenhokwát꞉tonhtse kwáh enhonhníron, Satkátho, kén kí꞉ken nihiawénhen tsi niháti rononhàke ionhkwahraratsheʼraiéntaʼkwe tánon rononhàke niahitewatátke nahionkiʼiénawaʼse tánon nahonsahionkhiʼiatotsaríhsi tsi nòkwah ne ronhnontí꞉io Assyria! Tánon nonkwáhtsakes, onhní꞉ioht tsi ahonsetewaniákenhne?”

Isaiah 33:14

Né rotirihwaneraháts꞉kon ne Zion nón꞉we kwáh rotíterons; ne iakohiatiʼshiónkwah ne wahakoiéna ne iáh teotiniʼioseráien: “Ónhka tsi nítsion ahitewakwéni né kénʼen ahitiónnheke ne iakotónhtha ótsire? Ónhka tsi nítsion ahitewakwéni thóh nahiʼtiónnheke ne tsi nénhwe í꞉ken notonhkókon?”

Isaiah 43:27

Né toʼnatierénhton sheʼsotʼthonkonkénʼen roʼtirihwaneraháts꞉kon, tánon ne ieʼsatewenhnakaratátis rotirihwáneren tsi nó꞉kwah ní꞉i.

Isaiah 47:7

Í꞉senh, “Kwáh kí entewakeniaró꞉taron tsi nènhwe enkénhake,” né ká꞉ti tsi iáh tesarihwakéron kí nahorihoténsons ne seriá꞉ne khés nahisisehiaráhon ne tsi ieionateríhokʼte.

Jeremiah 12:4

Tóhʼ nióre nonhtionhóntsa ienwastátʼten, tánon nonhontesónhas ne kwáh niaʼtekahethákes nahonthakénheʼie? Konhtitʼtshénenhs ó꞉ni notsitenokónhas konnihéions ne tkarihónnis tsi nihotiriwáhnerens nonhtionkwetaʼshón꞉a, ónhka ne ónhkwe iónhthon, ‘Rawení꞉io iáh tehatʼkáthos tsi nitewahtiérah.’”

Jeremiah 14:14

Nonk ne Roiá꞉ner wathariwahsehráko, “Ne rothitó꞉kense akʼsénnakon tsi ronnhowenhtánions; iáh tiekehiateniéton, iáh ó꞉ni thènen tetetkhehiáwi nakhenáhonke, iáh ó꞉ni ne tiowénhna thènen tetkheró꞉ri. Tsi nihonatkháton naʼtettsensehrákon tsi nihatitharáhkwah iáh akonháke nónh tetiawéhnon; tsi nihontró꞉ris kwáh iáh othènen tekariwástha tsi nihonahʼnonhthonniónhon.

Jeremiah 26:7

Ne rotikháres, tánon onhkwetahkwékon ionkathontéhon tsi niwakatró꞉ri ki nahorihoténsons ne Ononhsatokentiʼkówahne,

Lamentations 1:9

Kwák thiwéʼne nahiontkátho tsi niʼiáh tehiotkwé꞉niens, nók kwáh iáh othénen teiawenésthon nahonsterístake tsi niʼiothaterakwénni. Kwáh iotathiténrat tsi ní꞉ioht tsi thonwaiaténton; iáh tewathétseres nónkak akonwanikonranírate. Ne tehontátʼtsions ronatkwénion, tánon Roiá꞉ner iehonekénnis nataniténron.

Lamentations 2:14

Ne sonkwetaʼsónhas ne iehathiriwákens kwáh nek khók iesaróriskwe nohnówens; Ne rahonateriwahnothátsera wehsanikonráhten neh tsi iáh teshotásion ne sariwaneraháktsera. Wesónnien nasanonthónnionwe iáh tateiotonwentióʼon nahonsasahtatréwaʼte.

Lamentations 4:13

Nok thoniʼiawén:en, iehonataweiáthon neh tsi rothiriwáneren nahonkwetaʼsónhas ne iehathiriwákens tánon nahotsihénstatsis rothinhíkon Neh tsi ronnónha rothirihónni iakawenhéion nónkwe ne iathénen tehothinhíkons.

Lamentations 4:18

Ne hionkhíswens hionkhinikonrahrakwe; akwékon iáh tesewáthonskwe ne kanatakesons niahiakwe. Nonkwennísera iohteweiennentáʼon; ne tsi ónhwe ne tsi iehiótokʼte.

Ezekiel 13:10

“Ne rotitó꞉kense shaʼkonattaharahkwáhtha nakonhkwetashón꞉ʼa tsi rónhton akwékon ioiánereh. Oriwihiohónwe noriwahkwékon tsi iáh tehioiánere! Nakonhkwetaʼsónhas tsi wahonshontónhni iáh tatehothinawasthaiésthon nonenhiasónhas, tánon ethòne ne rotitó꞉kenseh onàhken tahónhne tánon katenrahkeríthon tahathinékaroh.

Ezekiel 13:6

Ne rahonahtetʼtsénsehra kwáh iáh thó꞉kenske tèhken, tánon tsi iehatiriwáhkens kwáh ohnhówenh í꞉ken. Akénhake akateriwanhotátshera ronahteriwáhnhothe, ók iáh ki Í꞉i tiekhehiateniéton. Étho kíʼ sána rothiráhre ne rahothiwenhnasónhas norihwí꞉io ahónton!

Ezekiel 22:14

Ísehre onhtèken thènen ne kanikonhrahnirátʼtshera iatahonsahiothaténhronhke ne shonháke tó꞉ka ó꞉ni iatakaiérihke ne kashastsʼténsera nashanenhtʼtsakaráhthate nónenh kén nienkonhiérenke? Í꞉i, ne Watiá꞉ner, wakatáti, tánon kathatewenhnahiérits.

Hosea 4:9

Tanon tsi nenhotiiatáwen nonkweshón꞉as, thóh kí nenhotiiatawen ne ratitsihénstatsis; kwáh enkheréwate tsi nihatiweienó꞉tens, tánon enshekhekáriakse tsi nihonatié꞉ren.

Hosea 6:10

Nonkweshón꞉as Nisraeró꞉nonke wakatká꞉ton ne iatetsoketó꞉te ioterihwatéha; ne Ephraim ahonkwè꞉ta ne wathokóktha thóh nón꞉we nikentéron, ne Israel tekonwaiathatiónston.

Hosea 9:5

Onhnenhsátiere nenhtewenhniserá꞉te ne wenhniserará꞉kwen nakakʼkhwárake, tánon nenhtewenhniserá꞉te nenhkakʼkhwárake ne Roiá꞉ner raorihwá꞉ke?

Micah 2:11

Tó꞉ka shí꞉ken onkát ne iakotharátses ne onowenhtós꞉kon í꞉ken, aiontón꞉heke, “Kwáh ienkerihwà꞉ke né꞉ne onenharataʼsehontsherákeri tánon ne ionekaní꞉ron,” raónha kíʼ iensakorihwákense ne rahonkweʼtashón꞉as!

Micah 2:6

“Tó꞉sa iaserihwá꞉ken”—nek kík sáka iehatirihwákens— “Iáh tehió꞉wenk ne iahatirihwà꞉ke kí nahorihoʼténhsons khés ne natehénsera entionkwahró꞉rohke.”

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Zephaniah 3:4

Nahonkweʼtashón꞉as ne rotitokénhse, kwáh iáh othé꞉nen tehonsterístha, iotonhkweʼtákterons; nahotsihénstatsis rotihetkénhtons ne iotokéntis nahoʼténhsons; tehotihiákon ne kaianerénhsera.

Deuteronomy 32:20

‘Kwáh ó꞉nen iáh nonhwénton tahonshakheié꞉nawaʼse; éhtho ki enkatkátho tsi nenhothihiatá꞉wen, thí꞉ken rotinonhtsistaʼní꞉rons, iáh tehothiriwató꞉ken onhkweshón꞉as.

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.