Jeremiah 5:24 - Ohiatonhseratokénti

²⁴ Iáh nonhwénhton tesehwanonhthonniónhon naskwakwéniensʼte, ethosáne iewahkateniéton ne kanenahkhéka okennoréhsehras ó꞉ni ne konkwitenékha okennorésehras tánon tkwáwis nahisehwaientkwáko ne niaʼtehioseráhke.

Jeremiah 5:24 ပူးပေါင်းရင်းမြစ်များ

Genesis 8:22

Kwáh tsi nikarí꞉wes enionhwentsá꞉teke, ne tsi nienhskahé꞉sheke naieienthóhseron ó꞉ni naieientwá꞉ko, aiothó꞉reke ó꞉ni naioʼtarihénhake, akenhnhá꞉ke tánon akohserà꞉ke, tsi niwenhnísereʼs ó꞉ni tsi niwahsón꞉teʼs, kwáh iáh thaʼtaká꞉taʼne.”

1 Kings 17:1

Né rotó꞉kense Elijah ronhwáiasts, né꞉ne Tishbe nónhwe nihanákere né꞉ne Gilead ahonhtonhwenhtsáke, wahawénhase ne Ronhnonhtí꞉io Ahab, “Raosénhnakon ne Roiá꞉ner, né ronhnhehónwe sako Ní꞉io Nisraerʼró꞉nonke, tsi nikáien rihióthenhse, Wakonhróri tsi kwáh iáh tahonsahioháweʼiaste khés nahiokénhnore né꞉ne tékeni khés násenh nihioseráke nikaríhwes tsi nióre ienskíronh thóh nahonsahiáwenhne.”

Job Tánon ne Raoronhiakensera 29:23

Wahonkaterá꞉rate tsi ní꞉ioht naotirá꞉reke nokenhnorésehra; watontská꞉raʼwe tsi niiokenhnó꞉ron ne kokwitè꞉ne.

Job Tánon ne Raoronhiakensera 38:37

Ónhka iakó꞉ien naʼthokhá꞉tshera nakonwanaséhte ne iotsatarón꞉nions? Késʼne ónhka aiekwé꞉ni ne aietokerón꞉tate ne kanhé꞉on watnekaráhkwa tsi karonhiá꞉tes,

Job Tánon ne Raoronhiakensera 5:10

Rakenhnoréstha ne tsi ionwenhtsá꞉te tánon ronehkónties ne kahentá꞉kes

Psalms 147:8

Otsatasónhas rarorókstha ne tsi karonhiáte, raweienénhtas nahiokénhnore nonhontsáke, ne rónhnis nóhonte nakonteiáron ne tsi ionhniarónhnions.

Psalms 65:9

Sehnéstha tsi natesehriwásnie ne tsi iohontsáte tsi tesahteniétha nokenhnorésera, kwáh í꞉ken tsi iawetowánen tsi nishanerástha; tesehiatʼkawénhnis nonkweshónha nonátsa, asèken né꞉ne kwáh í꞉se thóh nisahkwahthákwen.

Isaiah 64:7

Kwáh káti iáh ónka tseienátons ne shasénhna, khés nahionteniénten naieshatiénawasʼte; asèken ní꞉se thakwatʼkonshasehténhni, tánon thóh waskwát꞉kaʼwe notshanàkes nonkwahrihwaneraháktshera.

Jeremiah 10:13

Nónen enhatewenhnátesʼte enwatnekahkarénisʼte ne tsi karonhiátes; tánon rónnis nahioháweiasʼte ne tsi iehiontonhontiotʼtaníhon Tánon rónnis ne tahonnihnekarahwáhnion nónen iokennóron tánon tahtheniétha nòwerah thóh nitewèhtha tsi nónhwe nihaientákwa.

Jeremiah 14:22

Kwáh iáh ne kahiatonnisónhas ne ónhkwe konhwatisénnaiens tahkonhthikwéni nahonthakonhténieʼthe nokennorésehra; ne iatekahiáti tsi iotsikerahrónnions iáh thakahkwéni naonhstharahténiaʼte. Isèhke nónhwe nihionkwáhien nonhkwahrahrátʼtshera, Ó Saiá꞉ner onhkwahNí꞉io, tioríwa tsi sonhatsíwak khók kí꞉ken eh nisheránions.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 3:3

Ne aoríhwa iáh tetsokénnores, tánon ne konhkwitenékha okennorésehra iáh tetsawéhnon. Kwáh ó꞉ni éhtho nishiatóten tsi ní꞉ioht ne ioriwahiathathónʼon; iáh teshatehensehráhien.

Jeremiah 5:22

Í꞉i ne Watiá꞉ner; nonhtiéren tsi iáh teskhetsiánis? Nonhtiéren tsi iáh teshahiathisónkwa nakʼkénton? Wakenehsahronkóntion ne tahkawahnátʼte ne kaniatarahkheʼkówa, ne iahontkónhthaʼkwe tahontʼwáhnahke ne ne iáh tahónton tahkahiáiake. Ne kaniatarahkheʼkówah ne tahiowehrahtháse, ók iáh kíʼ tahónton ne iahonthóhetste; ne iononhthakwarontáties nahioronkathónhake, ók iáh kíʼ thahónthon ne iathakonnótʼkaweh.

Jeremiah 50:5

Enhatirihwíshaʼke tsi niehotʼthaʼhínonh ne Jerusalem tánon enthontáshaʼwenh ne shé꞉konh tsi thoʼnonhóntsaien niahonshaʼhónhne. Ne ne tsi nénhwe enkáhthake ne aterihwahseronhniatshera ne ne iáh nonhwénhton tathaʼhonsahkaiákon tsi Tenhóntʼnerenhke ne Roiá꞉ner.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Hosea 6:1

“Káts, ánion Roiá꞉ner nokwáh nietsí꞉tewe; asè꞉ken rahónha seh ne shonkwahiataratiónkwen, tánon rahónha kí nensehshonkwahtsénte; rahónha shonkwakarewá꞉ton, tánon rahónha kí ensheshonkwahkentó꞉ren.

Joel 2:23

Tesewahénret natsenhnonhniá꞉tsheras, sewahioʼokónhas ne Zion, tánon sewatonhná꞉rak rahonhà꞉ke ne Roiá꞉ner ne Sewaní꞉io í꞉ken; asè꞉ken thiatenietén꞉ni nokenhnorésera thóh raoriwakwarishiontserá꞉kon; enthiateniéhten niatakaié꞉rike nokenhnorésera ne kanekákene tánon ne kokwitè꞉ne.

Amos 4:7

Tánon káti ó꞉ni takónʼneke nokennoréhsera ne shonhá꞉ke nó꞉nen shé꞉kon áhsen niwenhní꞉take sitiotatèn꞉ron naieienthó꞉ko; skaná꞉ta khók tsi nón꞉we ienkaténniehte nokennoréhsera, tánon iáh ne ó꞉ia tkaná꞉taien; skahèn꞉tak khók tsi nón꞉we neniokèn꞉nore, tánon tsi nón꞉we ne iáh teiokennó꞉ron ionatáten nenhné꞉e;

Zechariah 10:1

Tsi seh wariwahnónhtons ne Roiá꞉ner nahiokén꞉nore ne kokwitè꞉ne. Roiá꞉ner seh thateniéhtha tsi nikanekarión꞉nion notsiátas ó꞉ni tsi iohtsatharáhties, ne nakwé꞉kon ahiakohianeráhsten ne kaienʼthó꞉tsheras.

Matthew 5:45

Aiaȣens iaontoriȣiheȣe ne tokenske etsiseȣaienha aonton ne Etsiseȣaniha Karonhiake tenteron: aseken iah tatehatihas, ok satesakosȣathetenni ne ionkȣetakson tsiniiot ne tionkȣetaieri.

Acts 14:17

Nók kíʼ tiókonte rawenestonhátie tsi thóh ítres neh tsi niʼiohiáneres tsi nisakotiéraʼse nonkwesónhas: tsi karonhiátes non tatheniétas nokennorésera ó꞉ni tsi niʼieientwákwas; hiakwhanóntens ó꞉ni neh ranahnónktha ne seriáne natʼtsennonniátseras.”

Deuteronomy 28:12

Enʼthaténiehte nokenhnorésehras tsi natehiotonhotsó꞉hon tsi nénhtewe ne iokwats ne tsi rathakweniaientáhkwa ne tsi karonhià꞉te ó꞉ni enhaiaʼtaté꞉riste akwé꞉kon ne sahioténhseras, ne káti nahónton ne iakotiohkowá꞉nen asehnihásehke, ók iáh ki ní꞉se thatehiotonhontsóhon ne thé꞉nen aiesáhni.

Ne꞉ne Sák Rohiaton 5:7

Sanikonkástek, nekáti, tewatenroshónhas, tsi nióre tènt꞉re ne Roiá꞉ner. Satkátho nihothinikonkáste ne rathiʼiéntʼthos tsi nihothiráre né rahononhóntsia neh ahontakáhawe ne kanórons kaienthótseras. Kwá sakthíken tsi rothiráre ne kanenʼnakéne ó꞉ni ne kokwité꞉ne nahiokennóreh.

Revelation 11:6

Rothikweniatsherá꞉ien nahninhó꞉ton tsi karonhiá꞉te, ne káti iáh thaiokennhó꞉reh tsi nikarí꞉wes ienhniriwakénsheke, ó꞉ni rotishatstenhserá꞉ien tsi nokwá꞉ti nonekasónhas né꞉ne anón꞉niate oʼnekwénhsha, ó꞉ni nanikarehwá꞉te tsi ionwenhtsá꞉te ne kwák tsík niatekanhrotensons, kwáh tsi niiót꞉kate tsi nenhiaská꞉neke.