Jeremiah 5:23 - Ohiatonhseratokénti

²³ Ók íse tiónkwe! Í꞉se ne sewanontsisthanírons ó꞉ni sewahteriʼioserahnónhwe; ákte niahísehwe tánon waskwatewénhtheʼte.

Jeremiah 5:23 ပူးပေါင်းရင်းမြစ်များ

Psalms 78:8

tánon iáh tehiówenk ne thóh nahatihiathoténhake tsi ní꞉ioht ne sakotisotʼthonhkonkénʼen, rotiʼnontsistaníron tánon ratirihwaʼnónhwe ronhnónkwe, né꞉ne ónhkwe nakaweriáne iáh tehiorihwatóken, tsi thonwetákwen ne Rawenni꞉io iáh tehiorihwatóken.

Psalms 95:10

Asèken kaiéri niwáhsen niʼioseráke kenakwáhsene nètho onkweshón꞉has waʼkíron, “Né꞉ne onkweshón꞉has né iáh tehiakorihwaʼtóken, tánon iáh tehonthóntats nahontewénnahrakwe nakerihwatatʼtséras.”

Isaiah 1:5

Onhniʼiotsiéren ní꞉se tsi takonhniénhnis nakonhnonwenhsehrário? Ónh niʼiohtsiéren tsi iesakonhtákwen naskatkónten? Kwáh sanonhtsistakwékon thiʼtsioróhron tsi ióhto, tánon sehriasakwékon tsi iononwáktani.

Isaiah 31:6

Sasehwá꞉ket rahonhá꞉ke nionhsásehwe í꞉se ne kwáh í꞉ken tsi tehiahosehrénhon tsisewatsiaʼtonhtakwénhni, Ó tsiónhkwe Israerʼró꞉non.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

Jeremiah 4:17

Tánon tenhathinahthánahke ne Jerusalem tsi ní꞉ioht ne ronnónhkwe rahthinikónhrahre ne kahentháke, tioríhwa ne ahonkwetaʼsónha iáh tehonwahwenhnaʼráhkwen ne Roiá꞉ner. Ne Roiá꞉ner rothatíhon.

Jeremiah 5:5

Ne ienkhehiató꞉renʼne ne rothishaststenseráhien tánon tenhiakwahtháren. Orihwiʼiohónwe tsi ronahteriénthare tsi niharihwahnónhtons ne Raotiní꞉io, tsi natehothonwenhtioni ne Roiá꞉ner tsi nahóntiereh.” Ók rathikwékon kwáh rothikenrahthaníhon ne Roiá꞉ner raohianerénsehra tánon iáh tehonatʼthontháton nahonwahwenhnahráhkwen.

Jeremiah 6:28

Kwáh rathikwekon rothinonhtsistahnirons ionkwetatʼsenhs, thóh nihionirons tsi ní꞉ioht ne otsínekwar nikaristhotens ó꞉ni ne karisthatsis. Rathikwekon kahetkenton, tehonahkwahtahsehatie tánon aktsioken tehonahreniá꞉thonhatie.

Hosea 11:7

Nakonkweʼtashón꞉as tehonatsiatonháties tsi nihonatekwenháties nakonhà꞉ke. Né꞉ne kwáh è꞉neken tókte iehonwanatónhnions, ók kwáh ki iáh tesakowisarakwénhnis.

Hosea 4:8

Ne rononnhékwen tsi nihatirihwanérats nakonkweʼtashón꞉as; ronatetʼtsen ne raotirihwaneraháktshera aorihwà꞉ke.

Zephaniah 3:1

Ah, sateʼnikonraksáton, tánon senhtatsáton, iakothorahrákon kanatowanenhkó꞉wa.

Deuteronomy 21:18

“Tó꞉ka shí꞉ken ónhkak iakonekenʼteronhtsherá꞉ien ne rononhtsistaʼní꞉ron tánon iáh tehatewenhnarákhwa, né꞉tho ranekèn꞉teron iáh teshakowenhnarákwa ne ronhwaiénha, iawerohátien tsi ronwarewátha.

Deuteronomy 31:27

Wakaterièn꞉tare tsi nihotinonhtsistaʼní꞉ron ó꞉ni iáh tehontewenhnaráhkwa. Iáh tehonatewenhnaráhkwen tsi nokwáh ne Roiá꞉ner tsi nikarì꞉wes konhnhétie, tánon sénha iáh tahontewénhnaraʼkwe nó꞉nen enwakihé꞉ion.

Hebrews 3:12

Tewatenroshón꞉a, sewanikonráhrat tóhsa ónka tsi nítion thoʼnióre tsi aiseweriaskatsénhake ó꞉ni aisewahtenowéntake kwáh ahtsisewatswahténien ne ronnheónwe Ní꞉io.