Jeremiah 5:22 - Ohiatonhseratokénti

²² Í꞉i ne Watiá꞉ner; nonhtiéren tsi iáh teskhetsiánis? Nonhtiéren tsi iáh teshahiathisónkwa nakʼkénton? Wakenehsahronkóntion ne tahkawahnátʼte ne kaniatarahkheʼkówa, ne iahontkónhthaʼkwe tahontʼwáhnahke ne ne iáh tahónton tahkahiáiake. Ne kaniatarahkheʼkówah ne tahiowehrahtháse, ók iáh kíʼ tahónton ne iahonthóhetste; ne iononhthakwarontáties nahioronkathónhake, ók iáh kíʼ thahónthon ne iathakonnótʼkaweh.

Jeremiah 5:22 ပူးပေါင်းရင်းမြစ်များ

Genesis 1:9

Tánon Rawenni꞉io wahén꞉ron, “Nohné꞉ka ne ehtà꞉ke nakarónniaʼti énska khók tsi nón꞉we niwatnekaró꞉rok, tánon ne iohontsáthen watotáhsi.” Tánon tho naʼá꞉wenʼne.

1 Kings 13:28

tánon iahosháthen tánon iahatʼtsénhri ne rothó꞉kenhse rahoierónhta owahá꞉ke káien, né tewahóntes ó꞉ni ne kénreks shé꞉kon thóh ákta íh꞉nete. Né kénreks iáh tehawékon ne oierónhta iáh ó꞉ni tsehotsathóntion ne tewahóntes.

Job Tánon ne Raoronhiakensera 26:10

Wathahiáton tsi wahakakwenhtáraste è꞉neken ne kaniatarahkeʼkowáhne, thóh tsi washerihiethatátie tsi naʼtetiátere ne teioswáthe tánon ne tetiò꞉karas.

Job Tánon ne Raoronhiakensera 37:24

Ne kí aorì꞉wa nonkweshón꞉as ronwatsá꞉nis; iáh tesakokweniénstha ónhka í꞉ienre ionteʼnikonraʼtókha.”

Job Tánon ne Raoronhiakensera 38:8

“Khés ónhka iakonó꞉ton ne kaniatarakeʼkowáhne tsi kanonkarón꞉tons nó꞉nen satontaiótkaʼwe tsi ní꞉ioht thóh nontaiawenonhatséne tsi watewiraráhkwa?—

Psalms 104:9

Shakwatákwen tsi shaʼieronnítston né꞉ne iáh thahónton niahkontóh꞉hetste, né꞉ne tóh꞉sa shé꞉kon ahonsahkahnekaró꞉roke tsi ionwenhtsiáte.

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 33:7

Wasahkoniáton ne kaniatarakhekówa; waʼhanekanóton ne kaniatarakhekó꞉wa né꞉ne tsi nón꞉we niwatnekaienthákwa.

Psalms 46:3

khés ó꞉ni ne kaniatarakhekó꞉wane nahiorakará꞉ke tánon akawástsʼtsake, ó꞉ni ne ionhnontarón꞉nions kwáh í꞉ken tsi tehiotenonhianíton tsi tahiowí꞉sonhkwe. Selah

Psalms 99:1

Roiá꞉ner séh ne ronnonhtí꞉io í꞉ken, ánion iakoiatí꞉sont nonkweʼshón꞉has! Raonitskwárare rénhskote thóh éhʼneken tsi niʼnikonhrare iotokentis; ánion tehiahontsíʼshont!

Proverbs 8:29

wahshakóhnhaʼne ne ohnekaʼshón꞉ʼa ne kaniataraʼkehkó꞉wa tóhsa sénha aontakahnekakará꞉tate tsik niió꞉re wahshakoríhon. Tho ié꞉keʼskwe ne shahrón꞉ni tsi nón꞉we nontoríshen nonhwéntsa.

Isaiah 50:2

Onhnontiéren tsi iáh ónhka thóh tèienskwe ne sháʼkewe? Nontiéren tsi iáh ónhka thaʼieiakorihwasehrá꞉kwen shaʼthontonkhénrete? Niskaʼtianésa kén, tsi iáh takakwéni nahonsahiakoniá꞉kente? Khés iáh tesewakeshatsʼtenhseráien nahonsakʼkhenónsthate? Né tsi wakatewenhnaiéntonʼwe wasthátʼthate ne kaniatarakhekó꞉wane, Né wakónhniaʼte ne tsi kaniataraténions iahonwenhtsaʼthénhake iahónton; nahotiʼtionʼshón꞉has waʼkentsakérane ne tsi iáh teskanekáien, tánon wahonhníheʼie ne tsi nihotiʼniatáʼthens.

Isaiah 64:2

kwáh tsi ní꞉ioht nó꞉nen nó꞉tsire enwatékhaʼte noniénhkwires tánon nótsire né enkarihónhni noné꞉kanos tahionekónhti— né nasónhni né shaʼsénhna nahonateriénhtaraʼne ne iesás꞉wenhs, né káti né ronhnonhontsaʼkeró꞉nons nonhtiérenk ahotiʼiatíshonkwe ne shahénton!

Isaiah 66:5

Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Jeremiah 10:7

Ónhka ónhte ne iáh thaʼieshaʼkweniénstaʼne, Sehnontí꞉io nonhkweʼókon? Teshaʼténtion nahieshaʼkwéniensʼthe. Kwáh iáh ónhka ne ahonshaʼieshaiérenʼke ne rahthihiatoʼrókʼkon ne rontenikonratʼthó꞉kha nonhkwèʼne ó꞉ni ne raotiʼnakerahserákons kwáh iáh ónhka teʼtseshaʼiéren.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 31:35

Ne Roiá꞉ner tatkáwas ne karáhkwah tahkaswátʼtheʼte tsi niwenhnísehres, nasontʼthennéka karáhkwah tánon ne tsi iotsistokwahrónnions ne nènhne tahkeniswátʼtheʼte nasontʼthénne. Tehanonhwafʼfátha ne kaniatarahkheʼkówah tánon rónnis nahionronkhatónhake; ne raoʼsénna ne ne Roiá꞉ner Roshastsʼtenserowáhnen.

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Amos 4:12

Eʼthó ká꞉ti ne aorí꞉wa Kwáh tho nenkónié꞉raʼse, O Israel; tsi kí꞉ken tho nenkonié꞉raʼse, satateweienèn꞉taʼn ne taetsatátken ne Saní꞉io, O Israel!

Amos 9:6

raónha rotatenatonhniénhni ne karonhiá꞉ke, tánon róson ne iononwaró꞉ron ne tsi iohontsá꞉te; raónha iehanekákwas ne kaniatarakeʼkowáne, tánon thóh eʼneken tanekawérons ne tsi ionhontsá꞉te— né raosénhna né꞉ne Roiá꞉ner.

Jonah 1:16

Né kí꞉ken waʼkakwé꞉ni ne ratihonweiaʼkehró꞉non ó꞉nen sénha wahonwatshá꞉niʼke ne Roiá꞉ner wahontienʼkwarón꞉niaʼte tsi waʼthonwanonhwerá꞉ton ó꞉ni wahonwahrharátsten tsi enhonwaióʼtenhse.

Nahum 1:4

Wahathárahse ne kaniatarakeʼkówa tánon wahrón꞉nien nahonstát꞉ten, tánon wahastát꞉thaʼte akwé꞉kon tsi kaniatareʼéhnions; Bashan ó꞉ni Carmel onstát꞉ten, tánon tsi nihiotsitiónhnis ne Lebanon onhtashó꞉ko.

Matthew 10:28

Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.

St. Mark 4:39

Sahaie, nok ȣahatteten noȣeron, ȣahenron: Tastotek, tatesatotat oni, nok tonsakaȣeriiake ionȣesenhonȣe ok tiskanekaien.

Luke 12:5

Enkȣarori ki tanon tsinahoten aeseȣastsaniseke: neh seȣatsanisek tsinahoten iakorios, nok onakenke Onesson iaiakoiatonti; neh tohiken seȣatsanisek.

Deuteronomy 28:58

“Tó꞉ka iáh orihwakwé꞉kon tahioriwatokénhake tsi ashatewénhnaraʼkwe ne Rawenni꞉io rahorihonhnienhní꞉tsheras tsi nikahiatón꞉nion ne kén꞉en kahiatonhserá꞉kon tánon tó꞉ka iáh tathasherénhsaron ne ionerákwat ó꞉ni iorá꞉se raoshén꞉na ne Roiá꞉ner saNí꞉io,

Revelation 15:4

Saiá꞉ner í꞉se ne iáh teshaterónhni tánon aieshasenhnowánate? Asénke iateshiá꞉ti ne sahiatatokénhti. Akahontsakwé꞉kon kwáh éntsien tánon enieshasénhnaien sahén꞉ton, asè꞉ken ne sariwenhtá꞉tsera kwáh kíʼ iotehrihó꞉tashion.”